أبــــو الـعبــــد .. والـجـمـــاعــة ::

**سوسو** · 06-12-2006, 11:17 AM

أبو العبد شخصية شامية أسطورية مثل شخصية "جحا" عندنا

المهم

أبو العبد ماشي الصبح وقابل صاحبه بالطريق

كيفك يا أبو العبد .. وين رايح على هالصبح ؟ -

!! بدي اروح اجيب فطور لنفطر انا وسعاد مرتي -

!! ويلك يا زلمة مش عيب عليك تقول اسم مرَتك هيك قدام الناس -

طيب شو بدك أحكي يعني ؟ -

! يعني أي شي .. لو حدا سألك قول رايح أجيب فطور للجماعة -

!! طيب .. يصير خير ان شاء الله -

!! يلا خلينا نشوفك ..

.
صاحبنا أبو العبد ماشي .. عدّى عليه أبو خشبة ( مخبر أمن الدولة )

وين رايح يا مواطن ؟ -

! بدي أروح أجيب فطور للجماعة -

! يا سلاااااام !! وبتقولها قدامي هيك عادي يعني -

يخرب بيوتكن مليتو البلد !! قدامي على المخفر ( الشرطة يعنى )
.
.
يدخل المخبر على الضابط

!! سيدي قفشنا هالمواطن متلبس بده يجيب فطور (( للجماعة )) -

!! هاتو نشوف عن شو بيحكي -
.
.
يدخل أبو العبد الغلبان على الضابط

!يلا احكي لي شو اسم هالجماعة ؟ -

!! لا سيدي الظابط ،، عيب .. أحكى اسم الجماعة -

حتعترف ولا تاكل كتلة لما تموت -

ولد يا ابو خشبة .. خده بهدلوا ضرب على وين بيوجعوا -

!! لحد ما يعترف ع اسم الجماعة .. شكله خطير هالزلمة
.
.
.. أبو خشبة نازل ضرب وشلاليط في أبو العبد اللى مش راضي يعترف

شوي إلا ويدخل الضابط

يعني مابدك تحكي .. مسويلي فيها أزعر ؟ طيب عندي سؤال ثاني -

!! اتفضل سيدي -

يا ترى شو حجمها هالجماعة ؟ -

!! لاااااااااا .. كتير هييك سيدى .. زودتها بصراحة -
.
.
.. الضابط بنادي على أبو خشبة وبيقوله اقعد عليه وفطسوا ليعترف

بس برضه ما فيش فايدة ..

والضابط يتدخل ويقوله :

طيب عندي سؤال أخير -

! هات نشوف شو أخرتها معكم -

متى بتجتمع مع الجماعة ؟ -

لا لا لا يا سيدي الظابط .. كيف عم تحكى هالحكى ؟ .. شو بدك تطلعني زلمة مش منيح -

! مش عاجبك الشنب الي واكل نص وجهي

اي والله بنط في بطنك هلأ وباخد فيك اعدام
.
.
الضابط كبرت معه وينادي على أبو خشبة ليشيل أبو العبد ع الحجز

لعرضه على نيابة امن الدولة

سيدي قبل لا اروح ع الحجز .. ممكن أكلم الجماعة أطمنهم -

فرح الضابط وقاله : طبعا يا ابني طبعا طبعا .. اتفضل استريح بخاطرك هالتليفون -

الضابط بيوصي أبو خشبة يتجسس ع المكالمة ليلقط اي شي بيدل ع الجماعة
.
.
أيوا يا سعاد .. أنا ابو العبد .. أنا بالمخفر -

قال شو .. بدهم يعرفوا اسمك

موتونى ضرب وشلاليط

بس انا أصريت و ألحيت .. وكبرت في راسي الجزمة اني ما احكي

ولا أخبرهم عن اسمك

ولووو .. انتي عزيزة علية يا سعاد

!! على فكرة .. افطري لحالك يا سعاد

.

.

أبو خشبة راجع بيضحك وماسك أبو العبد من قميصه و برميه برة المخفر