مجنون سارة

قصه حب بمنتهى الروعه وطبعا قصه خياليه وقصه حب جميله جدا انصح الكل يقراها

الجــــــــــــــزء الاول:

كانت ساره دلوعه اهلا والكل يحبها وكانت تتمتع باجمل الصفات من جمال واخلاق طيبه وذكاء واما جمالها فخلوه على صوب لانها صدق كانت قمر ..كل اللي يشوفها يتخبل على جمالها .. وهي عمرها 19 سنه يعني في اول سنه جامعه وعندها صديقه الروح بالروح وهي ريم لان ساره كانت وحيده فعشان كذا تعتبر ريم اختها وصديقتها وكل شي ..

والقصه تبتدي ::


ام ساره : حبيبتي ساروه وينك ساره

ساره : هلا امي انا بغرفتي
طلعت ساره من غرفتها عشان تشوف امها شو تريد منها
ام ساره: وينك ساره من متى اناديك حبيبتي
ساره : امي كنت اكلم ريم رفيقتي .
ام ساره : وتضحك والله اني اغار من هالريم . كل وقتك وياها
وضحكت ساره وحضنت امها وقالت : محد مثلك يا احلى واروع ام بالعالم ..
ام ساره : يالله خلي عنك هالكلام : تقول حبيبتي سارونه لاتنسين عزيمه خالتك لنجاح بنته انوره من الثانويه
ساره : اكيد امي مب ناسيه افا وانا اقدر انسى نجاح نوره .
وراحت ساره واتلبست ولبست احلى ما عندها واتمكيجت بمكياج خفيف وبسيط
ام ساره : دخلت على ساره تشوفها خلصت ولا
وشافت ام ساره ساره بجمالها وكشختها وقالت لها : ماشاء الله عليك يا بنتي طالعه مثل القمر اقري على عمرك يا بنتي اخاف يحسدونك
ساره وهي مبتسمه : على شو يحسدوني امي
ام ساره : سارونه بلا حركات تعرفين انك حلوه والكل يمدح فيك من صغرك:
ساره " اكيد لاني طالعه على امي حبيبة عمري

صدقها الام لان ساره مب بس حلوه بل فاااااتنه.. شعرها البني على العسلي وعيونها العسليات الحلوات الوساع اللي كانها عيون الغزال وجسمها كان صدق متناسق كانها عارضه أزياء .

ام ساره: يالله خلي عنك هالكلام ويالله نروح تاخرنا الدريول (السواق ) ينتظرنا في السياره
وراحو كلهم العزيمه
وكانت ساره احلاهم
وجت ساره وسلمت على بنت خالتها نوره وباركتلها على نجاحها
نوره : زين جيتي شو هالتاخير كله ؟
ساره : بعد تعرفيني يوم اختار بدله ولبس كيف اتاخر
نوره : بس ماشاء عليك طالعه قمر .. غطيتي علي ..
وضحكت ساره
وقالتلها ساره: محد يغطي على رقه وحلاة بنت خالتي نوره
وجت من وراهم هند اللي هي بعد بنت خالتها يعني اخت نوره وهند اكبر عن ساره بسنتين وهند تغار من ساروه واجد لانها احلاهم ولان الكل يحبها ويحترمها
جت هند وقالت لها مب من خاطرها " هلا ساره
ساره: هلا ببنت خالتي هند شو اخبارك واخبار الدوام
هند : اكيد تمام
وراحت عنها هند
ساره وهي مستغربه : وش بلاها هند ليش متضايقه؟
نوره : لا حبيبتي هند ما فيها شي بس تعرفين كيف تفكر وهي تعرفينها من صغرها تغار منك
ساره : ليش تغار ..؟ هند حلوه وزينه
نوره : بعد تعرفين البنات وغيرتهم
المهم خلصت الحفله والاغلبيه راحو البيت الا ساره وامها
وكانو يتكلمون ويضحكون وفجاه دخل ولد خالتها اللي هو اخوهم خالد
خالد كان اكبر اخوانه وكان طيب وخلوق ووسيم وكل البنات متخبلين عليه وينتظرون نظره منه بس هو قلبه ماهوا ملك أحــد غير (ســــاره ).
بعد ومن صغره كان متيم في ساره موا بس متيم بل يموت فيها : ودخل وفجاه شاف ساره .. وكان يشوفها بنظرات وحب ويقول في خاطره : هاااه هذي ساره واخيرا وينك يا نبض قلبي وينك عني
والكل لاحظ نظراته
ونوره قالت : الناس يسلمون يا خالد
ام خالد : وين وصلت يا خالد
هند اختهم : هه هه هه اكيد عيونه على حبيبته ساره . وكانت هند تشوف ساره بنظرات كلها غيره

