قرقوعة على ممشى الملك عبدالله ..

في يوم من ايام الصيف الجميلة جدن جدن جدن واجدن بعد من كل الشيـءاااات
قلت ورى ما اصير زي الناس واروح للممشى
استاذنت من والدتي << لا مؤدبة مرة
وقالتلي لازم محرم قلت يعني مين ؟
والدي مثلن ؟
قالت لاما اظنه يقوى مافيه غير اخوتس
وانا اللي اعارض واذكر عيوبه
يمه تذكرين يوم نعتمر ذيك السنه ويوقف بي لانه تعب
واضيع انا وياه قلت خلنا نرجع الشقة قال ما ادل قلت
وجعه توجعني اللي ما اعتمرت الا معك
قال تراك محرمه للحين
ونضيع ذاك اليوم الين 3 ساعات
وصار معه خبر بس بالدور حق شقتنا
لانه يحب يرعص على ازارير الانصرصير
وتذكرين يومه على ايام بداية سواقنه
يوم ركتب معه بامر منك يوديني للعثيم
ونضيع بيتنا الين 3 ساعات ولقيناه بعد مالفينا الرياض
وتذكرين يوم الله يقدر علي عشان اودي حافظة الجريش لجيرانا
اللي زرا البيت وعيا اروح لحاليوجا معي وضيعنا بيتنا الين 3 ساعات بعد مالفينا حارتنا
وتذكرين
وقاطعتني اوص اوص صدعتي راسي
مافيه روحه الا رجله على رجلتس
وانا اتصنع دموع يمه مابيه
وبعدين النساء عند بعض محارم باروح مع حصوص بنت الجيران
عيب يصير الاخ المصون معنا صح
لا يعني لا
اقولتس انطمي وقري في غرفتتس
انا : خلاص الشكوى لله ابروح معه وينه
والدتي : فوق عالكشمه
وانا اللي اروح البس بشتي الجديد
اللي على كتوفي وطرحة وجايبة نظارة شمسية اللي جايبتها
لي نويره صديقتي يوم نطلع من المتوسط
يعني هدية وداعيه لاني بطلت من الشقا
وذ النظارة محتفظتبها للكشخة
وهي دائريه حوايفها ازرق مموج بسماوي
واللزقه حقت السعر ماطاعت تنقشع سعرها بــ 5 ريالات
ياحبيبتي مكلفة على عميرها خبري النظارات بريلين
وانا اقولها وراها زرقاء لون ولادي
قالت خليتس لوك << تسمع بالمصطلحات
واطق هالنظاره واحط لي روج خذته من غرفة امي
لونه بنفسجيييي لازم اصير لوك على قولة نويره
ولبست طرحتي ورحت لغرفة اخوي وقلتله امي تقول ودني للمشى
قال وهو يناظر الشاشه ومتحمس على اللي اسمه لوحة القفول
لا ؟
انا : يالله ترى فيها خمس طعشر ريال
بتقوم والا اهون
اخوي فز من مكانه : افا ياختي العزيزة
من عيوني هذولي بس وين الخمسطعش
انا: وحنا راجعين اعطيكياها
اخوي : اجل حلمي تلعبين علي زي يوم اوديتس للدولي عطينياها قبل
انا :اخاف تلعب علي انت بعد زي يوم اعطيك عشان توديني لريمان
تذكر
اخوي : طيب 7 ريال ونص الحين و 7 ريال ونص وحنا راجعين
انا : ايييييييوة
وافتح بوكي اللي هو حق ابوي قبل ما اجي ولونه عنابي عشان كذا خذته
يعني لونه بناتي
واطلعله خمسه ريال قطعه وحده وريال فكة
وقرشين نص وقرشين ربع
وقام يحسبهم سبع طعشر مره يتاكد ولبس هو
بنطلون اخضر كنه علم بلادي
وبلوزة بردقانيه
ونظاره امي هيله الطبية
يقول لازم اكشخ
معنه معد يشوف زين
اخوي : يالله البسي بشتتس احسب انتس جاهزة
انا : هذاني جاهزة
ما اكمل الا وكوع على بطني
اقول انقلعي جيبي بشتتس
ماقلت البسي قميص النوم حقتس
رضيت بالامر المر رحت
جبت البشت حقي اللي يتلامع وبرقعي
وكحلت عييناتي وخذت النظاره هدية نوير

