الجـزء الحـآدي عشـر ::"::
&&.. تونـي دريـت إن حبــك غلطتـي .. تونـي دريـت بالصمـت حـآرت كلمـي ..&&
في الصـآله الكبيـره البنات والحريـم كلهم متجمعيـن ويسولفون ..
جود تدق حلا : وينها غراام ..؟
حلا بهمس : شوفيها هذيك ام بلوزه حمراء ..
جود : ووع وش ذي الخششه مرره خياااس ..
حلا : هههههه اسكتي فضحتينا ..
جود وقفت وقالت بهمس : انا اوريك فيها
حلا كانت حتتكلم بس جود تركتها وراحت تجلس جنب غراام : هاااي
غرام تطالع في جود من فوق لتحت : هايات ..
جود بمرح : كيييفك ..؟
غرام : كويسه ..
جود : وش اخبارك ..؟
غرام بطفش : تمــاام ..
جود : دوووم يارب ..
غرام : يخليك ربي ..
جود : امم كم عمرك ..؟
غرام : داخله عـ 22 ليش تسالين ..؟
جود : لا بس كذا .. امم وماقلتيلي ايهم امك ..؟
غرام >> الحمد الله والشكر وش تبي ذي << : هذيك الي جالسه عند الشباك ..
جود : اهااا ههه ماشاء الله عليها حلووه ليتك طالعه عليها ..
غرام : نععععم ..؟
جود : هااا لا قلت ماشاء الله حلوه تشبهك ..
غرام : ايييه ..
جود : وش تقربين لحلا ..؟
غرام : امم قصدك هي وش تقربلي تصير بنت خالي ..
جود : فديتها والله انها تنحب ..
غرام بعدم اهتمام : ايه ايه ..
جود : انتي مخطوبه .. مرتبطه يعني ...؟
غرام بثقه : ايه بس باقي ماصار شي ..
جود بفرحه مصطنعه : جد ومين سعيد الحظ ..؟
غرام : ولد خالي ..
جود : ماشاء الله امممم (( قالت بصوت واطي )) طيب وتحبينه ..؟
غرام : وش هاللقافه ..؟
جود : لا بس سمعت انه الحب الي قبل الزواج مايدوم ..
غرام : ليه مجربه الأخت ..؟
جود : يعني ماتحبينه ..؟
غرام تهز رجلها بغرور : غرام ماتحب ولا جابته امه من يملك قلبها ..
جود >> ياشينك بس << : طيب وهو يحبك ..؟
غرام تطالعها بنص عين : يمووت فيني ..
جود >> اييه هين وش شايف فيك غير خشمك الي ماخذ نص وجهك بالعرض << : تدووم المحبه ..
وحلا تطالعها من بعيد وتفرك يدينها بقلق ..... دق جوال جنبها بنغمة راايقه وهاديه .. رفعت الجوال : جوال مين هذا ..؟
ام فيصل من بعيد تصب القهوه : ردي يمه هذا جوالي اكيد انها لميااء..
حلا ردت بسررعه : هلااااا لمووو ..
...................: ...................
حلا : لمياء يادبه وينك ..؟
................... : الوو ..
حلا فتحت فمها : ................
فيصل : الووو ..
حلا : نـ نـعم ..
فيصل عقد حواجبه : مين معي ..؟
حلا بارتباك : دقيقه انـ..ـأديلك خالتي ..
فيصل : مين انتي ..؟
حلا بصوت متقطع : انـ....ـآ حــ حــ..ـلآ ..
فيصل ابتسم : هلا ببنت عمي شلونك ..؟
حلا بصوت واطي باليالله ينسمع : بخير ........... انت كيفك ؟
فيصل : تماام ..
حلا : طيب دقيقه ..
فيصل : خذي راااحتك ..
حلا بارتباك وانفاس متقطعه : خااالتي ..
الدنيا صجه وسواليف وازعااج ومحد حولها ..
حلا : اووف ياربي وين راحت ..
قامت تدور عليها ...
يارا : وش تدورين ..؟
حلا : وين امك ..
يارا : مادري ليه موب بالصاله ..
حلا : لاء
يارا : معرفش ..
حلا : انزين خذي كلمي اخوك ..
يارا تاكل من الشبس الي في يدها وتمشي بعيد عنها : لا لا مالي خلقه كلميه انتي ..
حلا اخذت نفس وردت : الـ ..ـوو..
فيصل : هذي يارووه ماتبي تحاكيني هيييين انا اوريها ...
حلا : هههههههه
فيصل : زين اذا شفتي امي خليها تكلمني ابيها ضروري ..
حلا : اوكي ..
فيصل : يلا توصيني شي ..
حلا بهدووء : سسلامتك ..
فيصل : الله يسلمك (( افتكر شي وقال بخبث )) ايييه صح ... ابي جكيتي ماجبت معي غيره يرضيك ولد عمك يتجمد من البرد ..
حلا قلبها دق بقووه افتكرت جكيته الي نامت عليه امس طول الليل وهي حاضنته لصدرها ماتركته ولا دقيقه : ههههههه طيب بعطيه وحده من الشغالات توديه لغرفتك ..
فيصل : لا ابيك انتي تجيبنه ..
حلا بهمس : اييش ..؟
فيصل يتريق على صوتها ألي بدأ يروح : قلت ابيك انتي تجيبنه لي ..
حلا بارتباك : لا لا مايصلح ..
فيصل رفع حاجبه : وليه مايصلح ؟؟
حلا تبغه تنهي الموضوع : خلاص فيصل ماقدر احاكيك كثير يلا باي ..
سكرت منه واخذت نفس عميق ودقات قلبها ازعجتها .. حطت الجوال عالطاوله وراحت للحمام .. وقفت قدام المرايه تطالع في وجهها باستنكار ..... انا كيف حبيته كيف سمحت لنفسي افكر مثل كذا ؟؟؟ خلاص فيصل مو لي ومستحيل يكون لي .. هو لغرام وغرام له وهذا شي مو من عندي ولا من عنده كذا دستورنا ماشي وكذا اهلي ماشيـن من قبل لا أجي على هالدنيا .. مستحيل اسمح لأفكـاري تاخذني لبعيد او اني اتمادى اكثر في مشاعري تجاهه .. خلاص يافيصل اطلع من راسي اطلع من قلبي ..
جود جات من وراها ومعاها غلا : حلوو وينك ههههههههه فاتك هبلنا في غرااام ..
حلا مسحت دمعتها الي انهمرت بدون ماتحس بسررعه قبل لحد يلاحظها : هههه وش سويتو ..
غلا : هههههه والله جود ياحبني لها بردت ناري في اختي الخبله ..
جود : ههههه لسسه باقي ماشفتو شي ..
غلا : طيب اسمعو وش رايكم ننادي البنات ونطلع نوسع صدورنا شوي ..
حلا وجود : شلوون ..
غلا : نسووق ..
جود باستغراب : نسوق ..؟
غلا : ايه اكلم ابوي حبيبي وخلينا نطلع نطعس هنا قريب ..
جود : والله فللله ..
حلا : لا لا وش الغباء لا ماأبي ..
جود سحبت غلا : بكيفك وفرتي .. غلا تعالي يلا لا تضيعين الوقت ..
حلا : ههههه والله مالك صاحب الحين صرنا كخه ..
جود : هههههههه انتي الي تتغلين والله فلله خبرك ماعندي احد قاعده زي القرده بلحالي في البيت ابي افللها شوي ..
غلا : امشي معي ..
غلا طلعت برى الفله مع جود وطبعا اثنينهم بدون حجاب ولا شي عاادي مـره فري ..
جود لابسه بنطلون جينز وعليه بدي بني وفوقه جكيت بني وقبته فرو ومسشوره شعرها ولابسه ايس كاب والشال الثقيل حول رقبتها ..
وغلا تنوره جينز قصيره لفوق الركبه بشوي وعليها تي شيرت وردي وعليه جكيت جينز ولابسه بوت بكعب وشكلها طالع مرره ستـايل ..
وقفهم صوت مـرح وفيه شوية خبث : على وين رايح ياحلوو ..غلا وجود لفوا عليه بسررعه ..
جود تطالع في غلا يعني تسألها مين هذا .. وغلا هزت كتوفها ماهي عارفه ..
جود : مين انت ..؟
عمر : هههههههه شوي شوي علي ترى قلبي خفيف ..
جود : هههه ماأخف دمك ..
عمر : انتي مين بالاول ...؟؟ اممم انتي غرام اذا ماخاب ظني ..
جود : وع وععع اعوذ بالله وش جاب لجاب ..
عمر: ههههه ليه اخبرها غرام حلووه ..
جود : الله لا يعمينا بس يلا وخر عن طريقنا ..
عمر : افاا ياقمر ماتبين تعلميني من انتي ..؟
جود : انا عمتك يلا وخر بس ..
عمر يكلم غلا : هههههه انتي اممم والله مو غريبه علي غلا مادري حلا صح ..؟
غلا : ايوا غلا ..
عمر : اجل ذي القرده الي بجنبك مين هي ..؟
جود : انا قرده ياثور والله اشوفك اخذت علي بسررعه ياحبيني لكم يوم تطيحون الميانه مع خششكم ذي ..