وساره استحت واحمرت ونزلت راسها .
خالد بعد استحى ودعى على هند في خاطره
خالد " السلام عليكم اشحالك بنت خالتي ساره
ساره : الله يعافيك خالد انت شو اخبارك .
ام ساره : بس ساره وحنا وين رحنا
ضحكو كلهم على خالد لان ما كان يشوف الا ساره
وخالد أبد ما كان يتكلم لانه بس يريد يشوف حبيبته ساره .
وقالها وهو يشوفها من فوقها لين تحتها .
خالد : ماشاء الله عليك يا بنت خالتي طالعه اليوم ملاك .
ساره صدق وجهه محمر : عيونك الاحلى بس عاد لا تبالغ
خالد : وربي ما ابالغ المجنون اذا شاف جمالك راح يصحى

نوره : اجيل يالله نودي ساره مستشفى المجانين عشان كلهم يصحون ويستوون زينين .
وهنا الكل قام يضحك
بس خالد كان تفكيره كله في ساره .
ام ساره " يالله عن اذنكم بنروح البيت الوقت تاخر
ام خالد : وين تو الناس بعدنا ما شبعنا منكم
ام ساره : الود ودنا نتم لين الفجر بس ما يصير
ساره : اكيد القعده معاكم ما تنمل يا خالتي
كلهم وقفو وراحو يسلمون علشان يطلعون وبعد ما وصلت ساره عند خالد
. وهي منزله راسها : مع السلامه يا ولد خالتي
خالد وعيونه على ساره : مع السلامه يا القمر اووووه قصدي يا بنت خالتي
وعلى طول ساره طلعت لانها صدق استحت وما تعرف كيف ترد على كلمات خالد العذبه .
وبعد ما وصلت ساره البيت

كانت تفكر في ولد خالتها خالد ونظراته وكلماته الساحره .
اما خالد فكان هاليوم احلى يوم عنده وفرحان لان شاف حبيبته ساره لان من هو صغير يحبها ..
وراح عند امه باخرالليل

وفام يدق الباب على غرفه امه
خالد : يمااااه يمااااااااه ياااه افتحي الباب
ام خالد: مستغربه : خالد شفيك خواتك بهم شي ..؟
خالد : باسم الله عليك امي ما فينا شي
ام خالد : اجيل ليش جاي هالوقت تعرف ساعه كم
خالد هي الساعه 2 ونص شو يعني .. المهم امي الله يخليج ابي اقولك شي
ام خالد فتحت الباب وهي مستغربه من خالد وتشوفه بنظرات غريبه
ام خالد : قول اللي عندك يا خالد شو فيك ؟
خالد امي تعرفين اني احب ساره بنت خالتي من صغري وجا هالوقت اللي تخطبينها لي امي اخاف احد ياخذها مني واذا احد خذاها بموت يا امي تعرفين شو يعني بموووووووت .
ام خالد وهي تضحك على خالد . باسم الله عليك من الموت يا خالد
الله ياخذ بليسك يا خالد موعينا هالوقت علشان هالسالفه .. لا تخاف ساره ان شاء الله ما بتكون الا لك
خالد: ابيك تكلمين امها بكرا اوكي
ام خالد : خلاص حبيبي بس انت روح نام الحين
الجــــزء الــــــــــــثانـــي

:
وفي اليوم الثاني قامت ساره وراحت عند امها
ساره : صباح الخير يا أحلى واغلى ام بالعالم
ام ساره وهي مبتسمه : صباح النور يا احلى ساره او قمر على قولت خالد وتمت الام تضحك ..

