اكلتي الجالكسي؟ اجل من كلاه <== سالفه صارت لي هاهاها

هيومه وكلي صرقعه · 09-28-2007, 08:24 AM

صباح الخير مساء الخير عشاء الخير فجر الخير
صباح الهايلكس والسكن
صباح الجنط والسلندرات خخخخخخخخخخخخخخخخخخخخخخخخخخخ
<<<<<==== طب وتنقى على اي توقيت انت تقع في خط جرنيتش ولا خط الاستواء ولا خط الرياض الدمام واختار توقيتك
شوفو في راسي حب ما انطحن وفيني لفه ودي اخربط على روسكم شوي
الرجاء من القراء الكرام ربط الأحزمه تحسباً لأي افكار مقلعه غير آمنه قد تهوي بعقولكم إلى الهاوية
جات الساعه 6 الصباح <==== كان حلفتي عليها بفنجال
وانا لسى اطعس بسريري شوي يمين شوي يسار وهالنوم لو هو بمليون شريته بس انام
مغصني بطني زرفت جنط مغص - مغصني سني زرفت جنط سابوفين
شوي الا الساعه 7 ونص اف ياربيه ماجاني نوم قلت ابد يامناحي مالك الا جنط بندول نايت بس الحين صباح اخاف يصحيني للمغرب واخمد قلت بلاش استهبل معدتي ماهيب صرصور تجارب
وارجع اطعس بالسرير ومخدتي تشطف راسي واشطفها وتجي البطانيه وتخمس وانا اقول حبتين <==== بشارع المليون الاخت موب بالسرير
ويجيني مغص باصبعي قلت ياربي وش اسوي وادهن اصبعي بزيت فرامل قلت كود انه يخف ومادريت الا الساعه 8 ونص يؤ يؤ يؤ يؤ يؤ وش هالقلق و الارق اللذي اغتال سباتي ويحك يا ابا غلام
وارجع ابنشر بالسرير واطق ذيك النومه اللي راسي بالارض ورجليني على المخده والبطانيه ناشبه بشوشتي
ومادريت الا الباب يدق بأدب (يعني لا أبوي ولا أمي الله يحفظهم ) واحد يبكي ورى الباب يؤ يؤ يؤ يالله صباح خير ميييييييين <=== بشقه الاخت موب بغرفه
الصوت : انا افتحي (بصوت مخنوق بالعبره )
انا : وش تبين (طلعت اختي الغوله عمرها 12 سنه وتبكي )
اختي : افتحي ابيك
انا : نقزت بلمح البصر الا انا مرتزه عالباب الله يستر وش صاير
اختي : انتي اكلتي الجالكسي حقي (وهي تبكي ) <== طبعا اختها دوووووووووووووبه وتصيح من اي شي
انا : اييييييييييييييييييييييييييييييييييييييييييششششششش ششششش
اختي : انتي اكلتـــ ........
انا : ( وابليس واعوانه واهله وقبيلته واخوانه والجماعه والجياران وعيال الحته ورقصني ياجدع فوق راسي ) الله ,,,,,, طووووط ’,,,,,, ياللي ,,,,,,, طوووووط ,,,,,, انتي ,,,,, طوط ,,,,,,, مصحيتني ياوجه التيس على ابو حلاوتك يابزر
وخري لأفجر مخك لابو هالملامح على هالبراطم <==== عصبت
واصك الباب في وجهها وانا معصبه وفيني الضحكه واناظر بسريري من بعيد اقول اف قسم بالله طعوس الهاف مون موب سرير ذبحني الأرق يمممممممممممه
وارجع اطعس واطعس واتذكر الطفوله والمراهقه وبنات الجيران وبنات المدرسه واتذكر السفر والمدرسه والمعلمه المصريه اللي دايما تطردني واتذكر البنغالي حق البقاله واتذكر سواقنا اللي يستر على دجاتنا لا دجينا واتذكر كل شي اف ياربي وش شريط الحياه هذا اللي مر علي ابي انام واقعد اقحص بالسرير من 12 إلا وحده ونص وانا ودي اقوم اتوطاها ليه تقومني على ابو حلاوة وبين ودي انام وودي اضحك على عائلتي المحترمه
واصكها نومة للساعه 4
وتجي امي الوقور الله يحفظها
(الباب كاد ان تتفكك صواميله من قوة الدبج ) قومي يابنتي الله يهديك قومي عندك موعد بالمستشفى قومي يا ,,,, يا ,,,,, هذا سهر الليل والصلاوات والـ ,,,,,,,, <== هذه الفراغات عباره عن كلمات دلع وحب ورومنصيه بس اخاف من العين الله يحفظ اميمتي لي رقيقه وناعمه معاي
وكان اقوم زي الذيب وتبدأ المغامرات من هنا
يالله يالله يا امي بركب الموتر <=== طبعا الرخصه بجيبي والاستماره يعني ابن امها كبسوله توقفني بالخط
<=== اعصابك لا تقطعين الاشاره
واركب ورى السواق وتركب امي
<=== رايحه لدكتور الاسنان
ومتأخره وسواقنا مسوي أخلاق موقف عند اشاره مافيه الا هو والسكون
انا : هيه اقطع لاشاره
هو : يقزني بالمرايه مو مصدق