عمر : اللهم ياكافي والله لو ماعرف اختي كان قلت انك لمياء ياشين اخلاقكم ..
جود سحبت غلا ومشيت عنه ..
عمر : بعرفك بعرفك ياحلوو ..
جود : عرفك الموت واخذك بأحضانه يارب وووع في وجهك المقرف ذا ..
عمر : اعوذ بالله منك ..
جود بعد مابعـدوا عنه : من ذا بالله ..؟
غلا : ماادري ..
جود : ياسلام احد مايعرف ولد عمه مادري ولد خاله ..
غلا: ايه احنا مانواجههم كثير ..
جود : زين المهم بتدخلين تكلمين ابوك ..؟
غلا : ايه انتظريني هنا ..
جود : اوكي ..
دخلت غلا لمجلس الرجال من ورى محل مايتجمعون الشباب .. بحكم انها تستحي تواجه زوج خالتها ماجده ..
العيال يوم شافوها استغربـوا الا محمد الي قد شافها : هلا والله هلااااا ..
غلا بخجل : هلا فيك ..
محمد : شخبارك غلا ..؟
غلا : الحمد الله تمام انت كيفك ..؟
محمد : بخير بشوفة هالوجه ..
غلا : هههه تسسلم ..
بندر باستغراب يكلم وليد : من ذي ..؟
وليد : اعتقد والله اعلم انها بنت خالتي ..
بندر: اهااا بنت عمتي مريم هذي ..
وليد : يب ..
غلا استحت من نظرات محمد الي موجهه لها بإعجاب : ممكن تناديلي ابوي ..
محمد ابتسم : وليه ماتدخلين له داخل ..
غلا : لاا بس اا .. مم ....... بس ماأحب ممكن تناديلي اياه ..
محمد : هههههه اوكي دقيقه ..
وطلع بعد دقايق : يقولك ادخلي مابه احد ..
غلا بصوت وااطي : ياربييييه لازم يحرجني ..
محمد سمعها وابتسم : وليه الاحرااج ..؟
غلا ارتبكت : هاا لا ولا شي يلا بدخل ..
بعد مادخلت ....
وليد يغمز لمحمد : اجل تعرف غلا وبنت عمتك وحركاات ..
محمد : اجل تبيني مثل الاطرش في الزفه زي حضرتك انت وهو ..
وليد : لا ياشيخ احلف انت بس هذي عرفتلها ..
طلعت غلا مبسووطه ووراها ابووها : الله لا يحرمني منك يالشيبه ((حبته على راسه )) ههههههه قصدي ياأحلى شاب بالدنييييا امووت فيك ..
وليد : الله الله ياعمي ..
ابو غرام : هههههههه يلا انت واياه هذي بنتي الغاليه دلووعتي ..
محمد باستغراب : آمــر انت بس ياعمي ..
ابو غرام يقرصها من خدودها : ابيها اشطـر وحده تسـوق بالرياض ..
بندر : تسووق ..؟؟
ابو غرام : اييه ((رمى المفتاح لبنـدر )) يلا ابيها تنبسط ..
محمد ابتسم بخبث واخذ المفتاح من بندر الي يطالع في ابو غرام باستغراب : ابشـر ياعمي ماطلبت .. (( طالع في غلا وابتسم )) يلا غلا تعالي معي ..
غلا تجري لمحمد : ياااااي ونااااسه ..
غلا راحت تجري تبشـر جود : جووود يابنت ..
جود : هااا ايش يقول ..؟
غلا تنط من الفرحه : محمد طالع معاانا روحي نادي البنات بسرررعه .............................. وطرااااااااااااااع ..
جود : وه وه بسم الله عليك ههههههههههه قومي الله يرجك مع الحماس ..
غلا عالارض ماسكه رجلها : ااااااااااااااااااااه ..<< يافرحـه ماتمـت ..
جود نزلت لمستواها : قومي قومي بسم الله عليك ..
غلا تبكي : ااااااااااااااااااي يعووووور اااه ياماما ابييييييي ماما اااااااااااااااه اهئ ..
جود : لا تصيحين يادلووعه سلامتك قومي معي ..
غلا تبكي : لا لا ماقدر يعورني ..
جود : عين الحسود فيها عود هذي عين ماصلت عالنبي حاسديننا ليش انا طالعين نطعس دقيقه بروح لحلا اجيب اثرها شكلها صاكتنا عين هههههه ..
غلا تبكي : وجع مو وقتك تستهبلييين ااااااااااااااااااااااه ماما
محمد جاه وشافهم استغرب وراح يجري لعندهم : سسسلامات وش فيه ..
جود : محمد خليك معها شوي ...... راحت تجري لداخل الفله ..
محمد نزل لعندها عالارض : وش فيك بسم الله عليك ..
غلا تبكي : اااااه يعورني مرره يألم ااااااااه ..
محمد اتوهق : خلاص لا تصيحين قومي معي ...
حاول يقومها بس هي معنده ..
عمر جاه من بعيد : تبون فزعه ههههه ..
محمد رفعها بشويش الين وقفت على رجلها والرجل الثانيه رافعتها : اااه ماقدر امشي عليها اهـــئ بابا وين بابا ..
عمر : تستااهلين يالدلووعه ربي اخذلي حقي منكم هههههههههههههههههههههه ..
غلا : ووجع في خشتك ياتافه ..
عمر يقلدها ويتريق : ووجع في خشتك ياتافه .... عقبال الرجل الثانيه يارب ....... تركهم ودخل للرجال ..
محمد : ماعليك منه امشي معي ..
جلسها على اقرب كرسي ..
وشويه رجعت جود ومعاها ام غرام ..
ام غرام تجري لبنتها : سسسلامتك يمه بسم الله عليك وش فيك حبيبتي ..
غلا ماسكه رجلها : يمه احس انها انكسسرت اااااه ..
ام غرام : اسم الله عليك .. تعالي معي لداخل ..
محمد : عمتي خليني اوديها للمستشفى ..
ام غرام بخوف : لا ماله داعي بسيطه ان شاء الله ..
طلع نواف من مجلس الرجال ويطقطق بجواله وانتبه بعمته ام غرام والبنت الي جالسه تبكي عالكرسي : هلا عمتي وش فيه سلامات ..
جود لمن انتبهت فيه ارتبكت وقعدت ساكته ..
ام غرام : حبيبتي غلا مادري وش فيها طاحت على رجلها وتألمها .. ياقلبي عليك يابنتي ..
نواف : زين محمد وخر خلني اشوفها ..
نزل للارض وفصخلها البوت بشويش وهيا تصرخ : ااااه اتركني يأأألم ..
نواف : طيب اهدي شوي ان شاء الله خير ..
تحسس مكان الالم : وين يعورك هنا ..
غلا تبكي بشهيق : كله كله ااااه اتركني لا لا لا تمسك هنا اهئ يمممه يووجع ..
نواف لاحظ الانتفاخ الي باعلى قدمها ولونه جاي على أحمر قال بسررعه : شكله كسر ياعمه خليني اوديها للمستشفى بسررعه ..
ام غرام نزلت دمعتها : لا وش كسره بسم الله على بنيتي مافيها شي ..
نواف : ان شاء الله مافيها الا العافيه بس عمتي ضروري نوديها الحين للمستشفى ..
جود : طيب وش تستنى يلا ..
نواف دوبو ينتبه فيها بس ماكان الوقت مناسب انه يتأملها او يسرح فيها زي كل مره يشوفها : اوكي بكلم عمي فواز ونطلع محمد شغل السياره بسررعه ..
جود دخلت تجري تجيب عباية غلا وام غرام ..
حلا : بسم الله وش فيك ..؟
جود : غلا الهبله طاحت على رجلها ونواف بيوديها للمستشفى ..
حلا بدهشه : مستشفىى ..؟
جود : ايه الظاهر انها انكسرت .. وراحت عنها ..
وبعــد ساعتين ...
غلا رجعت من المستشفى بس هالمـره مو لحالها معاها عكازها .. سوولها الجبيره لأن مبين انها اتحمست مره وانكسرت رجلها << عيـن قويه خخخخ ...
وطبعا انواع الصيااح .. دخلت لغرفتها ومعاها امها وابوها لازم تتدلــع شويه ..
جود طلعت مع البنات لبرى الفله وجلسـوا قدام المسبح يتكلموا ويضحكـوا الا غرام الي نافخه ريشها وجالسه بعيد عنهم ..
جود بطفش : وش هالكابه الي انتو فيها ..؟
هديل : وش تبينا نسوي يعني ..؟
جود : اممم يعني ليه ماتجلسون مع عيال عمكم تهبلون فيهم شوي تغيرون الجو البناتي هذا ..
ساره : هههههه لا والي يعافيك عيال عمي يجيبون الضيقه ..
حلا : احــم وش قصدك ..
لمياء : والله ماغير اخوك التافه بندر الي يجيب المغص والاسهال والحمـه والضنك والانفلونزا وكل بلاوي الدنيا فيه ..
ساره باستغراب : اسم الله على اخوانك الفلــه ..
لمياء : فديتهم
جوود : يؤؤ حرووب قبليه بتقووم الحين ..
لمياء : جود انتي عندك اخوان ..؟
جود : نوو انا وحيدة ماامي ..