ساره وهي منحرجه : امايه عاد ليش تضحكين لا تعلقين على كلام خالد ولا هو جذب يوم قالي قمر
الام : هههههه لا يا بنتي ما اضحك على كلامه بس اضحك على حبه صدق عيال هالايام حبهم غير.
وتمت ساره تضحك على كلام امها .
وفجأه رن موبايل ساره :
ساره : الو
ريم صديقتها : هلا ساره هلا بصديقه عمري
ساره : هلا وغلا بالغاليه
ريم : شو اخبارك ؟؟ وينك البارحه ما عبرتينا ولا دقيتي علي تعرفيني ما اقدر على بعدك
ساره: كنا معزومين على نجاح نوره بنت خالتي .
ريم : هاااااااااا اشوف بعض الناس ما عبرونا لازم اكيد شافو الحبيب حبيب الألب.
ساره : بس عاد لا تذكريني .ترى اخاف اسرح فيه
ريم : يا ويلي على الحب ..
ساره وهي مستحيه اونها : احم احم
ريم : ساره حبيبتي تعالي اليوم بيتنا بنتغدى وبعدين بنروح سيتي (!!!) علشان نتشرى اوكي
ساره : اوكي بس غريبه شو تبين تشرين وليش؟
ريم : يعني محد يروح السوق الا اذا شي مناسبه
ساره : لا بس مستغربه من عوايدك قولي ريم وش عندك
ريم : امممممممممممممم الصراحه ابي اشتري اشياء حق اخوي اللي يسوى عندي كل شي اخوي فهـــــد
ساره : فهد ؟(وعلامه تعجب في وجهه)
سراه : بس فهد مسافر للدراسه
ريم : حبيبتي فهد خلص الدراسه يا صباح الخير لا انتي داريه لا فيه ولا في اخوي
ساره : وانا وش عرفني في اخوك اصلا انا ما شفته ولا مره
ريم : يالله بسك رمسه تعالي بيتنا الحين سمعتي ألحيـــــــــــــــن .
ساره : زين باسم الله وش فيك محرجه خلاص الحين بقول حق امي