امي : الله ياخذك المخالفه بتجي على ظهري لو انتي بسيارة ابوك ماخليتيه يقطع
انا : يابن الحلال دززززززززززززززززززززززززز لا جاتك مخالفه بسددها انا <=== اخس
(ويقطع السواق )
امي : ربي رحمني انا وابوك انك بنت كان مانزورك الا بالإصلاحية ..خخخخخخخخ
فديت عنون امي دمها عسل
وانزل مرتزة للمستشفى ولا ذا الباب اللي بالمستشفى مدري وش يبي كأنهم يقولون تعورو عشان نعالجكم <== مخها تجاري تسويقي مايمشي عليها لعب الدقون
( للي يعرف بوابة مستشفى سعد اللي يدور )
( للي مايعرف البوابة اللي تنقسم لثلاث اقسام ويدور )
دخلت انا وامشي مرتزه مع وجهي مشوته العيال كلهم ويجي ورع بالقسم اللي وراي ويتاخر كان يدقر الدوار ويوقف ويصقع خشمي المرتز على الباب طااااااااااااااااااااااااااااااااااخ يؤ يؤ يؤ وش صار
ومن اللي ماضحك اذا اميمتي ضحكت بشره على الغريب انا ؟ ولو كيف لاكان
واتفشل واسب والعن بهالطعس اللي وراي ملاهي هو, انتا وياه قاعدين تلعبون ,,,, الله ياخذه الطعس قال لي هه ههه ههه ههه ههه ههه شكلك يضحك وانتي مصقوعه ,,,,, قلتله خلاص حبيبي طس يامال الطسه اللي مايردك الا باب المندب
وادخل وانا مجروحه من داخلي وصرحي طاح وتكسر
واطلع لقسم الاسنان ( لو سمحتي الدكتور فلان ) هلا والله الاخت هيام(حسيت اني مهمه قلت على الاقل ماشافت خشتي وهي تندبج بالباب ) اي اختي انا هيام بلحمي وشحمي <=== مسويه جنيفر لوبيز ( تفضلي من هنا )
وادخل على الدكتور ويكشف علي
( اي ده يا هيام ايه الدمار اللي عملاه بنفسك اي الاسنان التعبانه دي ) يؤ يؤ يؤ يؤ دكتور اسناني وش زينها جايه بس اسوي تنظيف ( الكلام ده غلط دنتي محتاجه سحب اعصاب وتلبيس للأسنان الاماميه وزراعه ضرسين ) قلتله هيه يالحبيب بلا نصب على الدقون وش هالاشعه اللي بيدك ( واسحب الاشعه ياتسبدي وش ذا والله هالاثم موب لي ) يادكتور وش ذا ( واقلب الملف واقرا اسم زكيه بنت فلان ) وهـ بس الله يحللك يازكيه من الفرحه بغيت اعالجك على حسابي خخخخخخخخخخخخ ( لا موأخزة ياستي خربطة ملفات ) <=== الله يخربط ملامحك على ماهي مخربطه يالأثول
وينظف اسناني واطلع وانا طالعه في حوض فيه سمكات واناظر واشوف هالسمكه الورديه اللي ماشفت مثلها وزي البزر ( يممممممممممممه تعالي شوفي ) قالت امي صه فضحتينا <== اشوى انها صكتك كف حلاقه
وش تبين ( شوفي سمكه ) قصم بالله بزر موب آدميه شايفه تمساح الاخت <=== فديت عنون امي دمها شربات بس مو مروقه
واطس واركب السياره
وارجع البيت واشغل ( الصيف قرب والسفر حان طاريه ’’’ ) وادق رقبه وانا اشد عفشي
وكان عفشي عباره عن ( عفريته - استبنه - اكستنشن انوار زينون - قير احتياط - جلنط مستخدم - طاسة هايلكس محمله بعير - اسطب كابرس مهرهره - دركسون كراسيدا ) خخخخخخخخخخخخخخخخخخخخخخ فديت عفشي رايحه بنشر موب سفر
شوي وتدخل امي ياهيييره<=== يعني هيام بعصبيه
خالتك بتجي تسلم علينا
وتجي خالتي هلااااااااااا والللللللللله على وين
خالتي : بروح لولدي بباريس اقعد معه اسبوعين وبنرجع
انا : الله يهنيكم تصدقين خالتي حسوفه اني رفضته لو اني وافقت عليه كان انا بباريس الحين بس صدق اني وجه ضب
خالتي : اعصابك من قال اني خطبتك له <=== فشله خخخخخخخخخ
انا : انتي لمحتيلي ياشيخه ذاك اليوم
خالتي : خبلا اخذك له عز الله طردتيني من البيت
انا : افا ياخالتي راجعي نفسك بتندمين ترا
خالتي : امزح فديتك بس معصي ولدي بزوجه اميره
انا : انتي وولدك اللي يسمعك يقول معذب العذارا اشوى ان خشته ملعب باكستانيين في منفوحه
خالتي : اللي مايطول العنب
انا : اها بس
وتطس واجي اتبطح بالنت من موزوع للآخر للآخر
واي شي جديد انا في يجي يقول حق كلوا نفرات بوسه كبير حق بنت وكف صغير حق ولد نفرات
استمتؤؤؤؤ في موزوعي ولا مؤاخزه لاني سويته على عجله من امري ولا راجعت الإملاء<=== لا يكثر اعذار بايخه
يالله يالله باي
طحياطي