لمياء بتريقه : يامااامي هههه الله يخليكم لبعض ..
جود : تسلمييين ...
دق جوال لمياء وردت بانزعااج : خييير
عمر : بسم الله ياشيخه.. يوم واحد بس حسسيني انك بنيه قولي ياهلا ياعيوني أمـــر عمووري ياروحي انت الغلا انت الكل في الكل ياخوي ياحبيبي يا .......
لمياء قاطعته : عن الهذره وش تبي ..
عمر >> مافيه فايده مستحيل تتغير هالدلخه << : اسمعيني انا ووليدووه نبي نجي نجلس معكم شوي ندردش ..
لمياء ببرود : احلف بالله ..
عمر بنفس برودها : ايه والله ..
لمياء : والمطلوب مني يعني اجي اشيلكم ..
عمر : لاء بس الي تبي تتغطى تتغطى اوكي ..
لمياء : اوكي اوكي ..
قفلت منه وقالت للبنات .. كل البنات اتحجبوا ماعدا جود وهديل ويارا بحكم انهم صغار وحلا وقفت بتدخل لجوه ..
جود سحبتها : وين طاسه ..؟
حلا بارتباك : ابدخل انا ماواجههم ..
جود : اقول اجلسي بس حالك من حال بنات عمك وش فيها يعني اتحجبي ..
حلا : لااا والله نواف يـ .....
جود بطفش : نواف ونواف وش فيك انتي ليه تخافين منه كذا خلاص خليه علي بس انتي انطقي ..
حلا جلست مرتبكه ..
وشويه جاه عمر ومعاه وليد لجهة البنات الي جالسين عالمسبح ومبسووطين على انغام الموسيقى الرجه ..
عمر : احــم السسسسسسسلاااااام ..
وليد استحى منهم اول مره يشوفهم وماشاء الله كثير وكل وحده زي فلقة القمر ..
البنات : وعليييكم السلام ..
جود بقرف : وععه هذا انتا ..؟
عمر : انتي باقي عايشه ..
جود ببرود : لا خديجه هاهاها ..
عمر : خخخخخخ
وليد : كيفكم ..؟
البنات : بخير .. تمـاام ..الحمد الله .. زينين << ردود متفرقه ..
وليد : عسسساه دوووم ..
عمر سحب كرسي وجلس معاهم : شلوونكم شخباركم ..؟
ساره : تماام انت كيفك ..؟
عمر : اول شي من ذي الي تتكلم ..
ساره انحرجت وسكتت ..
وليد : اقوول يابنااات .. وش رايكم نطلعكم لفه من ورى المزرعه هناك تصير علوووم ..
جود باستهبال خشنت صوتها : والله قداااااااااااااام ..
البنات ووليد وعمر: ههههههههههههههههههههههه
عمر : يالبى قلبك ياشيخه اموت واعرف منو انتي ..
لمياء بلقافه تلعب في جوالها : هذي مو من المجمووعه لا تحط عينك عليها ..
عمر : افااا يعني ماتقربلي ياحسااافه ..
لمياء : اجل متحسسف انت وخشتك الي كل يوم رازها عند قرده ..
جود : وش قصدك يعني انا قرده ..؟
لمياء بعدم اهتمام : لا حاااشاااااااك ..
وليد : ههههه خلاص ياحلووين ماصار شي هاا وش رايكم ..؟
يارا : والله يالييييييييت ..
وليد : اوكي يلا بنتظركم انا بسيارتي والاخ فاندام بسيارته اوكي ..
عمر يغمز لجود : انتي ياعسسل شوي ابيك بكلمة راس ..
جود حاطه رجل على رجل وتقشر الموزه الي في يدها : ثور يفقش راسك وش تبي ..
عمر : سبحان الله يخلق من الشبه 87 .. كربون لمياء انتي وش ذا الاخلاق (( بخبث )) وبعدين انتي مو لايق عليك ياقممر ..
جود وقفت : ياشينك يلا بروح البس عبايتي ..
وليد بصوت واطي يكلم عمر : شكلها فالتها ..
عمر يطالع فيها بخبث وهيا تتمخطر في مشيتها : انا لهاااا ..
وليد وقف : يلا بناات لا تتأخرون ..
دخلوا البنات وكلموا امهاتهم لبسوا عبايتهم وطلعوا ماعدا غرام وحنان ماطلعوا وغلا طبعا المكسره << ياا حــرااام ..
حلا تكلم محمد بالجوال : هااا حموودي وش قلت ..
محمد : مع مين قلتي ..
حلا : مع عمر والثاني مادري وش اسمه ..
محمد : اوكي بجي معكم انتظروني اوكي ..
حلا ابتسمت : اوكي ياقلبي باي ..
محمد : فديت قلبك انا بايات ..
طلعت حلا مع جود ويارا لبرى المزرعه ويطالعوا في السيارتين الأولى رنج حقت وليد .. والثانيه جيب كبير مبين انها مو لعمر لأنه ستايله مو كذا ..
جود : وين نركب ..
حلا : مادري بنتظر محمد ..
عمر يأشرلهم من بعيد وهو متكي على طرف الجيب : بنااات ..
جود : افف وش يبي ذا بعد والله ماركب معاه ثقيل الطينه ..
حلا : ههههه حرام عليييك ..
جود سكتت وهيا تشوفه جاي لناحيتهم وواصله معاه رفعت حاجبها بخبث : حلووله ناظري قدامك ..
حلا رفعت راسها : ويـ .....سكتت وعيونها مانرفعت من عليه وجهه احمر ومعقد حواجبه ويمشي بالقووه وكأن جبال مهدوده على راسه دق قلبها >> وش فيه بعد قلبي شكله تعباان يارب انك تخفف عنه يارب << ..
فيصل شافهم وماهتم اعطاهم نظره غريبه ومشى من جنبهم لجوه المزرعه ..
جود : ياكرهيني له شايف روحه مع جبهته الي كانها ملعب بسبوول ..
حلا ابتسمت ونزلت راسها بهدووء ...
جود تطالع فيها وابتسمت بحزن >> ليته يدري عنك ولا يحس شوي بلي في قلبك والله ثم والله كان مايبعد عنك دقيقه بس الي إيده بالماي مو مثل الي إيده بالنار <<
لمياء جات من وراهم : هااي بنات وش فيكم ماركبتوا ..
جود : يلا الحين بس ننتظر محمد ..
لمياء : مين محمد ؟؟
جود :ههه ولد عمك ياشاطره ..
لمياء : اهاا انزين تعالو نركب مع عمر والله وليد ياإنه يرفع الضغط كانه زبده وحاطتها بالفريزر مره غبي ..
جود : هههههههه اوكي امشي ..(( طالعت في حلا الي حالها تغير من شافت فيصل )) يلا يابنت امشي هذا هو محمد جاه ..
محمد : يلا بنات بسيارة عمر ..
ركب محمد جنب عمر ومعاهم حلا وجود ولمياء وساره ..
وهديل ويارا في سيارة وليد ..
جود : ااااه يادبه وخري عني ..
لمياء : انتي اذلفي ورى انا جايه قبلك ..
جود تدفها بقوه : يافقمه وخري ..
لمياء بعدت عنها شويه : اففف ..
محمد : اعصااابكم ..
نواف وبندر طلعوا من مجلس الرجال طفشاانين ..
نواف : بنييدر وش فيك من اليوم مو على بعضك ..؟
بندر : سسلامتك بس ضايق خلقي ..
نواف : سلااااماات يبو وش فيك ..؟
بندر : لا مافيني شي انت قولي وش مسوي في دراستك ..؟
نواف : خلاص قبلووني هناك وبعد شهر ان شاء الله مساافر ..
بندر ابتسم : الله يوفقك بنفقدك يارخمه ..
نواف : افاا انا رخمه ..
بندر :هههه ولا يهمك ياسطل بس المهم شد حيلك والله هالله بالشهاده الي ترفع الراس يادكتور نواف ..
نواف ابتسم بحزن : الله يسمع منك ..
بندر : وش فيك لو غيرك كان الفرحه مو سايعته ..
نواف جلس على وحده من الكراسي : تصدق ... بفقد امي وحلا الخبله والله مادري كيف بعيش من دوونهم ..
بندر يتنهد : كلنا تغربنا وهذانا الحمد الله شوفة عينك ..
نواف : بس انا غير يابندر .. انا جد متعلق في أختي ..
بندر ابتسم : نواف لا تنسى اني مثلك واختي وحيدتي ومالي غيرها بس الظروف تجبر الإنسان يسوي الي مايرضيه .. روح وشد حيلك لا يردك شي عن دراستك ومستقبلك ..
نواف : الله يعين ..
جاهم فيصل وهموم الدنيا على راسه : سسسلاام ..
بندر ونواف : وعلييكم السلام ..
نواف : هلا ابو الفصل اقلط ..
فيصل جلس عالعشب في الارض وولع سيجارته قال بضيقه : تدروون ..
بندر : وش فيك ياخي شكلك مو مضبووط ..
فيصل : اسهم ابوي طاايحه طيحه بنت *** ..
بندر بدهشه : كيييف ..؟؟
فيصل : زي ماسمعت والله لو اقوله لا تجيه سكته والله ان نص حلالنا راح فيذا ..