ريم : اترجاك بسرعه لا تتأخرين
ساره : اوكي يالله باااااي
ريم : بااياااااات

ساره : يماااه الحين بروح عند ريم يمكن ولا ؟
ام ساره : الحين افا يعني محد بيتغدى معي
ساره : امي اسفه بس ريم تنتظرني
الام ونبرت حزن : تعرفين يا ساره انا ما ابي اخرب على طلعاتك بس مثل ما تعرفين اني مالي غيرك بحياتي . ابوك الله يرحمه توفى من خمس سنين يوم جتله نوبه قلبيه لان كان فيه القلب وانا ما جبت غيرك وما عندي الا انتي واذا صار لك شي وقامت تصيح الام ..
ساره والدمعه بعيونها : يماااه انا بكون عندك لاخر حياتي لا تصيحين يا امي انا بكون معك بس الله يخليك ما ابي اشوف دمعه بعيونك ترى دموعك غاليه
الام( وهي تمسح دموعها) : اسمحيلي يا بنتي ما كنت ابي اضايقك في هالوقت بس تذكرت ابوك ..
ساره : في حد ما يتذكر ابوي .. اصلا ابوي كان دوم يوصيني عليك يا امي .. وانا ما راح اخليك
.وراحت ساره وحضنت امها
ام ساره : يالله يا بنتي روحي عند ريم تنتظرك البنت .
ساره : لا خلاص ماني رايحه ابي اجلس عندك
ام ساره : لا يا بنتي انا بروح عند خالتك فاطمه وانتي روحي عند ريم
ساره : اذا بتروحين بيت خالتي فاطمه خلاص يعني مطمئنه عليك الحين اقدر اروح .
وراحت ساره اتلبست بسرعه وراحت بيت ريم صديقتها
اما ام ساره فراحت عند اختها فاطمه
ام ساره وهي داخله بيت اختها
ام ساره : السلام عليكم
فاطمه اختها وبناتها نوره وهند وخالد: وعليكم السلام يا هلا والله
(اما خالد عيونه على الباب وفي خاطره يقول وينها وينها حبيبة العمر) . نوره : خالو وين ساره ؟ليش ما جت معاك
ام ساره : ساره يا غناتي راحت عند ريم صديقته
خالد وهو متضايق ويقول في خاطره ( هذا وقت تروحين هناك )
خالد : يعني خالو هي بتروح وماتبي تجي بعدين هنا
ام ساره : والله ما دري يا ولدي هي قالت بتروح يم ريم وبعدين بيروحون يتشرون
هند وهي رافعه خشمها : بعد تروح السوق مع صديقته وبروحهم بعد
ام ساره : ما فيها شي يا بنتي هي ما راحت مكان غلط
ثانيا بنتي تروح مع بنت محترمه وساره ما تطلع الا بشيلتها وعباتها.
خالد : ثالثاً يا هند لا تدخلين
نوره : لازم يدافع عنها
وخالد يشوفها من طرف عينه : نوووووروووه بتسكتين عني ولا ؟
خالد صدق كان معصب علشان كلام هند ولان ماشاف ساره
نوره : لا لا الله يخليك ما فيه على حشرتك خلاص سكتنا.

أما ساره فهي كانت بيت قوم ريم
ريم وهي معصبه : سارونه ليش تأخرتي ..
ساره : اسمحيلي يا ريماني بس امي كانت تصيح ومارضية اروح عنها لين ما اواسيها .
ريم (وجهه عليه علامه تعجب): ":ليش تصيح ؟
ساره ونبره صوتها كلها حزن : تصيح على الوالد اللي راح .
ريم : الله يرحمه .اذا انتو كذا تقولون ومتضايقين هالكثر أجل انا شو اقول .. وراحت ريم وجلست على الكرسي وهي ميته صياح .
ساره وهي خايفه على صديقته : ريم ريم شو فيك ليش كل هالدموع
(ريم وعيونها كلها حزن ودموع )
ريم : اصيح اصيح يا ساره لان ييتيييييمه تعرفين شو يعني يتيييمه على الاقل انتي عندك امك الله يخليها بس انا انا انا ؟ وتمت تصيح
ساره : انتي شو يا ريم عندك عمتك الله يخليها اللي ما تقصر معكم عندك اخوك فهد .
ريم: محد يا ساره يقدر يا خذ مكانه الوالدين انا فقدت امي يوم كان عمري ست سنين امي راااااحت بمرض السرطان وما حست بحنانها يا ساره وابوي من كثر ما هو متعلق بامي كان يسرع مثل المجانين وهو بعد مات بالحاددث وفقدتهم اثنينتهم بنفس اليوم .. ااااااااه يا ساره ما تعرفين كيف اتالم ما حسيت بحنانهم ..
ساره وعيونها تدمع على صديقته : بس يا ريم عندك اخوك فهد الله يخليه لك.
ريم وتشوف ساره وعيونها محمره من الصياح : فهد .. ههههههههههههه شو تنكتين فهد . فهد فهد؟؟
فهد يا ساره هو نص ميت .فهد يا ساره كان اكثر واحد متعلق في امه الله يرحمها كان يموت فيها ويوم فقدته صارت له مرض نفسي لانه كان محتاج لحنانها وبعد ما خلص الثانويه سافر وكمل دراسته بالخارج عشان شوي ينسى .فهد يا ساره اكثر واحد متعذب بس شو اقول انا .. ما عندناا حد يا ساره ما عندنا حد ..وراحت حضنت ساره وهي تصيح
ساره وهي بعد تصيح : ريم انا وياك انا اختك وامي هي امك يا ريم .بس الله يخليج لا تصيحين اطلبيلهم الرحمه هذا قضاء الله وقدره .
مسحت ريم دموعها وقالت لساره : اسمحيلي يا ساره جبتك هنا وزدت همومك.
ساره : افا عليك يا ريمان .. اذا ما تشتكيلي انا بتشتكين لمنو ؟. انا يا ريم وربي اعتبرك اختي وحبيبتي وصديقة عمري
مسكت ريم يد ساره وقالتلها : الله لا يحرمنا من بعض
ويالله نروح نتغدى تراني ميته جوووع .