**الملح كله** · 09-28-2007, 11:41 PM

امممممممممممممم

سافه حلوة جدا

خخخخخخخخخخخخخخخخخخخخخخخخخ

<<<تفكر قبل ما تضحك الحمد لله

جلست اقراها ربع ساعه مخي مقفل

بس اسلوب يضحك لا تحرمينا من جديدك اختي

ســوســو المصرقعه · 09-30-2007, 05:21 AM

هههههههههههههههههههههه

آآآي يابطني خخخ عورني من كثر الضحكـ خخخخخ

يسلمووووووووو هبيبتي على هيك موزوع

اختكـ

المصرقعهـ

**غـ/ـٍركـ زمـًٍآنِـَكـ ..~** · 09-30-2007, 11:04 PM

هههههههههههههههههههههههههههههههههه

الله يرجتس ياشيخه

اماامتس قمة الرومنسيه مشاءالله

هههههههههههههههههههههههههههه

واحلى شي اختس انالو مكانتس اتوقع ماتطلع حيه من الغرفه<<<بيجيها تكفيخ!!

هههههههههههههههههههههههههههههه

<<والله لواجلس اعلق عليتس لبكره ماسكت

الله يرجتس بس

مشكوووووووووووووووووره،،

Hilary · 10-02-2007, 03:56 PM

هههههههههه

عليك اسلووووب يفرتك العقل

الله يرجك بس

يسلموووو

ولاعدمنا أساليبك الحلوه

مودتي ........^_^

**orchid flower** · 10-02-2007, 04:43 PM

ههههههههههههه قصه مضحكه بس عندي سؤال انتي ساكنه في الخبر

تحياتي

** اوركيد فلاور **

راعية فزعه · 10-22-2007, 02:44 AM

موضوووعك روووووووووعه انتظر جديدك يااالزاااحفه تقبلي مروري

عاشق اللينكون · 02-15-2008, 04:18 AM

هههههههههههههههههههههههههههه

اختي : انتي اكلتـــ ........
انا : ( وابليس واعوانه واهله وقبيلته واخوانه والجماعه والجياران وعيال الحته ورقصني ياجدع فوق راسي ) الله ,,,,,, طووووط ’,,,,,, ياللي ,,,,,,, طوووووط ,,,,,, انتي ,,,,, طوط ,,,,,,, مصحيتني ياوجه التيس على ابو حلاوتك يابزر
وخري لأفجر مخك لابو هالملامح على هالبراطم <==== عصبت

و الله اللسان العذب عليك كل هذا تدليع في اختك

**ZOZO** · 02-15-2008, 03:13 PM

ههههههههههههههههههههههههههههههههههه

ههههههههههههههههههههههههههههههه

اما سالفه ماتدش العقل تموووووووت ضحك

ياااااااازين امك بس

والله مشكوووووووره على هيك صرقعه