نواف : تعوذ من ابليس ولا تتهور وتقوله الحين ..
فيصل : وش اسوي يعني ..؟
نواف : تروح الفلوس وتجي غيرها بس اهم شي صحة عمي ..
فيصل وقف : عن اذنكم شباب بطلع انام والله مالي خلق شي ولا ابي افكر بشي الحين ..
بندر ونواف : الله معك ..
جات تجري وهيا لابسه عبايتها وراميه الطرحه على كتفها ولا اهتمت تغطي شعرها ماله داعي على قولتها ..
شافها نواف واستغرب ايش مجيبها هنا ..
جود وقفت مكانها لمن شافتهم ارتبكت من نظرات نواف الي تعاتبها بس على ايش ماتدري ؟؟!!؟ ..
بندر مو مهتم كل تفكيره بلمياء وبسبب حقدها الكبير له وكيف بيقدر يكمل حياته مع انسانه مو طايقته ..
جود قربت من عندهم وهيا تفرك يدينيها من البرد : هاااي ..
بندر طالع فيها باستغراب : هلااا ..
نواف ماقال شي نزل راسه ويلعب في جواله ..
جود انقهرت ودمها ثاار من اليوم مطنشها ..
طنشته هيا كمان وصارت تدور على شي جنب الكراسي الي جالسين عليها وفوق الطاوله مالقت شي ..
نواف : تدورين شي ..؟
جود اتنرفزت من بروده وقالت بنبره مبين فيها القهر : ايييه جوالي نسيته هنا ..
نواف ابتسم : اظن عمتي شالته معاها مو هو الي لونه بينك ..
جود : ايوا ..
نواف : ايه شالته على ماأظن ..
جود : اهاا طيب مشكور ..
ولفت بتروح ..
نواف وقف : جوود ..
جود لفت عليه باستغراب : هلا ..
نواف سحبها من يدها واخذها لمكان بعيد ورى مجلس الرجال مافيه احد ..
جود مستغربه منه : وش فيك ..؟
نواف وقف قبالها بالضبط مابينهم الا شبر وشويه : جوود اسمعيني ..
جود حست بحراره في جسمها من انفاسه القريبه منها : ............
نواف : ادري اني ثقيل عليك بس ابي اسألك وجاوبيني بصرااحه وصدقيني مابزعل منك ..
جود بارتباك نزلت راسها : قول ..
نواف رفع راسها بيدينه : طالعي فيني ..
جود طالعت في عيونه بخجل : ............
نواف : انتي تعزيني ...؟؟؟
جود : .................
نواف قرب زياده لعندها : جود قوليلي تعزيني ولا لاء انا غالي على قلبك ..؟؟؟
جود بهمس : اكيـد ..
نواف : ووش الي يثبت ..؟
جود طالعت فيه باستغراب : كيف يعني ..؟
نواف اخذ نفس ورجع على ورى لمن حس بارتجافها : اذا تعزيني جد مابي اشوفك كذا مره ثانيه ..
جود : كذا كيف ..؟
نواف ابتسم : يعني حاولي تغطين شعرك واذا تقدرين اتغطي كلك ..
جود بصدمه : كيييف ..؟
نواف : قلت شي غريب ..؟
جود : لاء بس اا .... ماني متعوده ومارتاح لا تغطيت ..
نواف رجع شعرها الناعم الي مسشورته بطريقه حلوه ورى اذنها وابتسم : عشاني طيب ..
جود دقات قلبها ماسكه خط وتنفسها صار سريع .. مره قريب منها : ................
نواف ابتسم : وش قلتي ..
جود بارتباك : نواف تأخرت ابي اروح ..
نواف : وين رايحه ؟
جود : طالعه مع البناات ..
نواف : اهااا (( ابتسم ومسك يدها بقووه )) انتبهي لنفسك وبليز عشاني مابي احد يشوفك اوكي ..
ترك يدها وابتسم بهدوء ورجع لبندر ..
جود >> ياويلي ياويلي اااه ياماما الحقيني بمووت << .. انبسطت وحست انها بتطير من الفرحه نواف يغار عليها بس استغربت من جرائته صاير مره فري معاها .. ماهي عارفه تندم عشانها اعطته وجه ولا تترك لمشاعره ومشاعرها يختلطوا ويكونوا قصة حب رااائعه بالنسبه لها ..
مشى نواف وقلبه وعقله معاها ماهو عارف كيف قدرت هالبنت بعفويتها وضحكتها وكلامها تملك كل ذره في كيانه في يوم وليله >> الله لا يحرمني منك ياعمري << ..
جود راحت اخذت جوالها من ام غرام وركبت السياره ..
لمياء : بدري ..
جود ابتسمت وماردت ..
لمياء >> غريبه وش عندها فاقه ذا الخشه وتضحك << ..
عمر حرك السياره : هيييه بناات اسمعـوا .. يقولون هنا يعني بعد مسافه فيه بيت الي شفتوه وانتم جاين عالمزرعه .. المهم يقولون انه مسكوون ومادري وش تصير فيه بلاوي وش رايكم نروح نوقف عنده نسوي اكشن شويه ..
لمياء : انت خلقه راكبك جني وش تبي بالبيت المسكوون ..
حلا خافت : لا لا بسم الله مانبي ..
جود : الا والله فللله ..
ساره : لا لا وش فلته مانبي عمر بلا جنان ..
عمر ابتسم بخبث : يالبيه صوتها من هذي الي تتكلم ..
ساره >> افف ماأثقل طينتك << ..
جود : انت مع بنات عمك تتكلم كذا شلون مع بنات الناس والله عيب عليك مع خشتك القبيحه ذي الي رازها بكل مكان ..
عمر : عادي اموون ياقممر وبعدين وش حارق دمك ..
جود تأففت : طيب شغلنا شي نسمعه بدال صوتك المقرف كأنه نهيق ..
عمر : اقوول تراني عطيتك وجه ..
جود : مشكوور يقالك الحين عندك وجه وانت وجهك ومقفاك واحد ..
لمياء : احــم صح انه اخوي ماينبلع وثقيل دم وحركاته سامجه بس ماأسمحلك ياقلبي ..
عمر باستهزااء : لا كثر خيرك احرجتيني صراحه انتي لو فيك خير كان تدافعين عني تضبطيني قدامهم ..
لمياء : هذا جزاتي هين اجل .. جود والله حلال فيه هذا تدرين يوم اشوفه بالبيت قدام التلفزيون وفاق هالخشه ويضحك ادقق بوجهه ماأعرف هذي صدق خشته ولا كفر مبنشر ههههههه ..
جود : هههههههههههههههه صدق ..
محمد : ههههههههههه عمـر والله انك رخمه ..
عمر : اقوول والله لو ماتسكتين انتي وهي لا اقطكم من الدريشه ..
لمياء : يامااااامي جوود بالله اسكتي ترى اخوي مرره حمش ..
الكل ماعدا عمر : هههههههههههههههههههه
عمر ابتسم بخبث : هيـــن ..
وقف عند اخــر الشارع في المنطقه المهجوره الي مافيها ولا سياره ولا مخلووق وضرب بوري : يلا ياحلوه انتي وهيا اذلفوو ..
جود : لا احلف ..
عمر : قلت انزلو ..
لمياء : عمر ياحبيني لك يلا امشي ..
عمر بابتسامه مايله على جنب : والله لو مانزلتوا لا اجرك انتي معها ..
لمياء : ههههه عمر تذكر يوم كنا نجي هنا وحنا بزارين بالسيكل يقالنا نطعس ..
عمر : ههه لا تضيعين الموضوع ياقلبي انزلي ..
جود ابتسمت بخبث : اوكي لموو انزلي ..
لمياء بدهشه : ننزل ؟؟
جود غمزتلها : انزلي ..
لمياء خايفه : لا وش انزل بعد ..
جود همست في اذنها : انزلي والله ماأكون جود لا ماوريته شغله ..
لمياء نزلت بتردد ..
@@@@@@@@@@@@@@@@@@@@@@@@
دخلت للغرفه المظلمه ماتشوف شي ولا تسمع شي ؟؟؟ تمشي بهدووء خايفه لا تصقع شي بطريقها ؟؟ البنت صارلها كم يوم ماطلعت من الغرفه ولا عتبت باب البيت وش فيها ؟؟ معقوله كل هالمده تقضيها كذا حتى تلفون ماكلمت احد من 3 ايام ..؟؟
نوف فتحت اللمبات قلبها نغزها تبغه تتطمن على اختها مره متغيره حتى لسانها الي كان وش طوله ماعاد يطلع ..
قربت لعندها عالسرير وشالت اللحاف عنها بهدووء : نجوود نجووود ..
نجود نايمه : همممم
نوف : نجوود قومي ..
نجود : وش تبين ؟؟
نوف : قومي ابي احكي معك ..
نجود قلبت نفسها عالجهه الثانيه بانزعااج : يووه مالي خلق اتهاوش معك طفي اللمبه واطلعي ..
نوف : ويعني مايصير نسولف لازم هوااش قومي فيه كلمتين لازم اقولهم لكي ..
نجود فتحت عيونها بكسل : وشو قولي ..
نوف : لاء قومي غسلي وجهك وتعالي ابيك بغرفة نووره وندووش ..
