رحلة الى بحر الرياض خخخخخخخخ

جورج مناحي · 04-23-2007, 07:04 PM

رحلة الى بحر الرياض خخخخخخخخ

اولا لاحد يقول ترى الرياض ما فيها بحر ..

فهنا .. نثبت ذلك ..

الرياض عاصمة المملكة ..

الدمام مدينة مهمة في المملكة ..

يعني اللي بيفتح بحر في الدمام ..

من الاولى انه يفتحه في الرياض بالاول ..

خخخخخخخخخخخخخخخخخخخخخخخ

يعني رياضيا .. ومنطقا .. هناك بحر مفتوح في الرياض ..

واللي مو فاهم الاثبات .. عليه بمراجعة كتاب

الرياضيات المنطقية في حياة جورج مناحي بيتر ..

المطبوع سنة 12 للهجرة .. في مطابع جرير ..

<<== جرير كام موجود من ذاك الوقت

المهمممممممممممممممم .. ما علينا ما علينا .. من الكلما الطويل ..

لأن مسألة بحر الرياض ما يختلف عليها اثنان .. فقط مسألة حبينا نذكرها .. للجاهلين بتلك المنطقة .. الخصباء ..

وانا قاعد في الديوانية .. مع الشباب .. نلعب اربعة ( يعني بالوت

) ..

ومبسوطين لأن هازمين الجماعة 2 - صفر خخخخخخخخخخخخخخخخخ

اقصد واصلين فوق .. جبنا على كبوت معاه مية ..

الا ضرب الباب خوينا بو نهله .. وقال .. يا جماعه بكرة العيد وانتم جالسين هنا ..

قلنا خير يعني .. كل سنة نشوفه هالعيد .. وش الجديد ..

قال نبغى نروح بحر الرياض هاذي السنة .. تراني طفشان من الشايب في البيت

حفر مخي اليوم بي هالاوامر اللي يبغاها .. يا عياااااااااااااااااااااااااال طالبكم ابطلع من هالرياض ..

قلنا له .. عليك حساب الرحلة ..

... قال تااااااااااااااااام بس نطلع .. لبحر الرياض ..

طلعنا اليوم الثاني .. وجبنا اغراضنا ..

وكل واحد فينا حاط شنطة على ظهره خخخخخخخخخخخخخخخخخخ

طبعا انا جبت معاي الجبن والقشطة .. والخبز .. لأن عارف خوياي .. الاولي جاب ورق البالوت

والثاني ما جاب الا فلوسه ..

البقية اعتذروا عن الذهاب في الرحلة .. لأسباب مشفرة ..

انطلقنا .. مشي ..

اقصد بالسيارة .. خخخخخخخخخخخ ..

الى جنوب شرق الرياض .. تجاه جبال طويق .. وخريص .. والحارات تلك ..

وحنا نمشي بالموتر .. نصعد جبال .. وننزل اودية .. جاتني الغفوة .. ونمت ..

حلمت باني صرت مع عدنان ولينا .. واني صرت انافس عدنان على البنية ..

وانها صارت تحبني .. واني شفت عبسي وخاويته خخخخخخخخخ

مع اننا ما عندنا صفات مشتركة .. انا شخص رومنسي اديب من فخذ الفطاحل ..

واهو واحد صايع ضايع خخخخخخخخخ

المهم .. وانا ماسك يد لينا ومبسوط في حلمي .. حسيت بشي عض صبعي ..

فارتعبت وصحيت من نومي .. خائفا .. لاجئا الى شيخ القبيلة .. داخلا عليه .. خخخخخخخخخخخ

طلع ماحد عض صبعي .. <<-- من له الخلق يذوق طعم صبعك خخخخخخخخخخخخخخخ

بس بو صلوح .. حاط بين اصابيعي ملصق غرشة بيبسي ..

.. ساااااااااااااعااااااااااااااااااااات .. وساعاااااااااااااااااات وحنا نمشي في هالصحراء ..

وفجأة .. سمعنا صراخ .. ممدوح اللي راكب في صندوق الجمس .. يصارخ ..

وصلنااااااااااااا بحر الريااااااااااض .. وصلنا بحر الرياااااااااااااااض ..

واطلع راسي انا من النافذة .. وصحيييييييييييييح هذا بحر .. هذا محيييييييط .. هاذي موية يا جماعه ..

ومع ان المسافه للبحر طويلة .. لأننا شفناه من مرتفع بعيد ..

الا اني فصخت نعالي .. وقمت اركض في تجاه الشاطئ ..

وانا واحد ما يعرف السباحة .. لأن ما سبح الا في طشت نص متر في نص متر ..

