ليتك معي ثالث الدمعه ومنديلي<<روايه سعوديه روووعه

وأنا بيشرفني أكون آخر وحدة بترد هه.

لا يا ميمي والله الجزء كان قصير كتير
ابعتي البقية بسرعة

قبلي مروري

تسلموووون عالمتابعه
بس والله الكاتبه مانزلت بارت
وانا كلمتها واول ماتنزل بارت انزل بالمنتدى

وآآآآآآآآآآآآآآآآآآآآآآآآآآآآو

الروووووايه تحمس

بليزززز ميمي لاتتاخرين



ننتظر الباقي



يعطييك العافيه

بدي البقيييييييييييييييييييييية

بالانتظار

الجــــــــــــــــــــزء الرابع....

الفصل الاول...

(زياد)وينه الحقير وينه ؟؟انا مو مخلي

مكان مادورته فيه!!

(ناصر)زياد انت لسى ملزم على اللي في راسك

صدقني ماراح تستفيد شي

(زياد)ناصر انا بموووووت انت عمرك ماحبيت

(ناصر)انا بعرف انت كيف حبيتها وانت ماشفت

الاعيونها وحتى كانت لابسه عدسات...

(زياد)يااخي والله حسيت شي غريب فيها...

شدني بقووووهـ يمكن جرأتها

يوم رميت علي العصير,,,او يمكن

لأنها تقريبا اول بنت احطها براسي وتصدني...

(ناصر) واذا صدتك تحبها بالعكس انا احس انك بتنتقم...

بس منها ومن نايف....!!!

(زياد)لاااا والله ماابي انتقم منها انا ابيها لي انا وبس

واذا بنتقم بنتقم من متعب اللي مبهذلها ونايف اللي

اخذها مني...

(ناصر) خلاص الحين هي ماهي من نصيبك

انساها....

(زياد)لاتقول انساها موطفل عندك تقولي انسى

لااا ياناصر مب ناسيها واذا ماتبي تساعدني

اتركني في حالي..

(ناصر)[[شاف ان صاحبه ممكن ينهار]] خلاص

زياد أي شي تحتاجه اطلبه وانا تحت امرك..

(زياد) هذا العشم فيك ياصاحبي..



[[[نرجع للمدرسه ومخططات هند]]]

(ساره)والله مدري عنك ياقلبي انتي حاطه شي في بالك؟؟

(هند)اكيد وناويه نيه شينه بعد

(ساره)خير قولي وش ناويه ترى تصدقين صرت اخاف منك..

(هند9)ناويه ارسب وماني ناجحه وبشوف كيف يوزعون الورث

وانا ماجبت شهادة الثانوي..

(ساره)هند انتي تتكلمين جد؟؟

(هند)ايه والله ليه اكذب..

(ساره)بس هذا مستقبلك ومحد نافعك

بكره اذا جلستي بدون شهاده

(هند)في حريقه ياشيخه هم دفنوني مع نايف

خلاص ماعادي لي مستقبل خلاص واصلا

مابي اكمل..

(ساره)هند وطموح ابوك انك تكملين دراستك؟؟؟

(هند)سارهـ تكفين لاتجيبينها على الجرح...

وبعدين ابوي تمنى انه يشوفني مكمله تعليمي

وهو الحين موعندي فهمتي موعندي لاهوووو

ولا امي ولااي احد يستاهل اني اهتم في دراستي

عشانه عشان كذا لاتحاولين معي هذا قرار

واخذته خلاص.....

(ساره)[[خافت انها تضايق هند اكثر]]خلاص طيب براحتك..

[[جلسوا يتكلموووووون لين خلص الدوام]]

(ساره)يللا هنود ماشبعتي كلام بروح اتغدى..

(هند9)وي انتي همك بس على بطنك..خلاص يللا

قومي نروح نشوف البنات..

(ساره)راحوا من بدري..

(هند)خلاص انا بروح عند امل

تعرفين سالفة كل يوم تأخير..مع السلامه

(ساره)مع السلامه)

(هند)سلااااام...[[بطفش]]

(امل)هلا هند يعني في المدرسه ماتعرفيني

الا اخر النهار...؟؟

(هند)لا...بس وين اخوك متأخر زي كل يوم؟؟

(امل)ايوه اكيد من جد طفشت الحين لويجيب لنا

سايق وش هو خسران..