نجود : ياربيييي تجيبين البلى وش تبين فيني وبعدين مالي خلق اقوم من السرير قولي هنا وش عندك ..
نوف وقفت : دقيقتين واشوفك قدامي ساامعه ....طلعت وقفلت الباب ..
نجود وقفت بكسل : افففف اذا طلعت هاوشوني وهزأووني واذا جلست بالبيت ماعجبهم مادري وش اسوي بعمري انا ..
غسلت وجهها وطلعت من الحمام بكسل ولمت شعرها باهمال وراحت لغرفة اخواتها ..
نجود بدون نفس : خير وش بغيتي ..؟
نوف : تعالي اجلسي طيب ليه طايره ؟؟
نجود جلست : هاا خير ..؟
نوف بهدووء : نجوود ممكن اعرف وش فيك هالأيام ؟؟
نجود : وش فيني بعد مكتوب على جبهتي توقف امامك منعطف ..؟؟!
نوف : لا تتستهبلين اكلمك جد ..
نجود : لا مافيني شي يلا بروح ..
نوف : انتظري
نجود : وشو بعد ..
نوف : نجووده ياقلبي اذا فيك شي قولي فضفضي مهما كان انا اختك ومحد بيفهمك قدي ..
نجود بطفش : لا مشكووره ..
نوف : طيب راح تطلعين اليوم ؟؟
نجود : وانتي وش دخلك اطلع ولا لاء ؟؟
نوف : نجود انا اختك وغصب عنك تقوليلي ..
نجود : اففف لا ماني طالعه (( وقفت )) يلا تبين شي ؟؟
نوف : سلامتك ..
نجود رجعت لغرفتها ورمت نفسها عالسرير وكملت نوم وهيا تحس بإرهاق شديد اول مره تحسه .. تحس انها بذلت مجهود في الروحه والرجعه والمشوار الي ضربته لغرفة اخواتها ..
نوف : اااااااااه الله يهديها بس .. وينك يايبه بس تشوف وش حالنا من بعدك وينك ووين اراضيك ...
دق الجرس وقامت تفتح مافيه غيرها بالبيت هي ونجود .. اخواتها طالعين مع امهم لعزيمه ..
فتحت الباب لآخره اتوقعت انها حتكون امها : بدري ماكان رجعتوا تو النـ ...................... انصدمت من الي شافته واقف قدامها ..
مين هذا وايش يبغه خلاص قده شافها كلها من راسها لرجولها ردت الباب بسررعه وقالت من وراه : نعم ياخوي منو بغيت ..؟
الشاب الاسمراني الوسيم الي واقف ورى الباب ابتسم : هذا بيت ام نوره ..
نوف : ايوا مين تبي ..؟
الشاب : الأخت نوف موجوده ..
نوف دق قلبها بقووه خافت وش يبي فيها هي وش مسويه : نعم وش تبي فيها ؟؟
الشاب : ابي اكلمها شوي لو سمحتي ..
نوف خافت وتبغه تصرفه : ماهي موجوده الحين مين اقولها اذا رجعت ..
الشاب : احمد الرافع من طرف الأخ نواف ..
نوف : والزبده يعني وش تبي ..
احمد : ههههه شوي شوي علي ..
نوف : اخلص ..
احمد : لا بس بغيت اكلمها بموضوع مو مشكله امركم وقت ثاني ..
نوف : خلاص اوكي اذا رجعت بقولها يلا باي ..
احمد مسك الباب قبل تقفله : دقيقه ..
نوف : خير ..
احمد : لو سمحتي لا رجعت (( مدلها كـرت )) خلها تتصل علي او تمر على هالعنوان اوكي ..
نوف بصدمه : وانت وش تبي فيها ؟؟
احمد حك رقبته من ورى : اختي كل السالفه انها مقدمه على وظيفه على ماأظن ونبيها تمرنا وتجيب اوراقها معها ..
نوف : ومن قالك اني قدمت على وظيفه يانصااب ..
احمد باستغراب : يعني انتي نوف ..؟
نوف انحرجت : هااا لاء بس اختي ماقدمت على وظيفه ..
احمد : ياأختي في تقديم طلب وظيفه باسمها شلون يعني ؟؟ ..
نوف : اهاا خلاص اوكي ..يلا بغيت شي ..
احمد : سلامتك ..
طراااااااااخ ......
قفلت الباب ولا عبرته .. راحت للمطبخ مبسووطه >> والله انك كفوو ياجوود انا بشتغل مع هالأشكال النظيفه .. ااه ياربييي الحمد الله جاه الفرج (( تطالع في الكرت الي في يدها )) ويتميلح مع وجهه .. بس وه ياناس فدييته والله يهبببل <<
احمد ركب سيارته وحرك >> والله بنات الفقر يوسعون الصدر ههههه لسانها اطول منها بس عيونها تذبح بنت اللذينا << ..
<<< خخخ امداك تقزها ..
نوف تطالع في ثوبها الابيض المبهدل رغم نظافته وريحته الحلوه الا انه يدل على الحاله الماديه الصعبه الي يعانوا منها : والله فشله شافني بهالمنظر وانا اترزز بوجهي قدام كل من هب ودب الحين وش يقول عني .. نوفووه ووجع وش تفكرين فيه يعني لو ملابسك سنعه كان عادي يشوفك والله منتي بصاحيه .. اهئ وش اسوي ابي اطلع من هالبيت وافتك من هالعيشه المقرفه ..والله اخاف انه يهون عن الوظيفه << تكـلم نفسها مشـوا حـآلكم ..
@@@@@@@@@@@@@@@@
فرح : لا احلفي والله مافيه بروح يعني برووح ..
فجر : وجامعتك ؟؟
فرح : طزز ايش يعني جامعتي ..
فجر : فرح ياروحي مايصير ..
فرح تأففت : شوفي بروح يعني برووح ....... طلعت وقفلت الباب بقووه ..
دخلت لغرفتها ورمت نفسها عالسرير ودخلت في نوبة من البكاء الهستيري ..
دق جوالها بنغمه عاليه ومزعجه حاطتها للأرقام الغريبه .. طنشت مالها خلق احد .. دق مره ومرتين وثلاثه .. والرابعه اخيرا قررت ترد ..
ردت وهي تشهق من البكاء : نعـ..ـم مين ؟؟
................ : ..............
فرح تبكي : لحد يدق خلاص يكفييييي مابغه اسمع صوت احد ........... وسكرت الخط ..
ومن الجهـه التانيه .. رامي منصدم ؟؟؟؟؟؟!!!!! فرح تبكــي هذي الي تمثل القوه وعدم الاهتمام ...؟ فرح المتكبــره الي شمووخها ماتوصله الجبــال ؟؟ فرح الي ماتخاف من احد .. الي تحدته وبكل ثقه وتكبـر ... تبكي ؟؟ ايش صاير في الدنيا ..
>> اكيد صايرلها شي مو معقوله حتبكي كدا .. ياربييي اشبها .. اموت واعرف ايش الي ممكن يبكي وحده زي دي .. << ..
@@@@@@@@@@@@@@@@@@@@@
سامي طالع من الغرفه مرووق عالآخـر ويغني بصوت عالي : وبحبك وحشتيييييني بحبك وانتي نور عيني دا وانتي مطلعه عيني بحبك مووووت ااااه بحبك موووت هممممم ترررم ..
مها بلهجه مصريه : اش اش ايه الحركات دي ياعم ..
سامي جلس جنبها عالكنبه : هههههه ياشيخه كدا الروقاان ولا بلاش ..
مها : ههه دووم ان شاء الله بس ليه مازا حدس (( ماذا حدث )) خخخخخ ..
سامي يتنهد : ولا شي بس كدا امي داعيتلي اليووم ..
مها بعدم تصديق : اهااا ماشاء الله ..
طنشته وقعدت تقلب في البوم الصور الي في يدها وتغني ..
طاحت صوره من الالبوم كانت محطوطه بإهمال بين الصفحات ..
سامي شالها من الارض وجاه بيعطيها هيا .. بس وقف لثواني نظراته اتركزت على مكان معين .. على عيونها .. سبحــآإن من خلقها آيه في الجماال .. ابتسم بضيقه : هذي فرح ..؟
مها تسحب الصوره قالت بطفش : ايوا الي ماتتسمى ..
سامي قوى قبضته على الصوره : ابغاها ..
مها : اييييش ؟؟
سامي : قلت ابغاها ايش بتكلم افغاني انا ..
مها بتفاجأ : ايش تبغه في صورة فرح بالله ..
سامي : مو شغلك..
مها : انا كنت عمال اطلع الصور بقطعها ولا احرقها ولا اسوي فيها اي شي ..
سامي مو معاها غمض عيونه ورجع المنــظر يتكـرر في ذاكرته ..
///////////
فرح بتردد : سـ..ـامي ..
سامي لمن سمع صوتها وجهه حمر وقلب مية لون لف عليها وقال باستحقار : مين سمحلك تدخلي..
فرح نزلت دموعها: ساامي والي يعافيك خلاص صفي النيه بليز ياسامي اتنازل والله مستعده اسويلك أي شي بندفع الي قدامنا والي ورانا بس رجعولنا فااايز ..