ومشينا

في الموتر
انا : اقول ترى حصوص بنت ام حمد بتجي معنا
اخوي : تعم ؟
انا : اصمخ انت يالثور ماتسمع
اخوي يصارخ : اسمعي حولي من الددسن
وازهمي عليها قولي دحيم بيوديني
ما اقدر اخذتس معي
ويرفسني كني عنز وانا اقول لعمري
مالتس راي يا السوري كلش يرفس والا كوع من كراعه اللي كنها كراع عنز محسحس
وادخل البيت والقى حلوة اللبن اميمتي
هي : امداكم ماشا الله
انا : لا ايت قضينا الله يهديتس
بس جيت ازهم على حصوص بنت ام حمد
عشان ماتجي معنا
الاخ الدحمي رفض بتاتا البته تجي ورفسني عشان اقولها
امي : ايييييه اجل خلصي ازهمي ترى بيسحب عليتس اخوتس ويمشي
انا : ايه يالله

واخذ السماعة وادقدق فهالازارير ورن ورن ورن ولا ردوا
وادق ثانيه ورد الاخو حمد
اللي يبلغ من العمر 26 ربيعن
وانا اوطي حسي عشان ماتسمعني امي
انا بكل غنــــــــــــــــــــــج : الووووووه
حمد : اقول اعقلي يالسخلة وش تبين
انا وبنفس الغنج : اوه حمودي انا سخله الناس
تطورت وبعدين كبرت على
سخلة صار عمري عشرون ربيعن صرت الحين
عنز هاههاهااااااها هههاهههههااهههه
حمد : اقول ترى ماتفرق جعلتس تيس
انا بتفس الغنج : اووه حمود نسيتني ليه زاهمه
يقاطعني قائلا : وش تبين بعد حصوص
انا : هاهاهاهاهاهاهاهاهههههاههههاي
لا حمود ابقولك كلام انا واللحيم اخوي بنروح
للممشى وقالي اقولكـــ ـــ ـــ ـــ ـــ ـــ ـم
تجي انت وحصوص معنا وش رايك
حمد بعد لحظة صمت : ليه لا احد يطلب منه
يروح مع الزين ويقول لا
انا : هاهائ
حمد يصارخ : حصووووووووووووص
يالله البسي بشتتس بنروح مع الجيران
انا : اقول حمد باطلب طلب
حمد : وش تبين يالسخله
انا : لاتقول لـ الدحمي اني عزمتكم
انا قلتلكم عشاني ابي حصوص توسع صدرها
وعارفة انك انت وادحيم بترفضون
انها تجي معنا
حمد : ولو ماطلبتي شي من عيوني يا الحلوة
ويسكر

وانا اللي اذووووووووب
وتصير خديداتي حمراوتان كني هايدي
ايه وش فرقها عني هي تحب بيتر وانا احب حمد ولد الجيران
واتسبع بشتي ثانيه واطلع

في السيارة
طبعن ركبت قدام لاني مالبه يشك
انا : يوووووه نسيت البوك
دحيم : وش تبين فيه
انا : انت ناسي باقيلك عندي سبعت ريالات ونص
واحول
واطل ورى الخفس اتحرى لحمد وحصوص يطلعون عشان مانمشي عنهم

يوم طلعوا ويرفس حمد بباب السيارة
وانا اللي اطير عشان اسمع حسه
يوم ركبت الا اسمع الدحمي يقوله وش جابك
حمد : يالشين ماتعلمني انكم بتروحون ولاش
انا يوم قالتلي حصة
جيتك علطول
انا / ياويلي على حسه ياويلي
والا هالسكسوكة والا ذا الغمازات
ايه على قولة نهى نبيل
من يقول الزين بس حق الصبايا
حتى حبيبي يهبل
هييييييييييييه ماتسمعين
انا : هاه هاه
دحيم : وين شريط نوال
وانا افتح الجيب اللي على مرتبة حمود
والقى اشرطة لبكرة وادور
وادور وادور
الين لقيته
ومديته له
وشغله والا وهو خربان
الاخ مسجل صوته الشين
على نوال
راح فتح الاف ام
والا وفيها برنامج
تدلل عال ام بي سي اف ام
تدلل
نوال لاجل عينك
وانا سجيت مع الاغنيه واغني
ويوم دريت ولا حمد يرمي جواله على جهة الباب ويلتفت علي يقول
هذي اهاء مني لتس
وانا اذوب ثانيه
وكلت تبن وحاولت اسكت


ووصلنا للمشى اللي على طريق الملك عبدالله
يحفظه الله
في مدينت الرياض عاصمة المملكة العربية السعودية<< احلفي


المهم انا وبنت جيراننا وولد جيرننا واخوي
نزلنا وبذالبراقع لبست النظارة اللوك
وحتى حصوص لابسة نظارة بس هي
زهريه ايه حقت بنات موب انا مايدل اني بنت الا
ذالبوك العنابي


وحنا نمشي ونمشي ونمشي
رياضة وكان الترتيب
2
4
2
ااااااااقصد حمد ودحيم في النص وانا وحصوص متطرفين
كل وحده جنب اخوها