(هند)لحظه..لحظه..ماني مصدقه تسمعين ينادون علينا

عبدالله الـ.......يعني اخوك ماتأخر مثل كل مره..

(امل)هههههه يللا لانتأخر ويبهذلنا بعدين...

[[طلعت امل قبل هند]]

(امل) هلا حبيبي متعب فيه تحسن ماـتأخرت اليوم

الله يخلـ.....[[سكتت لانها اكتشفت ان اللي في السيارهـ

نايف]]

(نايف)هلا امل معليش بس متعب مشغول شوي

وجيت بداله...

(امل نزلت وطلعت ورى)

(هند)[[طلعت السيارهـ]]سلامات امل طالعه عندي ورى

وش فيك خا......[[نبهتها امل انه نايف]]

(نايف)طيب قولي السلام عليكم..

(هند)..........[[ساكته وواصله معها من القهر]]

(نايف)قومي اطلعي قدام...

(هند)لاااااا مب طالعه..

(نايف)طيب انا ماني متحرك من هنا الا اذا نزلتي وطلعتي

قدام....ماني سواق انا..

(هند)عادي نجلس للمغرب ماعندي شغله اسويها..

[[جلسوا ربع ساعه نايف يدندن وامل تنافخ

وهند من القهر صارت طماطم]]

(هند)لوسمــــــــحت يللا بنروح البيت...

(نايف)اطلعي قدام ونمشي...


(هند)لاااااااااا

(نايف)خلاص حتى انا مو متحرك من هنا..

(هند)اووووووووووف

(امل)تصدقون كنكم صغار تعاندون بعض يللا انا بروح البيت

(نايف)خلاص طيب خليها تطلع قدام((حب يقهر هند))

انا برستيجي مايسمحلي كأني سواق معكم ههههه

(امل)هند يللا قومي بلاش عناد...

(هند)اقووول انتي وياهـ انا محد يغصبني على شي...

(نايف)خلاص خلاص ماعليك منها امل

يللا توكلنا على الله...

(هند9)[[كاتمه ضحكت الانتصار على هالموقف البسيط

بس حست انها قهرته]]

[[وصلوا البيت]]

(نايف)هند جهزي حالك الزواج بعد اسبوعين..

(امل)طيب عن اذنكم مع السلامه[[مؤدبه]]

(هند)نعـــــــــــــــــــــــــــــــــــــــــــ ـم؟؟؟؟!!!

(نايف )اللي سمعتيه...

(هند)بس انا ماانغصب على شي,,,

(نايف)طيب جربيني...

(هند)وانت بعد جربني..وشوف مين فينا ينفذ كلامه على

الثاني...

(نايف)يعجبني فيك ثقتك بنفسك وعنادكـ....

(هند)والله ماهمني وش يعجبكـ فيني[[نزلت وسكرت الباب بقووهـ]]

[[نايف جلس يضحك عليها وراح عشان يرجع سيارة متعب له

اللي اخذها منه بس عذر عشان يروح يجيب هند موحبا فيها

بس لان الشك ذتبحه]]


(هند)[[وصلت تجري وانفاسها سريعه،]]امل امل

(امل)خير هند وش صاير وش فيه؟؟؟

(هند)عطيني بكلم حصهـ بسرعه...

(امل)ليه وش صاير؟؟

(هند)انتي عطيني..

(امل)طيب خذي...

(هند)الوووووو حصهـ كيفك

(حصه)هلا هنود انا بخير انتي كيفك؟؟

(هند)بخيربس تكفين طلبتك قولي تم؟؟؟؟



(حصه)تم بس قولي وش صاير....

(هند)نايف ولد عمك العله يقول الزواج بعد اسبوعين

تكفين شوفي لي حل...

(حصه)خلاص هند لاتشيلين هم ولاتفكرين كثير ان شاءالله

المغرب ابشرك خير..

(هند)الله لايحرمني منك يارب...

(حصه)خلاص هند هدي اعصابك..

(هند)طيب يللا مع السلامه..

(حصه)مع السلامه..

