ســالم سـ ي ــار ..

الشاعر سالم سيار

شاعر فوق الحروف والكلمات ومبدع بالاحاسيس . .

انا من اشد المتابعين له . .

وحبيت اعرض لكم بعض من قصائده . .


() دعوة الغفران _ الام ()

أنا أمك ياهيــــــــــه
أمك حملتك والعذاب الوان
ولدتك والألم سكين يركز داخل لهاتي
وأنا أثناء الوالده من بكى صوتك طعنت أحزان
لأني شفتك بصوتك تنادي كل طموحاتي
ومهدتك فعين وعين يشرب حزنها القرآن
وهزيتك وكان النور يتهزهز من دعاتي ,,

() يبه شلونك _ الاب ()

يبه .. يبه .. لا تجفف شفاهي من أحلى كلمه بالدنيا
يبه .. يبه .. يبه .. يبه .. يبه ..
يبه ما قلت لك وش صار .. ؟
يبه بنصفي منيره .. أبوها مات في حادث
تكلمني ترى دايم .. دايم عنه تتكلم
تقول أفز من نومي .. أحسه بجنبي هو نايم
،، أحسبه بجنبي هو نايم
تقول دايم .. أرمي عيوني على الأبواب
أقول يمكن يلملمها .. بأي لعبه من الألعاب
أو ورده ,, وأروح أركض وأخبيها بوسط كتاب
يبه .. يبه عذروبك الشارع .. تسوق بسرعه مجنونه
يبه خلنا على بالك



() الغيبوبه _ الاخوة ()

انا شلون لاصار الاخو جايع وانا [شبعاان]
اخوي
اللي كسر قبله لجوعي وجاع لحظاته
اخوي
اللي يمزمزني معاليقه اذا عطشاان
اخويه .. اللي ثنى عمره من اجل اطلع مسافاته
يدين القبر ضميني وسط حضن الاخو نعسااااان
ابرقد دام لي قلب(ن) دفن وياه نبضاته


() هذيان التنك ()

يالله يمه .. يالله يمه اخطبيلي
والا يعني ماني رجال بعيونك
شفتي شعرك الا افله الا افله في زواجي
انت وينك ..؟؟!
هذي دارك ماتغير شي فيها ..!
هذا بوكك هذا عطرك هذا مشطك
الا ساعه يوم طاحت من يديني اتكسرت
لاتخاآآآآآآآآآآآآآآآآآآآف
جبت ساعه تشبه الي تكسرت
انت وينك ..؟؟!


() لـيــه ()

زين لحظه.. لسألوني الناس وينك..؟
وان دروا ضحكه عيونك عن عيوني فارقت..
سافرت ردت لعينك.. بذمتك وش اقول..!!
قول..قول..
قول قول الله يخرب بيت بيتك.!
توني يادوبي بديت ..بعت عمري واشتريتك..
خطوه .. خطوه ... واشتريتك
توني باطراف البدايه!

() الـجــراح ()

ابيك الجاي من عمري انا مابيك شي
وراح ..
مدامك اجمل واخر مدامك اول . .[ احبابي
ابي ارتاح ياعمري انا ادري .. / هم تبي ترتاح
تعال ..
وقبل ما افرح ترا تفرح بك ثيابي . .
احبك . . احبك
يابعد عمر الحزن والجرح والافراح ,,
احبك . . احبك
كثر ما نامت عيونك داخل اهدابي ,,


() خــلآص بتـسـافــر ()

لملمت احــساسك ... شعــورك وقلبك
خلاص بتسافر ؟؟!!
زين التفت لحظة ..
عطني جروحك بس ..!!
خلها تسليني ..
بغيابك الكافر..!


() عين الضما ()

طلبتك .. لين ماجفت عيوني من ورا أعتابي ..
توكل ..
توكل مابقى لك شئ فـ عمري كود تذكارك
أو إسمع ..
حتى تذكارك كسرته داخل أهدابي ..!!

() الطيف ()

ترووح ..
ترووح وقلت أحط روحي على كفي وأناديلك
نزعت العمر من شفت الغلا باالروح نادالك
بربك ..!!
بربك .. وش سوا الفراق بوجه منديلك ..؟؟


() بعنا فينا واشترينا ()

لا تلفت
لا تنادي
لا بشر حولك
ولا حولك مبادي
لك مصير من المصير ولك جروح من الجروح
ولك حياة من الحياة
ومن نصيب الآه آآآآآآآآه


() وشفــــتي شلون ()

تعالي
يابعد عمري علي ان كنتي او ليه
عساني احترق واهدي بخوري كله ذكرك
مو صح ودك تجيني بس [غرورك] يرفض الجيه
انا ادري عني تنشغلي وفيني من شغل فكرك



() تلويحة الجوع ()

مساء الدم ياريس
مساء القتل ياريس
مساء الموت لاشعلت الشمع بأرواحنا لعيدك
طفت أرواح
طفولتنا .. مدارسنا .. كراريس وكراسي المدرسه وأقلام
وتلويحة اهالينا قبل لاندخل الطابور
ونكهة خبزنا والتنور
وأناشيد الطفوله بفم زوايا المدرسه وأجراس ,,


() مسافرين ()

من فينا مات ونيته باطلة
ومن فينا مات ونيته طاهره ؟
يا ويلنا يا ويلنا
من شقق ثياب الحِلمْ ... من لبّس الطفلة وهمْ

() الساعه ()

مو صح مثلي
مو بس اوله عليك وبس
معي حتى الوله يوله
اخذتي ضحكتي وعمري
بيديك وغبتي عن عيني
وعليّ طول غيابك
كم الساعه !
او تدرين
كم إنتي ..؟!!
كم إنتي دامني احسب عيونك واكسر الساعه ..؟!!



() الذهب ()

نامت مدينه وخاطري تلجل بقلبه مره
طشت جنوني واربطت عاقل وسط كراسها
هي حلمها سيف الشعر ملعون أبو جد ظهره
تبي تفزز شاعره حتى يقصه راسها
ومن يوم رفف فجرها طاحت عيون المغفرة
صلتني حروفي وانا صليت حدر انعاسها



ان شالله يعجبكم موضوعي
وتشاركوني اعجابي بهالشاعر . .