وحنا نمشي
انا : ماتلاحظون زحمتن الله يكافي كننا في مسعى
حمد وابتسمة المكر شاقة بطنه : بلانا فوق الساعة عشر الليل
يااا اااااا حلو
حسيت في دحيم عطاني كوع
وانا مالي ذنب هو اللي يغازل
الشكوى لله الله يجيب العرس افتك من رفس هالتيس دحيم
.......... 1: الله عالبراقع
...........2 : اليوم ثنتين الليل ياحلو
ويذب وريقة
انا : الله يسلمكم
ماكملت عبارتي الا ورفسة على بطني اللي بينخفس
بس هالمرة مو من الدحمي
من الحبيب الاوي حمودي
انا زعلت : هيه خير
حمد بعصبية : وش تقعدين يالسخلة تحاتسين ذا المهبل
انا : وش اسوي قالي ياحلو اسكت قلتله الله يسلمكم
بس !!
حمد بطنازة : بس
جعل بستن تمشخ وجهتس اااااااا الزين
بس المرة ماجتني رفسة ليه ؟
لان الاخ دحيم قاعد يخكر مع ست الحسن والدلال
حصوص
جا حمد وماسلمنا من الكلام اللي يقوطر عسل
يازينه ياحلوه ياقمر وقام يغني
اليوم طالع قمر
وانا اذوب ومن جرف لدحديرة في الذوبان

وبعد ماقصرنا من الذوبان لاني انا وحصوص
في نقس المركب
الحب

ركبنا الددسن حقت الدحمي والقلوب كلها راضية
والحب 100 %


في السيارة
انا : هئئئئئئ
دحييييييييييييييييييييييييم
دحيم : خير شايفتني اصمخ
انا : انسسرق بوكي لقيت شنطتي مقطوعن طرفها
ومالقيت بوكي
دحيم : طيب فيه فلوس ؟! << اخوي ذكي
انا : وش رايك يعني لو انه فاضي فحلالن على السارق
دحيم ديور ووصلنا حمد وحصوص
بيتهم ثمن رحنا للمرور نبلغ
ويوم وصلنا
الا والساعة ثنتين الليل
ووخيي متعود على المرور رفضوا يدخلونه قال
بنتي انخطفت ويصارخ
يوم دخلنا على الضابط
الا واللهم ياكافي بلاغ جماعي
وكلهم عمليات اختطاف
واحد قال : انا حرمتي ضاعت
الضابط : وش موصفاتها
هو : اااااااااااا خلاص بنلقاها ان شاء الله
الضابط بكل انشراح في الصدر :
ان شاء الله
والثاني : انا يابوك
قاطعة دحيم وهو يصطنع البكاء
ياشيخ بنتي انخطفت
والبوك حق اختي انسرق
الضابط : كم في ابوك ؟
التفت دحيم علي : كم يالسخله
انا ارد للضابط : الفين وخمسمية ةاربعين وفيه قروش اللي من حديد يجي 7 ريال

ورفسة سريعة كلميني لا تكلمين الرجال
الضابط : البنت المختطفة عندك لها صورة
فتح بوكه وطلع صورة الا وهي صورة ابتهال
المطيري
اما الفلوس فاحد من اللي جايين يبلغون عطانا الف وقال بلا مرمطة
وطلعنا بعدين عود دحيم قال ترى دقت ام البنت قالوا لقيناها





بعد مرور 4 سنوات
حمد زعلت عليه وراح بسيارته وجاه حادث
ومات وحصوص لقت في غرفتهه ورقة يقول فيها
الى السخلة بنت جيراننا بشروها
اني ابرحل

ومات حبنا اللي مانولد

دحيم وحصوص اعرسوا
والله يوفقهم
بس بعد ماراحوا لالمانيا لان اخوي الله يفشله يبي شهر العسل وهو يشجع البرازيل الله ياخذهم
وهم راجعين طاحت بهم الطيارة وماتوا
وانا بغيت اموت بس اشوى حمد الله



نقص وزني 17 كيلو من كثر مانروح للمشى قبل يموت حبيبي

ههههههههههههههه
ههههههههههههههههه
ههههههههههههههههه
ههههههههههههههه

الله يرووووووووووجك على هيك سالفه

المهم

عظم الله اجرك في حمد..ههههه

يسمنووو خيتوو

اهئ لاتذكريني ابتسي(ابكي)

يسمنووو خيتوو

آآآآآآآآآآآآآآآآآآآآآآآآمين من بؤك لباب السماء

هههههههههه يعطيك الف عافية يسلموو

الله يسلمك

خخخخخخخخخخخخخخخخخخخخخخخخخخ


ياحليلك

الا ماقلتيلي

متى دورس

خخخخخخخخخخخخخخخخ




يسلمووووووووووووووووو

فال الله ولافالس
بعد عمر طويل انشاء الله

الله يسلمس