[[في جده وعند حصه]]


[[بدات تتذكر حياتها قبل لاتتزوج]]

(ابومتعب)بس ياحصه عادل تأخر والسنه خلصت وصدقيني

العريس هذا مافيه عيب وانا اعرفه عز المعرفه,,

(حصه)بس يبه اللي بيني وبين عادل ماينتهي بكل سهوله..

(ابومتعب)بس انتي قلتي اذا ماجا بعد سنه,,اوافق

على أي احد يتقدم لي وهذا مو أي واحد هذا ولد الـ.....

والنعم فيهم,,,

(حصه)[[ودموعها تجمعت في عيونها]]خلاص يبه اللي تشوفه,,

(ابومتعب)خلاص الخميس الجاي الملكه ان شاءالله..

(حصه طاحت على سريرها وبكت بكت طلعت

كل القهر اللي فيها)

[[عادل ولد خالة حصه منيره وكان يدرس بالخارج

بعثه..وكان خاطب حصه خطبه كلاميه من ابوها

بس محد يدري ..وهو وحصه يحبون بعض من زمان

وكانت جود اخت عادل توصل اخبار حصه لـ عادل

واخبار عادل لـ حصه]]

[[اتصلت حصه على جود]]

(حصه)[[دمعتها خانقتها]]الوووو جود

الحقيني,,,

(جود)خير حصه وش فيه؟؟

(حصه)ابوي بيزوجني وانا ماقدرت ارفض

يقول السنه انتهت وعادل ماجا وملكتي الخميس الجاي..

(جود)وعادل ياحصه وش بيصير فيه؟؟والله اذا ما مات

ليعيش طول عمرهـ محروق القلب,,

(حصه)اااااااهـ ياجود الموت اهون عندي من اني ابعد

عن عادل...

(جود)طيب يللا مع السلامه بتصل على عادل واقوله..

(حصه)تكفين لاتقلقينه طيب ..يللا مع السلامه..

(جود)مع السلامه,,

[[اتصلت جود على عادل وطبعا فارق التوقيت في كندا

الوقت كان ليل وعادل نايم]]

(عادل)هالو,,,,

(جود)الو عادل..

(عادل) هلا جود خير وش فيه؟؟

(جود)ياويلي كأنه حاس ان فيه شي..

(عادل) حاس بأيش تكلمي جود ابوي امي

حصه فيهم شي؟؟

(جود)حصه ابوها انتظرك وطفش من كثرة الخطاب لحصه


وخلاص قرر ملكتها تكون الاسبوع الجاي..

(عادل)هاااااااااهــ

(جود)[[تسمع صوت شي يتكسر ]]

(جود)عادل عادل وينك رد علي لاتحرق قلبي,,

(عادل)وانا حريقتي من يطفيها ياجود؟؟

(جود)طيب انت ارتاح شوي ودور حجز بكره وانزل

السعوديه وحل الموضوع,,

(عادل)يوووووووه ياجود وش يصبرني لبكره انا الحين

بروح المطار احجز...

(جود)الله يهديك يللا مع السلامه..

[[عادل نزل وقبل ماينزل سلم صاحبه اوراق خاصهـ في ظرف

ومكتوب عليها اسم شخص وقاله لوصار لي شي تسلمها لهاالشخص]]

(طلع السياره وكان يمشي بسرعه جنونيه ويكلم نفسه

مستحيل ياحصه تكونين لغيري مستحيل

الموت اهون,,,وصل المطار وراح يحجز

ولسؤ حظه مالقي حجز الايوم الاربعاء

يعني قبل الملكه بيوم وحجز وطلع]]

وقبل مايطلع لازم اكلم حصه واشوف رايها في الموضوع,,

(ام متعب)الو الو

(عادل)قفل الخط..اتصل مره ثانيه,,

(ام متعب)الو الو..

(عادل)قفل الخط...واتصل مره ثانيه,,

(حصه كانت في غرفتها سمعت التلفون وراحت

تبي ترد تحسبها جود]]

(حصه)هلا جود

(عادل )هلا بهالصوت..

(حصه)عادل...؟؟

(عادل)ايوهـ عادل المجروح ياحصه.

