جـــــــــــدار وكــــــشـــــكــــول الـــــــــقـــــــــســـــــــم

زع زع · 07-22-2008, 03:27 AM

سلامة قلبك رعبووبه

زع زع · 07-22-2008, 03:32 AM

كلٍ يقول
كلٍ يقول ان البكى فيه راحه=و أنا بكيت اليوم لعلي ارتاح
بكيت من قلبٍ تزايد جراحه=بكيت بكي اللي بكى يوم الأفراح
حتى رفع دمعي لعيني سلاحه=و أنا احسب إن الدمع لعيوني سلاح
في ليلي اللي ما ظهر لي صباحه=و همومي اللي عيّت اليوم تنزاح
عمري محطه للعنا و استراحه=دنياي عتمه كلها بعيني اشباح
كني غريقٍ ما يجيد السباحه=يصرخ و لا حوله من الناس سباح
يشوف موته ما يفيده صياحه=في غبـّةٍ تلعب بها الريح لى طاح

**رعـبـــوووبـه** · 07-22-2008, 06:11 AM

<<زعبوور وش فيك اليووم؟؟؟

الرووح..هذي الاغنيه..

الدمعة
كنت أظن هالدمعة اللي وسط عيني
وانت رايح جت معاي تودعك
لين طاحت مني كلها ما تبيني
من غلاتك ودها ترحل معاك
هذا قلبي هذي عيني وذي سنيني
ما يبونك ترحل و كيف أقنعك
حتى روحي واقفة بينك و بيني
لا هي عندي ولا هي تقدر تمنعك
خذتني كلي أنا وش باقي فيني
خايف أوقف وألقى ظلي يتبعك
روح وسافر بس طلبتك يا ظنيني
عالأقل لو ما أشوفك أسمعك
روح وسافر بس توعدني تجيني
وانت سالم للي ينطر مرجعك
أما عني روح ولي رب يعيني
الله يعلم كيف حال مودعك
صرت أحسد من كثر شوقي و حنيني
حتى هذا الخاتم اللي ف اصبعك

الـــروح · 07-22-2008, 06:23 AM

تسلمي غلاتي وذا المقطع روعة بجد

حتى روحي واقفة بينك و بيني
لا هي عندي ولا هي تقدر تمنعك
خذتني كلي أنا وش باقي فيني

**رعـبـــوووبـه** · 07-22-2008, 06:29 AM

أهدي كل حرف فيها لرووح الرووح..

الله يديم وجوودتس ولا يحرمنا منتس ياارب

روح وسافر بس توعدني تجيني
وانت سالم للي ينطر مرجعك
أما عني روح ولي رب يعيني
الله يعلم كيف حال مودعك

الـــروح · 07-22-2008, 06:36 AM

آآآآآآآآآآآآآآآه وآآآآآآآآآآآآهااااات

خليني هاجدة فيني الكثير بس ما ودي الحين اكتب يمكن اوجع قلبك

تسلمي على الإهداء وإن شاء الله أتواصل حتى وأنا هناك باخذ جهازي

زع زع · 07-22-2008, 11:55 AM

اقتباس:

<<زعبوور وش فيك اليووم؟؟؟

ابد سلامتك بيبو مافيني شي لاتشيلي هم وانا اخوك

**رعـبـــوووبـه** · 07-22-2008, 12:03 PM

ابياااتك هذي وش تسميها؟؟؟

موووت وحزن وهيك

<<شي محزن

زع زع · 07-22-2008, 10:48 PM

اقتباس:

ابياااتك هذي وش تسميها؟؟؟

موووت وحزن وهيك

<<شي محزن

صحيح بيبو بس انتي تعرفيني زين احب الحزن حيل

المهم انا جايب شي جديد بس ابي رايك فيه خلاص
مو تقولين زي امس

**ذاك أمـــــــس**
ذاك أمس تزعلني وأجيك أطلب رضاك..
أزعل جميع الناس يازين وأرضيك..
ذاك أمس تجفاني وأنا مقْدر أجفاك..
لوْ هي دقيقة خاطري مايجافيك..
يومك حنون صادقاتٍ نواياك..
حُبي لك أكبر من محبّة أهاليك..
واليوم يوم الغير غيّرك وأغواك..
أقربلك نجوم السما من محاكيك..
كان الثريّا تاصله كف يمناك..
قلبي لك أبعد ماتطوله أياديك..
نهيت قلبي عن غرامك وطرياك..
لاعاد تطر يني ولاني بمطريك..
يشهد على ماقول ربٍّ تعلاّك..
كني فلا أدمح عن خطايا تغلّيك..
عسى اللّيالي في زمانك تحدّاك..
يافاقد الإحساس ربي يجازيك..
**********************

**رعـبـــوووبـه** · 07-22-2008, 10:55 PM

عسى اللّيالي في زمانك تحدّاك..
يافاقد الإحساس ربي يجازيك..

خطيره زعبووور...قسم قسماات أثرت فيني حيل..

وانا بجد أحب هالنووع...

كلمااتها رووعه...والكلام كله على بعضه مو سهل<<فيها عزة نفس وهيك..الله شيييييييييي

يسلم ذووووك

>>وش قلت انا امس..^__^ نسيت هع

زع زع · 07-22-2008, 11:10 PM

والله مدري وش قلتي امس يالفاهيا

اكيد هذا فناني الخاص بيبو وهو مايتكلم الا بالجد ولاعنده في احد يعني زبدي ههههههههه

مصرقعة بشكل مو طبيعي · 07-23-2008, 09:52 AM

يشــــــــــــــــرفني اني اخونـــــــــــــــــــكـ

زع زع · 07-24-2008, 03:16 AM

مرثيه
يوم جوني الناس من كل الجهات
=قايلين اصبر..مقدر لا تصيح
البقية في حياتك والوفاة
=امر ربي والمصايب يا جريح
ما ترد دموع عينك شئ فات
=ادع ربك كان تغليها صحيح
امرضوني الناس من كثر العزاة
=لين خلوني على فراشي طريح
قبلها بشهور ما ذقت الهناة
=من مرضها اسهر بليلي واصيح
واصبح الماضي بعيني ذكريات
=اتخيلها ودمعاتي تسيح
يوم شالوها الظهر بعد الصلاة
=اظلمت دنياي والعالم تبيح
ما قوى جسمي وقوفي والسواة
=كل ما اقف ينحني جسمي واطيح
متشائم يا عرب من ذا الحياة
=حطوا امي في القبر كيف استريح
يرحمك ربٍ عطاك احلا الصفات
=كل صفات الامهات اللي تريح
يغفر ذنوبك عسى يوم النجاة
=ومن سوى الله يغفر الذنب ويبيح