شخصيتك من سيارتك

**kingahmadsameh** · 04-16-2008, 11:09 AM

السلام وعليكم

إذا كان معك ... فأنت

كابرس

شخص شديد و شعبي و تحب الفزعة و لا تحب الميوعة

كريسيدا
مهبول و حق فرفشة و سعة صدر لكنك مخفة

مازدا
تحس دائما أن ودك توقف عند الأشجار ( بدافع غريزي كون أن معك بقرة)

مكسيما
طايش و متهور تظن أن معك فيراري عشان كذا دايما داعس على البنزين للآخر

التيما
نويعم دايم تمشط شعرك عند الإشارات

هوندا اكورد
مصدق نفسك أن سيارتك شخصية

بي أم دبليو
ياهووووووووه من قدك

كادليك
تفرح بالمطبات عشان تطامر

ددسن
تحس أن أسمك هيثم و ودك تشرب كابتشينو دايم

لنكون
شعرك عرادة و تحب المعسل

فياقرا
ولد نعمة و شايف نفسك لكن أنصحك لا تجاكر اللي معهم كوابرس تراهم ما يرحمون

سني
خفيف وزن و عقل في نفس الوقت

بيوك
عندك كرشة تروع

بنوفيل
دمك ثقيل و وزنك اثقل

لاند كروزر
فنان تطعيس بس الأخلاق تجارية

روفر
الله يخلف عليك

هوندا سيفيك
مشغل نفسك كل يوم تغسلها و تلمعها

اس تي اس
كل يوم رايح للوكالة عشان يا تصلح يا تسوي لها صيانة

سفاري
تحب الطواقي الزري و الدخان

سوبربان
تجمع عرابجة حارتكم عشان تدورون في التخصصي وتزعجون خلق الله

كورولا
أكبر ما فيك رأسك و مع ذلك ما تستخدمه

سوبارو
رياضي و تحب المشاكل

سدرك
موسوس و بخيل

زد
مشبوه و عند كل نقطة تفتيش الله يعينك

موستنق
تظن إن الناس تناظر و هي معجبة مع أنها في الحقيقة تتحمد عليك

جاكور
مسوي فيها أوروبي و أنت ما في راسك

بيجو
فاهم الدنيا غلط

جمس صحن
عصبي و مرجوج و قمة سعادتك أنك تحدد خلق الله

كامري
مقتصد في الفلوس بس مسرف في البربة و السواليف

لكزس 400
دايم مهدي و راز خشمك بس في النهاية ما معك إلا تيوتا

أودي
شكلك شخصية و ثقيل بس لين تكلمت خربت الشغلة كلها

تيرسل
تحب تفرفر بين السيارات و تزعج الناس بالبواري والظاهر انك صومالى

ميركوري
شايف نفسك و مغرور

كراون
حبيب و هادي

كرايسلر
غثيث و بثر

انفنتي
رسمي مهتم بشكلك أكثر من عقلك

كابرس أس أس
خفيف دم و مجلسك ما ينمل منه

جيب شروكي
مجنوووووووووووون بر و سوالف

هوندا ليقند
تحب تقزقز و تتلفت على خلق الله

سزوكي
تحب تدور عند المدارس

ايسوزو
مكروه من قبل الناس لأنك ببساطة كتمت أنفاسهم بالديزل

لكزس 300
أنيق و جذاب

كراون فكتوريا
مجنون كورة و تحب الفصفص

هونداي
مزعج خلق الله بالمسجل ...كن محد عنده مسجل غيرك

لومينا
وش حليلك بس المشكلة أنك متعصب بزيادة لناديك

شبح
مشخص رغم أنها راحت عليك

فريق أول في الصرقعة · 04-16-2008, 05:36 PM

عني سيارة لومينا

الفنيله الزرقاء · 06-13-2008, 01:55 AM

ابوووي

عنده كامري ولكزس400

بس

غييير

يمشي 260

انا معاااي

لينكوون

بس

ماني

حق

السوالف هذا

**رعـبـــوووبـه** · 06-13-2008, 02:02 AM

كراون فكتوريا
مجنون كورة و تحب الفصفص

<< "عااشق كوره مو مجنوون"....هذا ابووي الله يطوول عمره..وزيد عليها يمشي 50000000000000

<<بالعربي اخر الطبلوون...هع

رهيييييب الموضوع

<<اذا شريت سيااره..<<بالمشمش هع جيت اشووووف شخصيتي ...^ــ^

شارب بيره ومضيع ديره · 07-04-2008, 11:43 AM

ابووووي عنده فان و جيب سكلد و قوووووول مشلاه
65d4f g

@عبوودي@ · 07-05-2008, 03:05 AM

ههههههههه يسلمووووووو على الموضوع