(حصه)انا مجروحه اكثر منك ياعادل..

(عادل ) انا ماجرحتك ولاتعمدت اخليك تستنين

كل هالوقت انا لي ظروفي اللي اقوى مني..

(حصه)تفضل الدراسه علي بس من يلومك هذا مستقبلك..

(عادل)انتي وعدتيني انك تستنيني..

(حسه)واستنيتك...

(عادل)واللي سمعته..:كح:كح

(حصه)عادل انا استنيتك ثلاث سنين وانت وعدتني

تجي على نهاية السنه اللي راحت وماجيت..

(عادل)بس كنت مجبور اكمل البعثه حصه والله احبك

ومااتخيلك مع احد غيري تكفين حاول ترفضين بس الى يوم

الاربعاء اكون انا جيت...

(حصه9)يعني الحين تحمست وقررت انك تجي

لو ماحددوا الموعد ماكان جيت...

(عادل)حصه لاتزيدين من عذابي انا اكلمك وانا على نار

(حصه)[[تكذب على نفسها قبل ماتكذب عليه]]بس انا نسيت

وماعاد يهمني تعبت من تهديد امي مو كل مره ابوي بيوقف

معي,,,

(عادل)حصه نسيتيني..

(حصه).......[ماتكلمت]

(عادل)الموت اهون علي من اني اسمعك تقولين هالكلام,,,

(حصه)بسم الله عليك بس هاذي قسمه ونصيب,,,

(عادل)[[كان يتكلم وهو يصارخ]]حصه لاتقولين قسمه ونصيب

انتي ماراح تكونين لغيري ولو صار بكون انا تحت التراب...

(حصه)عادل مع السلامه,,,

(عادل)وين مع السلامه انا اكلمك لاتقولين لي مع السلامه..

(حصه9)انا ماعندي شي اقوله

(عادل)وانا عندي كل شي بقوله حصه تكفين اصبري بس

اربعه ايام..

(حصه)انا مقدر اعارض اكثر من كذا انا بجهز نفسي وانت

تعال يوم الاربعاء ونشوف وش بيصير يمكن يتغير الوضع

او تحضر بصفتك ولد خالتي وبس,,,

(عادل)[[يتكلم بسرعه وروحه تطلع وتنزل]]حصه حصه

اوعديني انك تحاولين لو تكذبين علي بس صبريني الى

يوم الاربعاء...

(حصه)طيب خلاص اوعدك...

(عادل)حصه تكفين لاتنسيني

؛؛(حصه)نستني العافيه لونسيتك..

(عادل)بسم الله عليك..

(حصه)طيب يللا مع السلامه

(عادل)حصه انا احبك.....

(حصه)...............

(عادل)تكفين حصه لاتحرميني منها بسمعها منك..

(حصه)ا..حـــــبـ كـ

(عادل)الله يصبرني مع السلامه وانتبهي على نفسك..

(حصه9)مع السلامه وانت انتبه على نفسك,,

[[راح عادل وطلع سيارته مر عليه شريط حياته تذكر

ابومتعب يوم عطاه كلمه ان حصه ماراح تكون لغيرهـ

كان يكلم نفسه معقول حصه تروح لغيري اشوفها مع انسان

ثاني تعطيه الاهتمام والضحكه والاهم من هذا كله قلبها

ااااااااهـ يارب الموت اهون علي من اني اشوفها مع غيري

يارب الطف بي فجــــــــــــــــــأه،

صدم في شاحنه كبيرهـ وسلمت الروح لربها من ساعتها]]

[[بعد ماتاكدت السفارهـ السعوديه من هوية عادل اتصلت على اهله

واعطتهم خبر وقالت لهم ان الاجثه راح توصل خلال يومين]]

(جود)كيف مات انا امس كلمته لاا ماني مصدقه,,

(منيره)ياويلي عليك ياعادل اااااااه ياوليدي وانا لي

ثلاث سنين ماشفتك,,,

[كان الكل منهار]]

(ابوعادل)يقولون مات امس على طريق المطار

[[انا لله وانا له راجعون[[

(جود)اكيد من بعد ماكلمته امس راح بيحجز

اااااهـ ليت يدي انكسرت قبل مااكلمهـ

[تذكرت حصه لازم تقولها]]

(جود)حصه [بدت تبكي]

(حصه)خير وشش فيه جود؟؟؟؟

(جود)حصه عادل يطلبك الحل ترحمي عليه,,

مات امس,,,

(حصه)ههههههههه استخفيتي انتي امس انا كلمته وقالي

انه جاي الاربعاء اكيد انتي تكذبين علي بتلعبين بأعصابي...

