قصيده في المقناص

TiGeR · 05-24-2006, 02:24 AM

يا موتري لا تضايق من مشــــاويري ..... يوم أن راعيك جا المغباش له عــــاده
مااظن يصلح يسوقك واحدٍ غيــــري..... أصايدك من الحصا وأرفق بك زيــاده
جيب بدفعٍ رباعـــي نقلــــة القيـــري..... ما ودك أنه يشوفه بعض حســـــــــاده
كم مرة في السهل نمشي مـــــداويري .....وكم مرة قد مسكت طويق وشــــــداده
أحيان نسري وحينٍ نمشي اعصيري..... واحيان قبل الفجر والناس هجّــــــــاده
يوم ان بعض العرب يهوى المصافيري..... يجيه وقت الضحى والظهر في رقــــاده
أهوى المغابيش قبل ايصوُت الطيري..... يوم ان بعض الشباب يكبّر وســـــــاده
العين عافت لذيذ النـــــــــوم يا طيري .....أبغى المقانيص يوم القنص لي عــــاده
معنا اشقرٍ ضربته للخرب تمــزيري..... أفدغ وحرشٍ اكفوفه ويل من صــاده
مع هدّة الطير يذهب كل تفكيـــــــري .....أنسى مماتي وكِنّ العمر بزيـــــــــــاده
يا زِين شوف الحباري بالمناظيــري .....في خــــايعٍ مابعـــــــــــــد زاروه رُوّاده
ويازِين شوف العشاير و المظاهيري .....لا روّحت مع رقاق الحزم منقــــــاده
يا ماحــــــــلا شرْبك لـــدرّ المباكيري .....أخير من نيدوٍ به سكر زيـــــــــــــــاده
وماكول قرص الجمر مع تمرٍ وضيري .....أحسن من البيتزا والشورمــــــا زاده
وجذبك بدلوٍ به الماء من جبا البيري .....أخير من ماي صحه وســـــــــط برّاده
البر يســـــــوى مسلسل سالم الزيري..... وأحلا من مشاهد الكوره مع استــــاده
شوف البراري ولا شوف المقاصيري .....أو شوف نخلٍ ظمايا واجد عيـــــــاده
في روضةٍ غاديٍ للعشب تنــــــو ي .....يازِين شوف الخضار وزِين مقعـاده
معك نشاما مخاوينك منــــــــاعيري..... رجّالهم منوة للقلب واسْعـــــــــــــــاده
حولك ادلالٍ بها البُنّ المباهيـــــــري .....بهارها الهيل والمسمار هو اقنـــــــاده
أحسن ولا رفقة اربوع ٍ معاثيــــري .....هرج القفا عندهم هو ثالث اعْيـــــــاده
أحباب وأصحاب بقلوب المثابيري .....تضحك وهي لشذبة العرقوب معتاده
يقفونك الهرج بألسنةٍ مناشيـــــري .....واحَدْهم إلى نصحته زاد في عْنــــــاده
هذاك كُبّه فلا به نفعٍ وخيـــــــري .....ما يتّعظ في الكلام الزين وارشـــــــاده
نومك بجو خلا مافيه تكديــــــــري..... يسوى الفنادق وقصرٍ قلَّوا أجــــواده
ما حولك ألا الطيور أم المناقيـــــري..... امنفصه ريشها للجـــــــــــــو رَوَّاده
ورزقك على اللي رزق لدباش والطيري..... اللي فرض ركن حج البيت واجهاده
الرزق عند الولي رب المقاديــــري .....اللي جعل للخلايق ذكر وعبـــــــــاده
وصلاة ربي عدد وبل الشخاتيــري..... على نبي جعل يثرب هي بـــــــــلاده

تحيااتي تحيااتي

اخوكم >>> TiGeR

كوتشي · 05-24-2006, 02:53 PM

الله الله على الشعر الخطير هذا
مشكوووووووووووووووووووووووووووووووووووووووور حبيب قلبي تايقر
والله الشعر هذا كنه موجه لي الله يذكر سيارتي بخير

لا مطبات ولا تنزيلات ولا خرابيط ********* دفرنشين والشاص عود منعاده

يا هل التطعيس لا تقربون المشاخيط ******* انا وجمسي والدله وفنجـــــــاله

وسلامتكم
خخخخخخخخخخخخخ
والله تأليفي <<<<<< مو مصدق
تحياتي
ابووافي

النهايه · 05-24-2006, 03:11 PM

ههههههههههههههههه

خوش قصيده
شكلك يا تايقر جالس مع بدوي الاسبوع اللي فات

ههههههههههههههه

الله يعافيك ويكبر ما فيك ان شاالله

والله يسلمك ويسمنك

تحياتي
النهايه

**المصرقعة** · 05-25-2006, 04:01 AM

تسلم على هيك قصيده مع اني مافهمتهااااا

بوشهيد · 05-25-2006, 04:45 PM

طراااااااااااااااااااااااااااااخ

قنبله نوووووووووووووووووووووي

من واحد مصرقع ودلخ

TiGeR · 05-26-2006, 04:50 AM

خخخخخخخخخخخخخخخخخخخخخخخخخخخخخخخ

الله مير يسلمكم هالله هالله ..... الله مير يسلم غاليكم ومغليكم

الله مير يسمنكم ويهديكم ....... الله مير يصرقعكم ويشفيكم

هاالله هاالله

الي فهم زين والي ماافهم يجيني وافهمه في البراري وعلي الطلاق مايطلع الي وهو فااهم

كوتشي >>> اخبار القنص والضباان معك هع
النهاايه >>> اقول طخو وطلع مخو
المصرقعه >>> انتي وين ويالقصيده وين انتي خليكي على يسلمووو شوو مهضووم
ابو شهيد >>> وين داخل انت القنص ولا حرب طرااخ ويش القصه الله يرجك ويدلخك

يعطيك العاافيه على المرور والرد على الموضوع ياااغاالين

اخوكم >>> TiGeR

الصياد · 06-05-2006, 02:08 AM

ههههههههههههههههههههههههههههههههههههههههههههه ه

كـــــــــــــورلا ياحبيبي ماتطلع من شحنة رمـــــــــــــل
مسوي راعي تطعيس او قنيـــــص

كككككككككككككككككككككككككككككككككككككك
صرقع صرقع صرقع يـــــــــــــــــــــــــــــــا مصرقع