بعضا من مذكراتي

جورج مناحي · 02-27-2007, 03:59 PM

ســـلام عليكـــم ..

اليوم .. وقت اصدار النسخه 1.0.0 من مذكراتي ..

مقـــــــــدمــة ..

لكل منا رحلاته .. انتهـى .

الفصل الاول ..

قبل البدأ بقراءة الموضوع .. يرجى الاطلاع على موضوع الصور .. هنا

وجبات خطوط الطيران

والله مدري وش جاب هالقصص لراسي هالوقت بالذات .. لاكن حبيت اطرحها .. عشان تاخذون عبر في حياتكم ..

موضوع اليوم .. شركات الطيران ..

والتجربة الشخصية ..

1

من بين هالشركات .. شخصيا .. جربت طيران الاتحاد الاماراتي .. وصراحة ..

الوجبات شي ..

.. خصوصا انهم يقدمون اكثر من وجبة ..

وبقية الخدمات .. فانتاستك .. كأنك بفندق خمس نجوم .. بل احسن .. بدون اي مبالغة ..

يعني تخيلوا .. بقدام كل كرسي .. فيه كمبيوتر .. فيه افلام .. موسيقى .. كاميرتين للجو الخارجي .. وحدة تصور قدام الطيارة .. ووحدة تصور اسفل الطيارة ..

طبعا طول وقت الرحلة .. كل خلق الله .. مشغولين بالافلام .. كل واحد مختار له فلم .. ومركب الهيد فون .. وعاطي اشكل للجميع

علشان كذا ما تحس بوقت الرحلة .. لأنك اخذتها 5 افلام ورى بعض خخخخخخخخخخخخخ

انا اذكر اخذت فلمين او 3 .. والله مذكر بالتحديد .. كان فلم حق تومك كروز توه جاي ..

وثاني ناسيه ..

المهم .. نصيحتي .. لو خيرت بين خطوط الاتحاد وبين خطوط ثانية ..

اختار الاتحاد .. دوما ..

2

الطيران السعودي

.. وما ابغى اتحدث بشكل كثير عن هالطيران الخارق للعادة ..

طبعا الطيران السعودي الدولي .. معروف بكل العالم انه من افضل الخطوط ..

رغم اني ما جربته . لأنه غالي واجد .. واهو تقريبا ما يستخدمه الا رجال االأعمال .

تعرفون .. دولي لازم ينافس بقية الشركة ..

اما الداخلي .. اعووووووووذ الله .. والله طيارات تخاف تطيح بك اول ما تقلع ..

ريحة المطبخ داخل الطيارة كلها .. خخخخخخخخخخخ ..

جرايد قديمة .. ماكو وجبات سنعة .. ما فيه الا عصير سيزر وبس خخخخخخخخخخ

خلونا منه .. لو بنذكر سلبياته .. ما خلصنا ..

لحظة عندي قصة صارت في الخطوط السعودية الداخلية هههههه

قبل 3 او 4 سنوات يمكن .. كنت راكب الطيارة .. من الاحساء الى الرياض الى تبوك ..

وفي طريق العودة من تبوك الى حائل الى الرياض الى الاحساء ..

المهم .. كان بجنبي واحد متين .. ( دب ) اسمه يعقوب

المضيفة طبعا .. جابت عصير ( سيزر

) وقعدت توزع على الموجودين من الامام ..

حنا قاعدين هادين .. بدون حركة .. لأن ريحة الطيارة .. مسوية عامل مسكن ..

المهم .. وصلت المضيفة الى الصف اللي قدامنا انا ويعقوب .. ..

وهي بتشيل عبوة العصير .. بتسوي حركة .. ( زي ما يسلقون البيض خخخخخخخخ )

الا طاحت العبوة .. على ثوب الرجال اللي بتعطيه العصير .. ويا دار ما دخلك شر

صار ثوبه كله عصير منجا

.. من فوق إلين اخمص القدمين ..

انا مسكت الضحكة .. لأن الموقف اشوي حرج .. وقتها .. طالعت بوجه يعقوب ..

منزل راسه .. والضحكة على وشك انفجار ..

هنا انا خلاص .. مو قادر امسك حالي .. بضحك بضحك .. ثانيتين .. الا اسمع يعقوب ..

يتف تف خخخخخخخخخخخخخخخخخخخخ

يعني الضحكة بتطلع .. بس ماسكها .. انا سمعت هالتفتاف خخخخخخخ

انطلق لساني مترين قدام ( اشدعوه ضفدع

) .. الطيارة صارت تروح يمين وشمال من الضحك خخخخخخخخخخخ

عاد بعدين وقف معاي يعقوب وقفت رجال .. ما قدر بعد اهو خخخخخخخخخخخخ

خبركم واحد اسمه يعقوب .. ودب .. لازم يصير بي هالمواصفات خخخخخخخخ

المهم .. ان المضيفة خذت الرجال .. للمطبخ وشكلها خلته ينظف ثوبه هناك ..

