دع الخبز للخبااااااااااااااااااااااااااز

اليوم ابغى اقول لكم اول واخر مرة اشتغل وشوفو اذا مااحد قدر اللي تسوونه وش يصير
في يوم من الايام قلت لاهلي ان اكل الشغالة يلوع الكبد وانه جاب لنا المرض وبكرة انا اللي ابسوي لكم الغداء هم على بالهم امزح صاروا
يتطنزون علي طول اليوم (خيالية تبي تدخل المطبخ هههههههههههههههه)عاد انا ماقدرت ارد كل ماضحكوا اقول بكرة تشوفون يوم خلصنا
من العشاء رحت انام على طول عشان عندي بكرة شغل وطبخ وقلت لهم يصحوني بدري يوم جاء الصباح قمت من صلاة الفجر وعيا يجيني
النوم جلست افكر شلون يبي يصير الغداء بصراحة اول مرة احس بمعاناة الشغالات 0000
وصحوا اهلي الساعة تسعة وجلسنا نفطر وانا كل سالفتي بالفطوراقول اليوم ابسوي لكم كبسة تاكلون ايديكم وراها وانا منسجمة بالسالفة قالوا
كرهتينا بالكبسة على هالصبح انطمي وطبعا مارديت عليهم بس اقول كالعادة تشوفون اليوم يوم جت الساعة 11وانا ابدا بالطبخ طردت الشغالة
من المطبخ يقالك ماابغى احد يساعدني واخذت الطريقة من امي وبديت بالشغل اول شيء سويته قطعت البصل توي ادري ان البصل كذا وانا
اقطع وامسح الدموع اخر شيء طلعت برى عشان اجيب المنديل يوم شافتني امي وهي تصرخ خيالية فيك شيء احرقتك النار تكلمي وش فيك
قلت وش شايفتني بزر ورحت اكمل البصل والدموع تسيل وفجاة قطعت اصبعي وبدا الدم يسيل جلست ابكي بس ماطلعت اقول لهم اخاف
ماياكلون من الكبسة وجلست اغسل يدي لين وقف الدم ناظرت للساعة لقيتها 12يعني جلست ساعة حق البصل بس بعدها المهم تمت الطبخة على خير وانتهيت من الطبخ الساعة 2 انتظرنا ابوي لين
جاء من الدوام وتجمعت العايلة كلها على السفرة حتى جدتي مع ان فيها سكر بس كذا تسبب زحمة خخخخخخخخخ ويوم جبت الغداء قالوا ماشاء الله مسوية جريش قلت لا على بالي يستهبلون بعدين ذاقه ابوي قال وش مسويه سليق
بعدها ماتحملت الوضع كل واحد يخمن من عنده فاخذ الغضب مني كل ماخذ(اخس ياللغة ) وقلت يامال العمى لابليسكم(مع ان ابليس بريء من هذه التهمةخخخخخخ)هاذي كبسة قالوا وعععععععععععععععععععععع وش هذا وقاموا وتركوها واتصل اخوي على المطعم وطلب منه غداء قالت جدتي00
من زود البر00عطوه الدجااااااااااااااج(انواع التحطيم)قلت لاااااااااااااااااااااااااااااااااااااا خلوه انا اعرف اتصرف وناديت البزارين وخليتهم ياكلون معي عاد البزران شافوا الكبار عافوه ومع الخيل ياشقراء قالوا مانبغى قلت شوفوا اللي ياكل معي اجيب له بكرة حلاو من الكلية وهجموا عليه تقول غنم فاتحين عليها الشبك (العن ام الوصف خخخخخخخخخخ
خلال دقيقتين شطبوا عليه بعدها جتهم نزلة معوية لمدة اسبوع وطبعا جحدتهم ماعطيتهم حلاو تمت

ملاحظة

ياناس قدروا الناس خخخخخخخخخخخخخخخ
فلولا التقدير لما ابدع الناس هههههههههههههههههههههه

هههههههههههههههههههههههههههههههههههههههههههههههههه هههههههههههههههههههههههههههههه







هاللحين يووم انهم عاافووه ورااك تخلين الصغاار ياكلووونه والله اني رحمتهم هع هع



يعطييييييييك العافيه خياليه ننتظر جديدك مع المطبخ

وش ذنب هالصغار
بس خلهم ياخذون درس ثاني مره ماياكلون شي مسويته إنتي

هههههههههههههههههههههههههههههههههههههههههههههه
اكيد تسمموا ههههههههههه

هاهاااااي والله والله

آه يا بطني ماني قادرة إمسك

نفسي من الضحك خخخخخخخ.