سامي : ههههههه روح اخويا ماتنشرى بفلوس الدنيا ..
فرح : سااااامي هادا ولد عمك من لحمك ودمك ماتفتكر ايام الطفوله عشتوا سوى اكلتوا سوى لعبتوا سوى درستوا واتخرجتوا سوى كيف تهون عليك العشرررررره كيف؟؟
سامي وقف وطالع في عيونها بحقد : اقول اقضبي الباب ولا عاد اشوف وجهك لا انتي ولا اخوانك البيت هذا حرام عليكم تدخلووه هذا بيت ناس اشراف مو ..(( قال باستهزاء )) مو مجرمين وسفاحين ..
فرح صرخت باعلى صوتها : فااايز مو مجرم .. يعني تحاول تقنع نفسك بشي مستحيل أي واحد يعرف فايز يقتنع فيه انتا متاكد وعارف انو قلب فايز اطهر قلب انخلق على هالارض ومتاكد كمان انو لمن صار الي صار فايز ماكان بعقله ..
سامي : طبعا كان سكراان يطفح في السم الهاري من التربيه الشريفه يابنت عمي ..
فرح قربت من سامي ومسكت قبة ثوبه وصارت تهز فيه بقوه : لا تقول كدا ياسامي اخويا متربي واحسن تربيه كيف تقول على ولد عمك واخوك كدا كيف يطاوعك قلبك تشوف ولد عمك ينذبح وانتا تضحك حرام عليك ياسامي ارحمني والله من بعده اموووت والله من بعده الدنيا مافيها الوان مالها طعم انا حياتي في اخويا فايز الله يخليك ياسامي لا تذبحه لا تذبحه (( سابت ثوبه وصرخت بقوه )) افهمنننننننننننننننني ماقدر اعيش بدون فااااااااايز ..
مسكت راسها بين يدينها وصارت تبكي بحرقه : الي تبغوه بنسويلكم هوا لو تبغوا حياتي خذووها بس خلوا فايز اذبحووني انا خذوا ثاركم مني بس فايز لا تمسوووه ..
سامي بكل قسوه : اسمعي يابنت الناس فايز بتودعيه بعد بكرا مافيه شي اسمو فايز بعد اليوم خلاص انسي انو امك بيوم جابت انسان مادري حيوان اسمه فاااايز ماهميتيني تموتي تنحرقي اهم شي ارد لاخويا حقو..
................:فرح ايش تسوي هنا .؟؟؟
فرح لمن سمعت هالصوت لفت عليه بسرعه وراحت تجري لعنده وتحضنه وتبوس راسه : عمييييييي ياعزوتي وياسندي ياكل هلي عمي الله يخليك خلاااص ارحمنا حرااام عليكم من بعد ابويا الله يرحمو مالنا ظهر غير فايز ترضى على اولاد اخوك يتمرمطوا والدنيا تلعب فيهم ترضى علينا ياعمي ترضىىىىىىى ..
ابو سالم نزل راسه بحزن وقال بغصه : اسف يابنتي ااااااااسف ..
فرح : اسف على ايش ياعمي لا تتاسف كل شي بيدك دحين تقدر بكلمه منك ومن (( طالعت في سامي بترجي )) ومن سامي ترجعوولنا حياتنا الي بتضيع انا ماليا في هالدنيا غير فايز هوا اغلى غلااااااااي الله يوفقك ياعمي ارحمناااااااا ربي يرحمك ..
سامي بجديه وبنبرة غضب : هالبيت حرام عليكي تدخليه مره ثانيه اطلعي خلاص يكفي الي صار لا تزيدي النار حطب ..
فرح تصرخ بصوت يقطع القلب: أي نار واي حطب هادا احنا اولاد عمك اخوانك من لحمك ودمك تسوي فينا كدا الغريب ايش تسوي فيه (( نزلت لرجل عمها تبوسها وتبكي )) عمي الله يخليك ياعمي انا في عرضك بس لا تذبحوا فايز ابوس رجوولك ياعمي اسوي الي تبغااه بس فاايز لا يصير فيه شي ..
ابو سالم رفعها من عند رجله ويتحاشى يطالع في عيونها : ارجعي لبيتك يافرح امك محتاجتلك دحين ..
سامي : ههههههه هذا مستواكم ياعيال أميره رجولنا تبوسوها واحنا ندعس عليكم ..
ابو سالم انصدم من كلام ابنه صرخ فيه : سااااااااااااامي احترم نفسك مهما كان هذا اخوي وهذولا عياله
/////////////
كيف جاله قلب يسوي فيها كدا وهيا الانسانه الرقيقه الحساسه مهما كابرت واتكبرت .. مشاعرها توضح من عيوونها ..
سامي >> افف وبعدين يعني لمتى بظل احس بالذنب لأني سويت الي سويته .. بس هذا حق اخويا واخذتو ليه ضميري يأنبني لييييييه وكل احلامي قلبت كوابيس من بعد داك اليوم يارب استــر بس << ..
مها : سمووووووووي فين رحت ؟؟
سامي طالع فيها ببرود : معاكي فين رحت يعني ..
مها تغمزله : معااايا .. (( قالت بحمااس )) قلي اشبك ليك يومين كدا بس مســرح وتفكـر .. ايش حبيت ؟؟
سامي : هههههههههه حبيت ؟؟
مها : ايوا ليه تضحك ؟؟
سامي ابتسم : وتظني انو باقي انسانه في الدنيا تستاهل اني احبها ..
مها باستغراب : ايوا فييه كتييير ليش لاء ؟؟
سامي : ههه ماأظن ..
مها : امم طيب ايش رايك ادورلك على وحده ..
سامي : وحدة ايش يابت استحي .. يعني بروح امسكلي وحده من الشارع واقلها لو سمحتي ممكن احبك وتحبيني .. ايش العبط الي انتي فيه ..
مها : هههههههههه لا مو قصدي كدا يعني امممم ليه ماتتزوج ..
سامي : اعوذ بالله ياشيخه الله يكافينا شر الزواج ..
مها : وليه ان شاء الله ..؟
سامي : احــم اول شي باقي لسه بستمتع في شبابي وثاني شي مو ناقصني نكــد ودلع حريم كافيني انتو ..
مها : هههههههه حرام عليك والله اننا عسسل على قلبك ..
سامي : طيب ياثقه ..
مها تطالع الساعه : وي الساعه بتصير 9 يلا باي بروح انام بكـرا ورايا اختبار وقرف ..
سامي : هههههه لا اوصيكي جيبي العيد هااا ..
مها : ههههههههههه ....
@@@@@@@@@@@@@@@@@@@
لمياء : ياماما خاايفه الله يقلعك ياجود انتي وافكارك وين حنا فيه ؟؟؟؟؟؟
جود : اصبري وش فيك خايفه ..
لمياء : شوفيه مابه احد وعمر الكلب ماصدق على الله ومشى ياربييييه بمووت ..
جود تضحك ومن داخل ترتجف من الخوف : ههههههههه والله ماطلعتي كفوو ..
لمياء : بلا كفو بلا زفت بسررعه كلمي أي احد بسرررعه بطني يعورني ااه مغصتني من الخووف ..
جود ابتسمت بخبث :هاتي جوالك ..
لمياء اعطتها الجوال : بسررعه ..
جود >> هيــن عمووري والله لا اخلي ابوك يلعن الساعه الي جابك فيها << : الوو ..
لمياء :على مين دقيتي ..؟
جود تأشرلها تسكت : هلا عمي ..
ابو فيصل : لمياء ؟؟
جود : لا ياعمي مو لمياء انا صديقتها جود ..
ابو فيصل : وش فيه وش صاير وينها لمياء ..؟
جود تمثل انها تبكي : عمي احنا طلعنا مع عمـر بيمشينا شوي بس ............... (( تبكي بكذب ))
ابو فيصل : وش فيك يابنتي وينكم ؟؟
جود : ياعمي كنا نمزح معه وقطنا بالشارع ومشى وتركنا انا ولمياء ومافيه احد .. ياعمي ولدك ذا مايستحي مايخاف على اخته والله ماصدق قطنا وشخط بسيارته (( تبكي )) عمي تكفى خلي احد يجينا والله بموووت من الرعب ..
ابو فيصل >> حسبي الله عليك ياعمر جد ماعندك نخوه << : انزين وينكم ..؟
جود تطالع يمين ويسار : مادري فيه لوحه صفراء مكتوب عليها .,.......
ابو فيصل قاطعها بعصبيه : خلاص زين زين عرفت المكان يلا هذاني جاي ..
قفلت منه وسطحت ضحك : ههههههههههههههه
لمياء ترتجف : وش يقوول ..؟
جود : ههههه الحين بيجي ياخذنا ..
لمياء تاخذ نفس : اشوىى يارب يجي بسرررعه مررره خاايفه الله ياخذك ياعمر والله انه حيووان ..
جود : خلاص لا تصيرين بزر افقعي عينه الحين .. ولا كأنك خايفه ولا شي ..
وفجأه لمياء تصرخ وتجري وتلصق بجوود : اااااااااااااااااااااااااااااااااااااااااااااااااا اااااااااااااااااااااااااااه ياماااااااااااااااما وجع وخري وخري ماااما اااااااااااااااااااااااااااااه ..
