السحالي /////////// التماسيح (فرق 180 درجة)

**قرقعة فناجيل** · 10-16-2006, 02:54 AM

وش اسوي ؟؟..

مهما حاولت اخبي حقدي بيجي يوم وينكشف..

مهما حاولت اغطي شرارات الحقد الي تتطاير من عيوني بيدي مقدر .. تحرقها

ليش هاه ؟؟

ليش انتم يالبنات احلى منا وحنا شيون؟

ليش جلدكم ناعم ولين وحنا جلدنا خشن ويمخش

ليش انتم خشومكم صغيره وتهبل وودك تاكلها بدون كتشب .. وحنا خشومنا من كثر ماهي كبيره تمردت علينا وصارت هي الجسم وحنا الخشم

ليش انتم صوتكم نااااعم ورقيق ويوم تكلمون تحس انك تمسع موسيقى
ولا تغرير بلبل .. وحنا اذا تكلم الواحد فينا تحس انك تسمع صوت سيكل بزر حاشر فيه قوطي ببسي على الكفر

ليش انتم رموشكم طوال وسووود .. وحنا رموشنا .. الا ماعندنا رموش والي عنده رموش تجي مهيب مرتبه(سياحيه) ثلاث شعرات ومتهاوشين عليها عيونه

ليش انتم اجسااامكم تهبل ورشيقين ومافيكم فات (قليلين الدسم) واي شي تلبسونه يطلع حلو عليكم .. بينما حنا اجسامنا كروش وزوائد غير مرغوبه ولطلط

واذا لبسنا تيشيرت بدي يقالنا نترزز تطلع طحالب تحت صدورنا هههه

ليش مالكم ريحة فم .. واذا لكم تجلس شوي وبعدين تروح (مؤدبة الريحه هذي ) ..

بينما حنا الواحد فمه تقل كنه بياره اذا فتح فمه كل المناظر الطبيعيه الي حوله تموت والازهار تذبل والسناجب الي على

الاشجار تزلق وتطيح وتنكسر رقبتها من شدة هذه الرائحة الي يشمها الواحد على بعد مسيرة الطير شهرين متتابعين .. المفروض يصنعون صفايات لريحة فم الرجال .. الله يعينا عليهم برمضان

ليش انتم كل شي يلبق عليكم .. يعني يوم تروح للكويت وتشوف بنت تسوق تستانس وتشقق معاها وتقول لابق عليها والله الدركسون ..

اذا عسلت البنت تموت بالمعسل وتحبه وتغرم فيه بعد .. بينما حنا مهما سوينا

شي يطلع علينا بايخ وغبي ومال امه داعي ولا عاد تعودها احسنلك

ليش اذا نمتوا يطلع شكلكم برئي جداً وتحس كانك تشوف عروس باربي منسدحة على السرير ..

واول ماتقومون تمغطون وتقولون اااه ياربي ماما رقبتي تودعني
.. وبعدين تروحون تغسلون وجيهكم وتفرشون اسنانكم ويمكن تاخذون لكم شاور سريع ..

بينما حنا الواحد تلقاه طول ماهو نايم بس تسمع سيمفونيه موزارت والا بشير حمد شنان وطول الليل فمه بس يصب ويقطر سعابيل على المخده المسيكينه الي لو تدري ماجت بفيزة مخدة ..

وتلقاه اول مايقومونه اهله بعد جهد جهيد .. يقول عااااااااااااااااااه ععععععوه اممعععع بواااع مععع يتثاوب ..وتلقى كل جزء بوجهه مورم.. عيونه مورمه وخشمه مورم حتى جبهته مورمه بعد!! ..

وتلقاه يقوم يلبس ثوبه ويحط شماغه على كتفه ويدرعم ع الجامعة مايحتاج يغسل وجهه ..

توضى على صلاة الفجر قبل اربع ساعات وتلقاه يجلس الييييييين المغرب وصوته مبحوح ويخرع

ليش انتم متفوقات بالدراسه ومجتهدات وتذاكرون اكثر منا ويوم انتم صغار تحفضون الارقام والاحرف بالعربي والانجليزي بسرعه قبلنا .. بينما حنا اغبياء وعاجزين عن التفكير

والتفكير!!

والتفكير.. بالذات يعتبر حاله رعب بالنسبة لنا .. والي يبي يفكر يفكر قبل كل شي ليش هو محتاج التفكير هذا .. واذا من مصلحته فكر واذا التفكير صعب شال الفكره من راسه..

اتذكر يوم كنا بثالث ثنوي الاستاذ حق الفيزيا يقولنا الاختبار بيجي من المذكره الي عطيتكم اياها ذاكروها زين(عدد صفحاتها 25 ) ..

زعلنا عليه وقدمنا شكوه وقلنا وييين يااستاذ بورعي ترانا
خاشين بفلوس (اخص ياراس المال الي مقدمه تراها خمس الاف!)

وبعدين رجع وقال طيب الاختبار العشر صفحات الاولى وركزوا على الامثله الي بالكتاب بس ترا بغير الارقام ..

قمنا زعلنا عليه وقدمنا شكوة ثانيه للمدير بزاتوه ..ليش يغير الارقام؟يكذب علينا يعني؟

وبعدين قال خلاص ماني مغير الارقام بس ركزا على الاربع الامثله هذي تروها بتجي .. قلنا اكيد .. قال معرفش يابني (حنا اغبياء

المفروض نفهمها) .. قلنا وشرايك تعطينا الاسئلة وتريح راسك .. وبعد ماعطانا الاسئلة .. نص الفصل جابوا صفر واعلى واحد فينا جاب عشره!!

سبحان الي خلقنا .. وسبحان الي ميز كل الجنسين عن بعض

منقول لعيون القيرزات اللي بالمنتدى

TiGeR · 10-16-2006, 08:23 AM

هههههههههههههههههههههههههههههههههههه
ههههههههههههههههه

يااهووو شكلكـ قرقعه كبيكه

يسلمووووووووو خيتووووووووو على الصرقعه الحلوووووووه

الـف مليون شـكـر

نـنـتـظـر جـديـدكـ

شــــــااو

TiGeR

**شيــخة البنــات** · 10-16-2006, 08:33 AM

بخخخخخخخخخخخخخخخخخخخخ
بخخخخخخخخخخخخخخخخخخ

مثل ما قلووو

((( البنات البنات ألطف الكائنات)))
(((الاولاد الاولاد كائنات البيارات)))

وش زينا حناالبنات

احم احم احم

يسلمووووو