ما عندنا لا برك .. ولا طشت كبير في بيتنا خخخخخخخخخخخ

المهم وصلت البحر .. مشيااااااااااااااا .. وافصخ ملابسي .. ويظل الهاف السنة ..

وطيرااااااااان على الموية .. ظليت في الموية ساعة ونص وانا اغطس واطلع .. اغطس واطلع ..

الين تعبت .. لاكن ما طلعت من البحر .. .. اهلكتني السباحة كثيرا .. لاكن استمريت ..

الين ما شفت سمكة ... وانا غاطس .. جات تعض في شنبي خخخخخخخخخخخخخخخ

انتم شايفين الصورة الشخصية .. لأن الشنب كبير .. فكرته .. طعام .. الله يهداها ..

.. حالت امسكها .. هربت . طاردتها الى اعماق المحيط خخخخخخخخخخخخخخخخ

ثم انتبهت الا اني ابتعدت عن الشباب .. وانادي تعبان يا جماعه تعالوا لي ..

قليلا .. اصاااااارخ .. يا ممدووووووووووووح ..

اني اغرق .. اغرق .. اغرق ..

هيلب .. هيلب .. بلييييييييييييييز .. خخخخخخخخخخخخخخخخخخخخ

ماحد سمعني .. لأن الجماعه ما زالوا ينصبون الخيمة ..

اغمى عليه .. ولاحت بي الامواج ..

ولا افقت من الغيبوبة .. الا وانا على ساحل جزيرة .. وفيه دلفين يصرخ لي ..

كأني فهمت من صراخه بانه يقول .. ترى انا اللي انقذتك خخخخخخخخخخ

قلت له .. ما تقصر يا الشيخ ..

انتظروا الجزء الثاني ..

احداث الجزيرة ..

<<== مسلسل درامي

كان هنا .. الاديب ..

د. جورج مناحي بيتر ..

**أنثى متمرّدة** · 04-23-2007, 11:24 PM

.
.
.
ههههههههههههههههههههههههههههههههههههه

ننتظر الجزء الثاني

يا حلاة توقيعك
.
.
.

جورج مناحي · 04-24-2007, 02:50 AM

اشك بانك قريتي الموضوع خخخخخخخخخخخخخ

**أنثى متمرّدة** · 04-24-2007, 06:56 PM

.
.
.
والله قريته
.
.
.

**كتكوتة** · 04-27-2007, 04:49 PM

اقتباس:

جات تعض في شنبي خخخخخخخخخخخخخخخ

ههههههه اهم شي

طيب وين هالبحر ابي اروح له ؟؟

**سمرااااي** · 04-28-2007, 03:29 PM

خخخخخخخخخخخخخخخخخ
أجل مشيتو ساعات وساعات ........ والله إنك رهييييب طيب يالله كمل القصة حرام عليك ....
ماشالله اسلوبك حلو .........

**فوضى الحواس** · 05-05-2007, 12:44 AM

هههههههههههههههههههههههههههههه

اجل طلع بالرياض بحر .. هههههههههههههههههه ايه هين احلمو بس

لا تتاخر علينا نبي نشوف تاليتها

العطيف · 05-12-2007, 12:36 PM

بحر وطريق خريص احس انها قويه شوي

لكن بصراحه اسلوب مميز وطرحك مشوق وننتظر

الجزء الثاني بفارغ الصبر يادكتور مناحي

srqa3h · 05-13-2007, 03:52 PM

وين التكمله يا دكتور جورج مناحي بيتر

اقول حلوه هذي بحر الرياض

زين ما قلت بحر الربع الخالي (قويه هذي )

ننتظر التكمله

وتراني قريتها والله كلها

يعني لا تقول الولد راد بس كذا

انتظر التكمله

طااااااااااااط

تحياتي

**طفشان من الوناسه** · 07-16-2007, 04:56 PM

مشاء الله الحين قلتلي في دلفين في البحر ولا ولقيت جزيره يعني لو انك قايل بحيره نبع صدقت بس محيط قويييه
كمل لاهنت القصه تونس

Hilary · 08-16-2007, 05:14 PM

اما عليك اسلوووب ماشالله عليك

ننتظر التكمله خيوو ابو شنبوووو

اخـ الذكرى ــر · 08-16-2007, 05:32 PM

يمكن في النهايه طللع ذا كله حلم هههههههههههههه

كمل ياخوي اسلوبك رائع ومشووق

**بـشـرٍ إمـُـكَ** · 10-06-2007, 11:39 AM

ـإبــدـإـإعّ غآـبـت علىآ آقـإثـإ كـررسستـي..