جود انفجعت: بسم الله وش فيك ..
لمياء تبكي : جود وخريها عني اااااه ..
جود خافت : مين هي ..؟
لمياء تمسك يد جود بقووه الين آلمتها يدها : قطووه قطوووه سوده اعوذ بالله من الشيطان الرجيم اكيد ملبووسه بسم الله بسم الله .,
جود ضربتها على ظهرها : الله ياخذك على بالي شفتي شبح (( اخذت نفس عميق )) الحمد الله ..
لمياء : الحمد الله راحت والله تخووف ..
جود : يااااي .... شوفي شوفي هذا هو عمي جاه ..
لمياء تجري لسيارة ابوها وهيا تبكي فتحت الباب بسررعه وركبت وجود بعدها ..
لمياء تبكي : يبه شفت وش سوى الحقير ..
ابو فيصل بقلق : صارلكم شي يابنتي احد تعرضلكم ..؟
لمياء : لا لا يبه بس والله كان راح يغمى علي ..
جود : الحمد الله ياعمي جات على كذا (( تكذب )) والله ان فيه سياره مليانه شباب مرت من قدامنا بس الحمد الله ماشافونا والله كان يسوولنا شي ..
ابو فيصل حرك السياره : هييين ياعمييير ..
جود ابتسمت بخبث ..
دق جوال لمياء شافت الرقم وعصبت : يبه هذا عمر داق يتشمت ..
ابو فيصل بعصبيه : عطيني عطيني اياه قليل الحياء ..
لمياء مدتله الجوال ..
وعمر مبتسم بخبث ينتظر يسمع صوتها وهي تبكي وتترجااه يرجع ياخذهم : الوو هلا والله يالغاليه هلااا ..
ابو فيصل : انت ماتستحي على وجهك ياقليل الخاتمه كذا ترمي اختك وصديقتها بالشارع بنص الليل وش فيك انت انهبلت .. ارجع الحين للمزرعه بتفاهم معك يالبزر ..
عمر بلع ريقه >> اعووذ بالله هذا من وين طلعلي << : هاا .. لاا ااا .. يبـ..ـه انت فهمت غلط بس ..
قاطعه ابو فيصل : عن الهذره لا وصلت يصير خير ..... وسكر في وجهه ..
محمد : ههههه وش فيه وجهك اعتفس مين رد عليك ..
عمر بقهر : هذا ابوي سوتها لموو البقره ..
يارا بدهشه : ابوي ياويلك والله بيذبحك ..
عمر : ذا البزر شوي وكنت برجعلهم بس هيين انا اوريها ..
ساره : تستااهل بالله ماتخاف على اختك تقطعها كذا ..
عمر ابتسم : من انتي ..؟
ساره : انا بنت ابووي وش عندك انت ..
عمر : هههه تصدقين حسبتك من جدك ..
ساره : هيهيي لا جد دمك خفيف ..
محمد بصوت واطي : هذي بنت عمي فهد الله يرحمه ..
عمر : اهااا .. حركــه والله ..
@@@@@@@@@@@@@@@@@@@@@@@
دخلـوا البنات للمزرعه وعلى طول على الفله ماكان فيه احد الحريم جالسين ورى الفله عند المسبح ويسولفوا والفلــه فاضيه تمــاما ..
لمياء : شفتيه الله يقلعه سواااها ..
جود رمت نفسها عالكنبه واخذت الريموت : سوااها قلبي ياحبيبي وحبك ماطاعني وانا عن الحب ناهييييه ههههه
لمياء : والله انك فاضيه انا بطلع اخذ شاور يلا باي ..
طلعت لمياء وظلت جود لحالها ومااخذه راحتها عالأخر ..
حست بعطش بعد الخـوف الي حست فيه وهم لحالهم بوسط الشارع ..
دخلت للمطبخ ووقفت لثواني وهي تشوفه جالس عالطاوله وقدامه صحن وقاعد يلعب في الأكل بالشوكه وماله نفس ياكل ..
قالت بتردد : سللام ..
فيصل رفع راسه بهدوء وشافها عقد حواجبه وش الجراءه الي فيها لو غيرها كان من شافته رجعت لجوه : وعليكم ..
جود ابتسمت بارتبا ك : انت فيصل صح ..؟؟
فيصل باستغراب وبرود : ايه وانتي مين ؟؟
جود : هاا انا ... ماتعرفني ..
فيصل مارد عليها ورجع يطالع في الصحن الي قدامه ..
جود بجراءه سحبت الكرسي الي قباله عالطاوله وجلست ..
فيصل اتفاجأ منها بس مابين على وجهه الا ملامح البرود والجموود ...............
جود بتردد : فيصل ..
فيصل طالع فيها ورفع حاجبه : نعم ..
جود : لا تطالعني كذا عندي كلمتين بقولهم لك وبرووح .. ادري ان شكلي غلط وانا معك هنا بس اسمعني دقيقتين ..
فيصل ترك الشوكه من يده ووقف : مايصير اجلس معك هنا ولحالنا ..
جود : زين انتظـر ........ راحت وجابت ورقه وقلم وكتبت رقمها ....
مدتله الرقم : لا تفهمني غلط والله بس هم كلمتين بقولك اياهم وخلاص ..
فيصل ماأخذ الرقم وحاط اياديه في جيبه : دام انهم كلمتين قوليهم هنا بسررعه ..
جود انحرجت وكرمشت الورقه الي بيدها بقووه وقالت بتردد : انت تحب غـ..ـرام ..؟
فيصل انصدم : وشو ..؟
جود : اظن انك سمعتني ويريت تقولي الصدق والله محد راح يدري بلي صار بس انت جاوبني ..
فيصل : وانتي وش عندك تسألين مين انتي اصلا عشان تتجرأين وتسالين مثل هالسؤال ..
جود : لو سمحت كلمني زي مااكلمك انا ابي اعرف شي واحد بس ..
فيصل اخذ نفس : وشو ..؟
جود طالعت في عيونه بعمق : اذا فيه انسان يحبك ويعزك ويمكن يغليك اكثر من اخوانه وهله ومستعد يبيع دنيته كلها لجل تكون معاه وتحس فيه .. وانسان ثاني مايدري عنك ولا عن اراضيك ولا هميته رحت ولا جيت ولا يكن لك أي نوع من انواع المشاعر .. مين بتختار ..(( قالت بانفعال )) تخيل انك تكمل حياتك مع انسانه ماتحبك ولا فكرت بيوم تحبك واظن انت بعد منت ميت بهواها ليه ماتتحرك قبل يصير أي شي وتحاول تفهم وتحس تحاول تسمع الصوت الي يناديك صوت انسانه تحبك وتمووت فيك صوت يعشقك ويهوااك ومافكـر بيوم يخونك حتى بتفكيره رغم انك منت داري عنه ولا حاس فيه .....؟؟؟؟!؟!؟!؟
فيصل سكت منصدم من كلامها هذي وش تقوول : انتي وش تقوولين ..؟
جود بهدوء : شوف انا ماني جايه اسوي مشاكل ولا احاول اني ابعدك عن الانسانه الي اخترتها بس انا اتمنى من قلبي انك تفكـر اكثر ولا يكون الزواج والطريق الي بتختاره مجرد وسيله عشان ترضى فيها اهلك .. خلي في بالك طول منت بعيد فيه انسانه تمووت بغيابك في اليوم الف مره وانت مو حاس فيها ..
فيصل فتح فمه مو فاهم شي ..............
جود ضحكت في نفسها على شكله : لا تظن اني اقصد نفسي مثلا لا انت اخوو وعزيز واصلا مافيه أي صلة قرابه بيني وبينك بس الي تحبك انسانه غاليه على قلبي كثير ومستحيل اسمحلك تدمرها بصدك وجفاك حس ياخي افهـــم ..
تركته وطلعت بسرعه قبل لا يقول أي شي ..
فيصل جلس عالكرسي مصدووم .. مين الي تحبه قد كذا والبنت هذي وش تقصد بكلامها ...؟؟؟؟؟؟؟؟؟؟؟؟؟؟؟؟؟؟؟
كان في حالة تشتت وضيااع فظيعه .. حس بتأنيب الضمير من قبل لا يفهم أي شي .. بس مستحيل يخليها تروح كذا .. لقى الورقه الي فيها الرقم معفطه وطايحه على الارض اخذها بسرعه وحطها في جيبه .. لازم يتفااهم معاها ويعرف كل شي منها ..
رجعت للصاله وقلبها يقول طربنق طربنق .. كيف جاتها الجرأه انها تكلمه وتقوله هالكلاااام .. مسكت قلبها الي بيطلع من مكااانه وتتكلم بصوت واطي بس مسمووع : ياارب يحس فيها ياااارب ..
نواف عقد حواجبه : جوود وش تسوين هنا ؟؟
جود مانتبهت فيه ولا سمعته تفكيرها كله في الي سوته واذا هو صح ولا لاء .. كيف خربت بينه وبين غرام حتى لو غرام ثقيلة دم ومغروره وماتنطاق بس مو من حقها تتدخل في حياتهم ... بس كيف هذي حلا مستحيل تشوفها تتعذب وهي ساكته ..