يوم وصلت جنبي .. قلت لها .. ابغى موية بس

..

3

الخطوط الثالثة الي ركبتها .. كانت الخطوط الالمانية .. اللي رجعت بها البلد في الاجازة الماضية ..

كانت جيدة .. بس الخطوط الاماراتية كانت افضل طبعا ..

توهقت فيها بشغلتين .. وجبة العشا ..ووجبة الفطور ..

العشا .. خربطت لي المضيفة اسامي اكلات .. والله ما عرفت ولا وحدة فيهم ..

قلت له . خلينا نجرب هاذي .. حاليا نسيت اسمها ..

المهم طلعت الوجبة .. شي يشبه لحم مفروم ..

وبما انها لحم .. اقتصرت على اكل بقية الوجبة من خبز .. وتحلية ..

والشي الطريف هنا ..

انهم كانوا جايبين زبدة .. حق اللحم .. بس مثلجة ..

انا فكرتها جبن .. واكلتها مع الخبز ..

..

وقت الافطار .. قلت ما ابغى اكرر الغلطة .. يا اخوان .. 7 ساعات في الطيارة .. المني الجوع هههههههه

المهم .. جا وقت الافطار .. ورجع نفس السيناريو ..

قالت هالالمانية وجبات ما عمري سمعت فيها ..

قالت من ضمنها .. اومليت ..

.. قلت يا ربي يطلع هالاومليت شي سنع بس ..

اخذته من عندها .. وحطيته قدامي .. فتحته .. هذا شكله بطاطس مهروس

قلت الحمد لله طلعت بشي يتاكل من هالخطوط .. بسم الله ..

مع اول لقمة .. طلع مو بطاطس .. بس شي مألوف .. يا ربي وش هالطعم ..

هذا شي انا ماكله من قبل .. وبعدين اومليت .. وش يطلع هالاومليت يا جماعه

وانا اكل .. تذكرت عادل امام ..

وتذكرت مسرحية الواد سيد الشغال .. وتذكرت عدولة يوم يكون في المطبخ ..

وتقوله البنت .. طلبات الكلب - اعزكم الله جميعا - قالت له اومليت .. سألها قالت له .. يعني بيض

وقتها انا قلت .. اهــــــــــــــــــــــــــــــــــــــاااااااااا ااااااااااااااااااااااااااااا ..

عدل .. هذا بيض

كملت وجبتي لأخر قطرة ..

الفصــل الثانـــي ..
مواقف محرجة .. في حياة الانسان

**أنثى متمرّدة** · 02-28-2007, 02:16 AM

.
.
.
يؤؤؤ

والله وطلع دمك خفيف ومحد دراي عنك

بس بصراحة المواقف شي

وتعبيرك وأسلوبك شي وشي وشي

ياخي والله إنك رهيب

إلا وش خليت طيران ما ركبته ؟ ما شاء الله مسوي ابن بطوطه

خلني أحكي لك يوم إني مسافرة للنمسا وركبت الطيران النمساوي <<< أقول أها بس

<<< حدها نقل جماعي خخخخخخخخخخ
.
.
.

**ما عاد بدري** · 02-28-2007, 03:51 AM

حلوووووووووووووووووه ابورهف

الصررررررررررراحة ما رجبت الطيران الاماني بس جربت الطيارات الإماراتي

الصررررررررررررررررراحة شي موووووووووووووووب طبيعي خدمة وكراسي وهبال

بس لما جيت ارجع لسعوووودية خذت الطيران السعووووودي لسبب وحيد الا وهو وجود مصلى في الطيارة علشان نقدر نصلي صلاواتنا المهم لما جيت ارجع حاسووووووووووني الجوازات تعرف كل الطيارة سعووودين بس الحمد الله تسهلت الامووووووووووووووووور

بس انا افضل الطيرررررررررران الإماراتي ما معنه ما شفت فيه مصلى بس شي في الخدمة وعدم الازعاج مو مثل الطيران السعودي الله يهديهم يشوفونك نايم يصحوووونك يقلوووون وش تبي اكل خلاص نايم خليني لين اصحى وبعدين شوفي وش ابي يا حبهم للعجززززززززززززز

بس الحمد الله اتوقع الطيران الوحيد اللي فيه مصلى في الطيارة الخطوط السعووودية الله يعطيهم العافيه

جورج مناحي · 02-28-2007, 02:57 PM

انثى متمردة .. خوش فكرة ..

مذكرات النقل الجماعي بعد التخرج .. والمطاردة للتسجيل في الجامعات والشركات

خخخخخخخخخخخخخخخخخخخخخخخخخخ

الغربة جميلة ..