(جود)الجثه بتوصل بعد يومين....

(حصه)......................

(جود)الو الو والوحصه,,,يوووووه، ناقصتك انتي


[[نرجع عند حصه]]

(ام متعب)يمه بنتي حصه حصه وش فيها هاذي

[مسكت التلفون]اللو الو ماكان فيه احد

متعب متعب تعال شوف اختك.....

[[[حاولوا يصحونها بس ما صحيت وودوها المستشفى]]]

(متعب)خير يمه وش صاير؟؟

(ام متعب)مدري كانت تكلم التلفون وفجأهـ طاحت..

[[شخص الدكتور حالة حصه انهيار عصبي حاد

وظلت اسبوعين بغيبوبه وفاقت من الغيبوبه حالتها مررررررره

سيئه والعريس اللي كان متقدم لها تركها وبعد شهر توفى ابوها وزاد

حالها سوء وبعد ست شهور تقدم لها عريس من جده كان مرررره

غني بس متزوج حرمتين وعنده عيال اكبر وفي عمرحصه

طبعا حصه كانت رافضه[[]]

[[غصبتها امها على الزواج منه واقنعتها انها لوماوافقت

محد راح يتقدم لها بعدين ووافقت حصه مسيره مو مخيره

وشرطت ان زواجها يكون بدون لاعرس ولاطقطقه

احتراما لوفاة ابوها وعادل[[]]

[[جلست تتنهد حصه اااااه ياربي ليه مو قادره

انسى عادل ليه مع انه راح للابد ومستحيل يرجع

الله يلهمني الصبر والسلوااان يارب]]]

[[تذكرت حصه هند ونايف[[]]

(حصه)الو سلام عليكم

(نايف)هلا وعليكم السلام مين؟؟؟!!

(حصه)معك حصه بنت عمك عبدالله

(نايف*)هلا حصه كيف حالك وينك لك فتره ماجيتي

الرياض...

(حصه)والله انا بخير والمشاغل ماخلتني انزل ولا انا مشتاقه
للرياض حيييل ..مبروك نايف سمعت انك تزوجت هند..

(نايف)الله يبارك فيك شفتي الاقدار من كان يتوقع اني

اتزوج هند!!

(حصه)ليه وش فيها عند؟؟؟؟

(نايف)لا مافيها شي بس ماكنت حاطه في بالي[[يرقع]]

(حصه)اهااااا..نايف طلبتك وماابيك تردني..

(نايف)افااااا يابنت العم انتي تامرين لو رقبتي تبينها ماتغلاعليك,,,

(حصه)[[وش ابي في رقبتك]]تسلم بس ابيك تأجل زواجك من هند

الى الفصل الدراسي الثاني تعرف مابقي شي على الامتحانات وهي

ماجهزت شي,,,,

(نايف)[[حبكتها صح هنيد]]طيب خلاص انا عند وعدي

لك وانتي ماطلبتي شي...

(حصه)شكرا ياولد العم هذا العشم فيك,,

(نايف)العفوو

(حصه)يللا مع السلامه..

(نايف)مع السلامه...[[اوووووووف

وجع وجع نفسي اعرف من وين جابت هالعناد

والتصميم على تمشية رايها الحين اكيد بتقول مشت

كلامها لي اااااخ بس لو حصه ماطلبتني]]]]



انتظر توقعاتكم للبارت الجاي.......

ابتسامة حبيبي تكفيني...

السكرتيرهـ,,,,

من قدي بنت ولد جدي,,,,

وـآـآـآـآـآـآـآـآو وـآـآـآـآـآـآـآـآو

ميمي نستنى البااقي

لاتطوولين

يعطييك العافييه

يسلمو حبيبتي ميمي بس لا تطولي اى

تسلمون حبايب قلبي عالمتابعه