نواف استغرب وجاه لعندها ومسك يدها الي حاطتها على قلبها وتنفسها سريع .. ابتسم : سلامة هالقلب الي يطربق من دااخل ..
جود دوبها تنتبه نطت في مكانها : بسم الله ..
نواف استغرب : بسم الله عليك وش فيك ..
جود بعدت عنه وراحت تجلس عالكنبه : هااا لا ولا شي ..
نواف بتردد : جود وش فيك ؟
جود تحاول ترتب تنفسها المخربط داخل صدرها : نـ..ـوااف ..
نواف يطالع يمين ويسار يـتأكد انه مافيه احد .. راح جلس جنبها : عيوونه ..
جود تطالع فيه بتردد : لا خلاص ..
نواف : لا ياقمر قولي وش فيك ..
جود : لا والله مافيني شي ..
نواف : اجل ليه وجهك كذا اصفر ومقلووب ..
جود : هههههههه لا والله مافيني شي ..
نواف وقف : اوكي جود البسي طرحتك وتعالي برى بقولك شي مايصير احد يشوفنا لحالنا هنا ..
جود : برى وين ..؟
نواف ابتسم : برى وخلاص (( غمزلها )) انتظرك ..
جود ابتسمت : اوكي ..
طلع من الباب الزجاجي الكبير ..
وجود راحت لقدام المرايه غمقت الكحل الي بعيونها ورفعت شعرها ولفت طرحتها على راسها وشعرها طالع من قداام .. وشكلها طاالع مرره حلوو وراايق ..
طلعت لبرى بتردد .. نواف ايش يبغه فيها ..؟؟
شافته واقف عند الشجره الي جنب المراجيح ويطالع في ساعته .. ابتسمت وراحت لعنده : احــم ..
نواف انتبهلها وابتسم : يسلملي الإحــم انا ..
جود : ههههه هاا نووفا شوو بدك ..
نواف : عيدي ماسمعت ..
جود : هههه شو بدك يازلمه ..
نواف : هههههههههه لاء دلعيني ثاني ..
جود : لا احلف انت ووجهك يلا وش تبي ..
نواف : هههههههههههه
جود : وش فيك تضحك من اليوم ((اشرت على وجهها )) تشوف شي يضحك ..
نواف ابتسم : ههههه لا ..
جود : ياربييييييييييييييه نواف وشووو ..
نواف : ياويل نوااف ياشيخه ..
جود : اووف ..
نواف : وش فيك مستعجله (( قرب من عندها شويه )) طفشتي مني ..
جود : ايه يلا اخلص وش تبي ..
نواف : افاااا بس ..
جود : نوووفااا يلاااا ..
نواف ابتسم : اوكي .. انا بس كنت بقولك اني كلمت المستشفى ومع الواسطات لقيت لنوف شغل .. وارسلت صديقي لبيتهم عشان يعطيها العنوان وبكرا لازم تمرهم وتقدم اوراقها وهم بيتفاهمون معها ..
جود بفرحه : جد ؟؟؟
نواف ابتسم : ايه جد ..
جود : تسسسلم والله مشكووووووووووور ماتقصر ..
نواف : لا افاا لا شكر على واجب .. وبعدين جد وينها نوف مالها حس ولا خبر وحشتنا العبيطه ..
جود : ايه والله الخاايسه زماان عنها فديتها انا ..
نواف ابتسم : اوكي سلميلي عليها ..
جود : الله يسسلمك ..
نواف >> ماتحس ذي من اليوم ابيها تغاار الله لنا ياجود نصبر وش ورانا غيرك << .........
جود : يلا بغيت شي ..؟
نواف : خليك وين رايحه .. وراك شي ؟؟
جود قالت بنبرة صوت خشنه .. تقلده : لا بس مايصير احد يشوفنا لحالنا هنا ..
نواف : ههههههههههههههه يالبى قلبك ..
جود : يلا باي ..
نواف : باي ..
جود مشيت عنه وراحت تجلس مع الحريم شوي تتنتظر حلا ترجع عشان تسلم عليها وترجع للبيت الوقت تأخر ..
وبعد 10 دقايق رجعوا البنات ..
حلا : جوود ههههههههههه وش سويتو ؟؟
جود : ههههه والله ياويله من عمي ..
حلا : ههههه يستاهل ..
جود : تعالي نطل على غلا مسكينه سحبنا عليها والله تلقينها تحترق فووق ..
حلا : ههه امشي خلينا نقهرها شوي ..
جود باستهبال : قدااام هههه ..
@@@@@@@@@@@@@@@@@@@@
وفي مكــآن ثاني ..
مشعــل ماسك دموعه بالقووه : خلاص ياملااك ارحميني والله انا تعباان والي فيني كافيني ..
ملاك تبكي : مشعل امي راحت وابوي بيرووح انا مين بقاالي والله احس اني بمووت ..
مشعل : بسم الله عليك ملااك لا تقولي كدا انا دحين مالي غيرك عااارفه دا الكلام ولا لاء يعني لو يصير فيكي شي انا حمووت خلاص اهدي وادعيلها بالرحمه مابينفعها شي دحين غير دعوااتنا ..
ملا ك تشهق : الله يرحمها ويغفرلها ويسكن روحها الجنه ويصبرنا على فرقااها ..
مشعل يتنهد : امييين ..
ملاك : خالتي متى بتجي ؟
مشعل : دحين طالعلها المطاار ..
ملاك تبكي : بسررعه يامشعل محتااجتلها مالنا غيرها دحين ..
مشعل : اوكي وانتبهي لنفسك ولمي واصحك تقوليلها شي فااهمه وحاولي ماتبكي قدامها ..
ملاك بغصه : بحـ..ـاول ..
مشعل : يلا مع السسلامه ..
ملاك : الله معاك ..
@@@@@@@@@@@@@@@
جود : اوكي اسبقيني على فوق بروح الحمام وجايتك ..
حلا : اوكي ..
طلعت حلا لفووق وجود دخلت للحمام .. راحت رتبت شكلها بعد مافكت الطرحه .. وطلعت ..
طلعت لفووق وهي تمشي تسمع واحد يكلم بالتلفوون .. الصوت مو غريب عليها ... صوت نوواااف ..
جود في نفسها >> خخخ صارووخ متى امداك تطلع تف تف خمسه وخميسه << ..
قربت لعند باب الغرفه الي كان مردوود وشافته ابتسمت وجات بتكمل طريقها بس وقفهـــــــــــــــــــــــــــــــا كلاااامه ..
نواف : خلاص ياقلبي الحين جاي .... لا لا وشوله حياتي والله جايك الحين .......... وانا اقدر اصبر عنك دقيقه .... اروح وطي عندك انا هههههههه .... فديتك ياعمري يلا مابي اطول عليك الحين نازل ....... الله لا يحرمني منك ويخليك لي ياقلبي ...... يلا سموويه حبيبتي هههههههههههههههههههه ايه والله مادري وش فيني اليوم ....... خلاص خلاص يلا جاايك والله جاااي ..... زين وبجيبه معي لا تشيلين هم .......عاد من قدك اليوم نوااف يدلعك.... ههههه اوكي والله طيرااااان ..... يلا باي ...
جود واقفه برى وفاتحه عيونها على اخر حد .. منصدمه هذا نوااف ولا يتهيألها ... كيف يصير كذا ؟؟ نواف كذااب ؟؟ نواف يضحك عليها ؟؟ يحسبها لعبه يتسلى فيها وهو يعرف غيرها ؟؟ صح هي ماحبته بالمعنى الصحيح .. بس مو من حقه يسوي فيها كدا .. اخر انسان كانت تتوقع منه يخونها ويطعنها هو نوااااااف ............. لحظات صعبه ودموع متحجره وقلب يكابر ... افكاارها متلخبطه وتنفسها سريييع دقات قلبها ماسكــه خط ... رجولها معد تشيلها ...........................كل شي حلوو طلع كذب .. كل لحظه حلوه كانت نفااق .. كل نظـره كانت مغشوشه فيها ..... كله كذب × كذب ................ نزلت دمعه وحيده حارقه على خدها .. وركضت بسررعه لتحت ..
ونواف طلع من الغرفــه كاشخ بثوبه الاسود وغترته البيضاء وشكله مرره رزه ابتسم من قلب : ههههه الله لا يحرمني منك ياسمسوومه ..
ايش راح يصير مع نوف والوظيفه ؟؟ وأحمــد هل بيكون له دور في حياتها ؟؟
فيــصل .. والكلام الغريب الي سمعه من جــود .. هل بيحاول يفهم الموضوع ويكتشف مين هي صاحبة هالقلب الي حبه وهو مو داري عنها ؟؟ ولا بيطنــش كعـآدته ؟؟
ونـوااف .. ليش كذب على جود ومين هذي الي كان يكلمها وايش علاقته فيها ؟؟ وجود ايش بيكوون موقفها .. يمكن فهمت الموضووع غلط ؟؟؟
ومشـعل ومـلآك ومي .. ايش بيكون مصيرهم بعد ماتركتهم امهم .. وابوهم مابين الحياة والموت ..؟؟؟
توقعاااتكــم وآرائكــم
ســـــــــي يو بالباارت الجاااي
05-15-2008, 02:29 AM
رد: روايه بنات اون لاين--- روايه سعوديه روووووعه
