الشكشوكه (فقط للعزاااااااب)

القلب هاوي · 07-26-2008, 09:45 PM

السلام عليكم اخواني في منتدى صرقعة

انا اليوم جايب لكم اكله تجننن اسمها (الشكشوكه) آآآكيد أكثرهم يعرفها بس ىراح أعطيكم الطريقة حق اهل مكة:

المقادير لشخص واحد:
1) اربع حبات بيض.
2)نص بصلة.
3)نص طماطم.
4)ملح + فلفل اسود+ كمون.
5) طبعاً لا ننسى الزيت.
6)صلصة طماطم.
الطريقة :
يا حبيبي جيب الطاوه (القدر حق البيض ولا مدري اش تقولو له) المهم
فقص البيض في صحن عميق (زبدية) المهم حط الملح والفلفل الأسود والكمون
بعدين يا حبيبي روح عند البصل وانتبه تبكي نبغى ناكل مو نسوي دموع زايدة خلي قلبك جامد وقطعه بدون دموع المهم بعدين قطعه مربعات مو صغيرةى ولا كبيرة بعدين عليك بالعافيه جيب الطماطم ونفس الشيء بعدين يا حبيبي جيب الزيت وحطو في الطاوه وخليه يتحمى شوية بعدين حط البصل وخليه يتحمر وبعدين يا حبيبي حط الطماطم وخليه شوية بعدين عليك بالعافيه وحط البيض وبعدين حط ملعقة صغيره صلصه وقلب قلب قلب قلب قلب قلب قلب قلب قلب قلب قلب قلب قلب قلب قلب لمن تشوفه استوى طلعه في الصحن ولا تنسى براااااااااد الشاهي وعليك بالعافية كلو .

ملاحظة:
الشكشوكه تتأكل بالعيش لا يجيني واحد مسوي اتكيت يا كلها بالملعقة.ههههههههههههههه,

\
والسلام عليكم ورحمة الله :اخوكم:مكاوي والقلب هاااااااااااااوي