صالون يحرق شعر مواطنة قطرية!!!

السلام عليكم ورحمة الله وبركاته .


هذه الرساله رسالة تحذير لكل أخواتي فالله اللي يروحون هالصالونات الغير معروفه والجديده
هذه القصه حقيقيه والله على كل حرف كتبته شهيد..



في يوم الخميس 26\6 راحت احد المواطنات القطريات الى صالون جديد
في منطقة الدحيل اسمه (ذا سوان) عشان تسوي شعرها وكان الصالون شكله راقي
من حيث الديكور والسيرفس وغيرها أغترت البنت بالشكل وماعرفت ان ماكو مخبر
طلبت منهم يسوون لها فير والبنت أسمها (سماح) اللي جاتها كانت صغيره على انها
كون خبيرة شعر لما اسالتها الضحية انتي تعرفين للفير ؟؟ ردت الموظفه بأنها خبيرة حمام
بخار بس صاحبة الصالون امرتها انها في وقت الزحمه تساعد فالشعر .. الضحية مارضت ان
هذي الموظفه تشتغل ع شعرها الا بعد ماأكدت لها المديرة والموظفات ان شغلها لا يعلى
عليه فالفير وطبعا كان هذا كله خرطي!! .. سوت لها تسريحه بالفير وكانت عاديه جدا بس
الضحية وافقت لانها كانت مستعجلة وخلال ماكانت الكوافيره تسوي شعرها الزباين فالصالون
اشتكوا من ريحة غريبة وكانت ريحة حريق ارتبكت الموظفة اللي تسوي شعر الضحية وراحت
ترش اسبري بنكهة الفانيليا ع شعر الضحية عشان تخفي جريمتها والضحية
ماشكت ان الريحة كانت من شعرها !!!!

ثاني يوم تسبحت الضحية واستغربت من ريحة شعرها اللي كانت ريحة حريق !!
اي نعم حريق تخيلوا شعر طويل لين تحت الظهر اشقر ع ذهبي ناعم وغليظ محترق
من جذوره لحد اطرافه !!! البنت انهارت وهي تشوف شعرها يطيح قدامها وصادتها
حاله هستيريه!! تخيلوا انها طلعت من الحمام أعزكم الله هي شبه عاريه
تصرخ وبيدها شعرها..

ثاني يوم راحت ام واخت الضحية للصالون وكانت أجابت الكوافيره بأنها نفت هي
والموظفات انها سوت شعر البنت !!وبعد ماأثبتوا انها هي اللي حرقت شعرها
من خلال اسم الكوافيره الموجود بالفاتوره أتصلوا بصاحبة الصالون اللي أكتفت
بأنها تقول لأهل الضحية عندكم المحاكم والشرطة روحوا وأعلى مابخيلكم أركبوه!!!
هل هذا رد بدل ماتتأسف وتعتذر كذا ردها !! البنت من عائله معروفه وبنات القبايل
مايدخلون أقسام الشرطة عشان يجرجرون هالأشكال .. البنت أكتفت انها قصت تاج
راسها وقعدت تحسبن على راعية الصالون..

البنت حبت تنشر قصتها هذي للعبرة والحذر من هذي الأشكال اللي ماهمها
سلامت الزباين وماهمهم الا جمع الفلوس

حاسبوا يابنات من هالأشكال اللي ماتخاف ربها ..





أدعوا للبنت ان الله يهدي نفسيتها وقهرها ع شعرها اللي راح وان الله يعوضه
حسن منه وياخذ حقها من هالظالمه ..

اعوذ بالله من ناس زي كذا

يسلمووووووو على الموضوع

يسلمو شعفوله ع المرور اسعدني مرورك

بناااااات الي كاتبين هالموضوع كذابات وناشرين في كثير من المنتديات هاذي القصه وهم الي مألفينه وكاتبينه بس ادارت المنتديات حذفت مواضيعهم لان واضح فيه التشهير للاساءة للصالون وصاحبة الصالون وترى البنات الي كاتبين هم من نفس عائلة صاحبة الصالون واحتروا منها علشان جذي سووا حملة تشهير للأساءه للصالون يبون يقطعون رزقها مادروا ان الارزاق بيد الله ..خلهم يروحون يشوفون الصالون ماشالله اشلون ماشي مع انهم بدوا حملتهم من شهرين..ولكن القافله تسير والكلاب تنبح..
وبعدين اذا بتألفوا قصه الفوا قصه تدخل العقل!! كاتبين ان الكل فالصالون شم ريحة حريق وهي ماشكت ان الريحه من شعرها!! وريحة الحريق راح يغطيه ريحة الفانيلا!!
ولو شعرها احترق من الفير راح يحرقه وبتطيح الشعره بنفس الوقت هذا شي معروووف مو عقبه بيومين مثل ما انتوا كاتبين!!!
لكن هاذي الحره وماتسوي ماتخلي الواحد يفكر بعقل والعياذ بالله ...اعوذ بالله من الحاقدين والحاقدين والله يعينهم المساكين على نفسهم.. والحقد واضح من عبارة (انشر لتؤجر) وكأنهم يحذرون من محل يهودي او منتج اسرائيلي!!