جابوا لك عصير سيزر .؟ خخخخخخخخخخخخخخ

**ما عاد بدري** · 02-28-2007, 06:31 PM

TiGeR · 03-02-2007, 05:12 AM

خخخخخخخخخخخخخخخخخخخخخخخخخخخخخخخخ
خخخخخخخخخخ
فديت السعوديه وطيراانهاا
تخيل الطيااره تطير وسااحبه بعير معهاا من البر
يااخي ثقاافه يااخي تخيل هع هع

اقووووول بو رهـف اخبار العجوز الي تنظف عندكـ هاااااااااااااع ؟؟
ليكوووووون هجت ؟؟

يسلموو خيوو ع الصرقعه الحلووهـ

TiGeR

جورج مناحي · 03-31-2007, 07:33 PM

خخخخخخخخخخخخخخخخخخخخخخخخخخخخ

ما عاد اشوفها هالايام

مشكور على مرورك ..

جابوا بدالها بنات صبايا اعمار 17 و 18 .. خخخخخخخخخ

ظل انت يالعزوبي

**مصهلل** · 04-05-2007, 11:21 AM

تسلم يالغالي موضوع رائع
ونبي نشوف الجزء الثاني
متى ينزل
وكم سعرهـ

**كتكوتة** · 04-07-2007, 09:27 PM

توني ادري انك خطيييييييييييير
لا يعني انت من زمان خطير
بس طلعت اخطر من اللي توقعته << كل شي خطر في خطر
مشكووور خيو على هالمذكرات

**سمرااااي** · 04-09-2007, 03:53 PM

>> في أحد جاب طاري عصير سيزر .......... >> تمووووت بسيزر ...

خخخخخخخخخخخخخخخخخخخخخخخخخ
والله خطيييييييييييييييييييييييييييييييير جووووووورج ...
تسلم على هالموضوع الحلو ...
بس مواقف وتعدي....

**الملح كله** · 09-24-2007, 04:58 PM

اسمع جورج انا قصتي ياليتها تضحك فلم مرعب رعب في رعب
كان اول مرة اركب طياره وكنت صغيرة عمري 14 كذا يعني
وكان جنبي اخوي المنتهي مهنته يهبل في خلق الله ويجننهم نص اللي في شهار منه
المهم انا كنت عادي ما خفت ولا شي هو شكله كاان طفشاااااااااااااااااااااااااااان التفت لي قال بنص عين <<مقدر على الوصف
ماشاء الله انتي مو خايفه حركات والله
انا <<<<ابلع الريق
اخاف ليه اخاف من وشو
قال <<<صغرت عيونه هنا من الخبث
اول مرة تركبين طيارة ما الومك ما تعرفين وش بيصير لك
انا وووشو يعني عادي وخر بس
<<<تصرف لانها شوي وتصيح
قال انتي اذا سمعتي اي صوت بس
عادي لا تصارخين خخخخخخ<<<نذل
قلت انا وش صوته تقصد قال يعني اي شي عادي كل واحد مصيرة الموت
<<<نذل من قلب خخخخخخخ
وانا <<<اتعبر
قلت طيب
وانا اطل من الشباك اصرف ابي انسا الموضوع والقاه وراي يطل
واسمع خخخخخخخخخخخخخ الله يعين
قلت انا وشو وش فيك
قال شوفي هناك
واشوف عامل لابس ازرق في يده شي مدري كانه مفك
خخخخخخخ<<<طلعت سيكل مو طيارة
قال شفتي شكل الطيارة خربت وهم يزينونها وانا خلاص الدمعه شوي وتطيح
قلت عادي
<<<اهم شي بموت من الخوف وعادي يقبرني الدلخ اللي عامل حالو قوي
وبسم الله تطير الطيارة هي طارت ولا ما طارت
وانا واااااااااااااع
نزلوني
خخخخخخخخخخخخخخ
واخوي
يقول وش ننزلك ملاهي حنا
جتني المضيفه وحوسه وعالم تطالع
واخوي

ميت ضحك نذلل
كان موقف لا احسد عليه صدق
ملاحظه= كانت الرحله مو داخليه
برا كنت رايحه بيروت
عمري ما راح انسى الموقف ذا
عموما انا واخوي ذا موااااااااااااااقف على كيفكم
من كثر ما يمون علي كسر رجلي

**عاشـ شارك ـقة** · 06-11-2008, 09:44 AM

هاهاااااااااي ميرسي أبو رهف

على القصص الحلوة وأنا أكتر

وحدة عجبتني التانية.

ههههههه رح أطق من الضحك.

Bu Rahaf · 06-11-2008, 12:01 PM

اقتباس:

المشاركة الأصلية كتبت بواسطة عاشـ شارك ـقة

هاهاااااااااي ميرسي أبو رهف

على القصص الحلوة وأنا أكتر

وحدة عجبتني التانية.

ههههههه رح أطق من الضحك.

يالحبيب

مو انا الي كاتب الموضووع

رح شفهـ عدل