واما في بيت فاطمه خالة ساره :
ام ساره : يالله اسمحولي بروح البيت .
فاطمه : تو الناس يا اختي
ام ساره : أي تو الناس الحين الساعه 8 بروح اكيد غناتي ساره في البيت .يالله من رخصتكم .
نوره : بحفظ الله يا خالتي وسلمي على ساره وااااااااايد
هند : (وهي تشوف اخوها من فوق لتحت ): وانت يا اخوي ما تبي تسلم على حبيبة القلب
خالد وهو منقهر : مالك خص .
ودخل غرفته لان كان منقهر واااايد لان ساره ماجت اليوم .

والساعه 11 مساء:
ام ساره : ها ساره شو ان شاء الله استانستي
ساره : اكيد امايه استانست وااااجد
ام ساره : هي تذكرت بنات خالتك يسلمون عليك .
ساره :الله يسلمهم .. امممممممم اكيد الحين معصبين علي لاني ما رحت لهم
ام ساره : اكثر واااحد منقهر هو فار س الاحلام خالد.
وتمت الام تشوف ساره من طرف عينها وهي تبتسم
وساره (وهي منزله راسها) .. ها شو أي أي أي أي خالد خالد
ام ساره وهي تضحك " وش فيك قاعده تقولين حروف الهجاء
وتمو يضحكون .

ام خالد راحت عند ولدها تشوفه لان من راحت ام ساره وهو ما طلع منها :
ام خالد : خالد خالد انت واعي ولا نايم
خالد وهو منسدح على السرير: هلا امي لا واعي تفضلي
ام خالد : بلاك يا ولدي وش فيك ليش متضايق ؟
خالد " ما تبيني اتضايق وانا قايلك تكلمين خالتي سعاد .
ام خالد وهي تستعبط : أي سعاد ؟
خالد : امايه الله يخليك لا تستعبطين يعني منو سعاد تراك ما عندك الا اخت وحده سعاد ..
ام خالد :: هااااااااااااه قول ام حبيبة عمري ام القمر ام قلبي ساره
خالد ويشوف امه وهو يضحك " هي ام حبيبتي ساره
ام خالد : شوف خالد انا كنت بكلمها اليوم بس شفت الوقت غير مناسب لان الكل قاعد معنا بس اوعدك عن قريب راح اكلمها ولا تزعل يا خلودي .
خالد : اكيد امايه .. الله يخليك بسرعه كلميها
ام خالد : يالله عليك شو كثر حناااااان قلت لك خلاص بكلمها يالله خلني اروح انام لاني تعبانه اليوم
خالد وهو في نفسه يقول (:ااااااااااااااااه يا امايه انا اللي تعبان من الحب)

والبقيه نكملها بعدين لما نلقى ردودكم ?????

هههههههههههها عجبكم؟؟؟؟؟؟؟؟؟؟؟

يااويل قلبك يااخالد على ساارونه

يو هند ملقوفه لازم تحرج المحبين هه هه هه < ابوووكـ بالضحكه

يسلموووووو خيتووووو على القصه الرائــعــه

بس لاهنتي كمليهاا لأفقـع خشتكـ

تسلم يمنيكـ يااعـسـل

TiGeR

من عيوني اكملها

يعطيكم العافيه


وفي انتظار الجزء الجديد

يعطيك العافية..
بانتظـــــــــارك..