يوم كنا بالطريق ..

السلام عليكم ..
كنا رايحين القصيم << يالله من فضلك ..
والسواق يسوق بنا و كل اللي بالسيارة نيمين .. امي وجدي وجدتي وخواتي والشغالات والعله أخيي .. << اكيد تتسألون وش السيارة اللي شالتنا ..
والله أني ما ادري وشي بس مهيب إنفنتي ..
المهم كنت اسمع بالـipod أغاني بعد قليبي ENRIQUE LGLESIAS
الخلاصة انه حامت تسبدي من الحر .. غطا وحاله .. المصيبة أن البطارية فنش قضت مير عاد يضيق صدري .. و أفكر يا ربيه وش اللي يوسع صدري ؟؟ مير أتذكر انه العلك .. أدور ما لقيت شلحت شناط العالم وهم في سابع نومه ولا لقيت بهن شئ التفت على أخوي ولا طالع من جيبه طرف قرطاسة علك .. سحبتها بسرعة وبكل بشاعة وشراسة اكلت العلتس .. يوم اني أكلته وراح طعمه أستحرمت أجدعه بس تسذا قلت يالله أنفخ به بلونات .. بس للأسف كل ما نفخت لصقن بالنقاب << أقله ام الحاله .. تقطع قليبي و انا اجدعة بالزباله اللي كانت عبارة عن كيس خرفاشي معلق بمسند الكرسي اللي قدام .. اناظر اللوحات باقي لنا ساعه ونص على ما ناصل .. وش أسوي ؟؟!! .. مع اني ما اعرف انام بالحر بس سبحان ربي نمت قمت وانا حاست شعري على شعره شعره يتقطع .. أثر أخوي السعيد عبدالله قام من النوم .. دور علكه ما لقاوه .. بس لقى قرطاسته بإيدي << من النحاسة ماجدعته كسرت خاطري والله << تراه قرطاسة بلا علك .. المهم عصبت وقمت ناوية هواش اللحين لي ساعة مرتزه بالحالي والعالم تشاخر ويوم شاخرت بعد عناء يجي ويقطع شعري .. لا وبطريقة إجراميه شعره شعره .. قمت علكته بالسيارة قام جدي و هاوشنا وسواقنا فاكن الكشرة يضحك علينا .. ألتفت عليه جدي وكمل عليه الثاني المهم جت أميمتي وجزى والدي على الله وفكت بيننا .. ووقفنا على جنب وقعدت أميمتي بيننا اتقاءا للمشاكل .. مرت النص ساعة بسرعه لاني مستانسة أني بجنب الدريشة ووصلنا للقصيم .. دخلنا بريدة المكرمة بكل فخر و إعتزاز ..
ووطأت قدمي تراب المزرعة وهناك بدات المشاجرات مرة عاشرة بيني وبينك << لالالا أستهبل بيني وبين أخوي عليلتي عبدالله هو يركض وانا طردي وراه .. أنا أركض وهو طريدي وراي .. وهكذا هي الحال..
حتى أتت أميمتي للمرة العشر تليار مليون وفكت بيننا وذلك بأنه جلس في مجلس الرجال يضيف الرجال القادمين ..
وأنا في المطبخ أسبع المواعين ..
وشتان بين ذاك وذاك ..

هههههههههههههههههههه


روووعة يسلموو ياقمر

يسلمو .. أختي شغوفة ..
والله أني محبطة .. 10 مشاهدات ولا تعليق
الله يخليك لنا يا قلبي ..

* شعفولة =)

ههههههههههههههههههه

(بس للأسف كل ما نفخت لصقن بالنقاب )

حلوه ذي
بعدين اذا نفختي ارفعي النقاب واذا انفقعت نزليه>>>>>وش رايتس بالحل

يسلمووووووووووو اخيتي على القصه الروعه

وفالك المليون>>>>>>>انقلعي بس

ياسلااااام

اختي العزيزه لك مستقبل في الكتابه والقصه

ان شاء الله انك تصبحين كاتبه اد الدنيا


واخوك اعملي فيه مقالب


ويعطيك العافيه

الحمد الله ع السلامه ياقلبي

والله القصه روعه
وقلبي تقطع من الوصف((( شعره شعره))) حسيت بالالم

بس السفره الجايه بروح معاكم لاتنسيني

وتقلبي مروري

أختي أحلى مصرقعه .. كنت بسويها بس السواق رامي عيونه والصراحة خفت عليه من الفتنه
أخوي مالبورو احمر .. مشكور :$ والبركة فيك عطنا وحنا نسوي ..
أختي لا دموع بعد اليوم .. والله الفخر لنا إن كانك بتجين .. وجيبي معك الله يعافيك شئ يوسع صدورنا مادام الناس نايمة =)
... مشكورين على الطلعة الحلوة ..
و تعليقاتكم الرائعة ..

خلاص بنسوي لسته نكتب فيها الطلبات حقت السفره الجايه

ولا يهمك بس آمريني كلني فدى قلبك ..

يسلملي قلبك يابعد قلبي

العفوووووو ..
كم عندنا من لا دموووع ؟؟

ههههههههه
قصتك حلوة جدا
يعني وناسة


انا رديت لعيونك عشان ماتزعلين يا قلبو
المهم تكوني مستانسة

<<< فديييييييييييت قلبك عاشقة جدة ..
مشكوووورة ع الطلة الحلوة ..

هههههههه اهم شي وصلتوا سالمين ... لك مستقبل باهر بكتابة القصص .. وفقك الله ..