سا شين التفلسف زيناه ** انا والآيس موكا

هاذي تجربتي مع الآيس موكا وضعتها للعظة والعبرة
قررت اليوم ويا ليتني ما قررت أني اصلح الآيس موكا وش زود ستار بوكس عني وقعدت أقنع نفسي ويا ليتني ما أقنعتها وأقول لازم يا عهوده تكتشفين وين موقع المطبخ في بيتكم وتجربين الطبخ بكرة تصيرين ربة منزل << كذا البنات يقنعون انفسهم
وش بتوكلين زوجك إذا تزوجتي ؟؟؟
لو تظلين على هالحال بيفطر زوجك بيض ويتغدا بيض وجبن ويتعشا بيض وكتشب << محسوبتكم ما تعرف تصلح ألا البيض
المهم واتحمس قوووووة وتجيني طاقة مدري من وين << أنتي من يجي طاري العرس تجيك الطاقة الله يخلف على أميمتك.

دخلت النت وأخذت وصفة الآيس موكا وكتبتها بالنوتة وقلت يالله يا ربة المنزل وصانعة الأجيال أشتغلي عشان تعرسين << ما قلت لكم انا كذا أحمس نفسي

دخلت المطبخ واشوف المقادير الناقصة واقول لابوي الله يطول في عمره أنه يجيبها

جت ويا ليتها ما جت ,,,,,,

اول شيء صلحت الكريمة حطيت الدريم ويب مع الفانيلا والحليب زي الي مكتوب في الغلاف أعلمكم بعدين وش صار فيها.

أول محاولة للتجهيز....

دخلت قوالب الثلج بالفريزر شوي ورحت للخلاط بسوي الآيس موكا حطيت المويه والسكر ثمن الحليب وشغلت الخلاط طبعاً انا فيني عبقرية زايدة ما صكيته بالغطاء فأول ما شغلته تروشت حليب وشغالتنا ودها تذبحني سويت حوسة في المطبخ ألي يناظرها يقول يووووووووه الله يعينهم شكل عندهم عزيمة وذابحين ضحيتهم هنا ما درو أني إذا دخلت المطبخ تدخل الحوسة معي.

تصدقون شغالتنا ألي قبل أشتكت لأمي أني أحوس المطبخ عاد اميمتي ما تبيني اضرب عن المطبخ إضراب تام يا حبي لها تبي تنمي فيني موهبة الطبخ وقالت لي أطبخي بس أنتبهي لا تحوسين صرت أدخل المطبخ واحوس الدنيا وأطلع لهم والمقادير كلها مكببة على ملابسي وبأبتسامة بلها أقول الطبخة خربت وتصدقون ذاك اليوم صلحت كيكة ونسيت السكر وأبوي الله يخليه لنا يبي يرفع معنوياتي قام يصب فيها عسل ويتغصبها ويقول حلوة يوم وصل للنص لقى ألي في الوسط عجينة ما أستوت خخخخخخخ

المهم نرجع لموضوعنا قلت معليش يطشر شوي (( ليته شوي)) غطيت الاخ خلاط وشغلته ثمن حطيت الشوكولاته ثمن النسكافيه بس الدريم ويب سقط سهواً
والثلج طلعته صار الأخ في الله ما أمداه يجمد قمت عصبت وجيت بكب الخليط في الغسالة بس أنبني ضميري وقلت حراااام نعمة ربي وأشربها ألين أمتلت معدتي وحامت كبدي

مصلحته مصلحته وقلت أصبري يا بنت الين العصر بعدين صلحيه لازم تصلحينه عشان تصيرين زوجة صالحة << مهيب منشفحة على العرس أبد

جلست


وجلست


وجلست


ألييييييييييين جا العصر

وبدأت المحاولة الثانية كل حاجة أوكي ألي في الخلاط مشيت فيه على حسب المقادير بالضبط بس خلاطنا خربان وينقط وأنا أدور فيه لونت المطبخ بالبني... وشغالتنا ودها تدخلني في الخلاط وتشغله.
على فكره أنا ألي مخربته دخلت ملعقة وهو يشتغل يقالي بساعد الخلاط في عملية الخلط قمت كسرته << مبسوطة يا الفالحة أنتي وخشك.

نجي عند الثلج حسبي يالله عليه من ثلج << ضعيف ما سوى شي أنتي الدبشة الله يكفلك .

طبعاً أختكم في الله عايشة في العصر الحجري بأجرش الثلج قمت جبت "نجر" << قسم بالله ما أكذب.

وهات يا تدبيج بذا الثلج بيتنا يهز من كثر ما أخبط والثلث يطيير وبابا على باله الحفريات جمبنا قاعدة تشتغل كسرته وبعدين خربتها بلا مقادير بلا زفت حطيت معظمه في الخلاط مع الخلطة وحركت الخلاط شوي وباقي الثلج حطيته في كاسي ((تراه أكبر كاس)) يعني يقالك تحبه بثلج واجد

وصبيت

طلعت الكريمة عشان أزين فيها الآيس موكا أنا ووجهي << أول مرة أحس أني ما أحب نفسي

أشيلها زي ما أشيل الآيسكريم جااااااااامده وثقييييلة بعد المهم حاطتها حاطتها وألي فيها فيها

وألطها فوق المشروب ألي مفروض انه آيس موكا واصب الهرشي فوق المريس حقي وطلعت مبسوطة انا وخشتي << << ما يسوى علي كرهت نفسي عقب هالتجربة.

وديت كاس لأمي تذوقه ربي رحمني وصارت قاعدة تكلم بالجوال فنزلت عشان اشرب حقي وأشوا اني ما عطيتها وألا كان فضييييييحة .
وطلعت مبسوطة لأبوي وانا أقول آيس موكا زي حقت ستار بوكس <<< إيه هين

بديت أشرب

وحاجة غريبة تصير معي وأنا أشرب

إذا حطيت المزاز وشربت يطلع لي المشروب بدون الثلج وإذا شلت المزاز وشربت بس الثلج ألي يطلع قد شفتوا تكنولوجيا زي هذي <<< الله يكفلني فيني دباشه مهيب في أحد

طبعاً ما كنت أشرب ثلج كنت آكله القطع كبااااار كبر قريح <<< أيه خلي نجرك ينفعك أنت وخشتك.

كاسي برضو كبر قريح ما طاع يخلص

ألا على فكرة دااايم نقول كبر قريح وش معنى قريح هي لها علاقة بقرحة المعدة << مشكلة الدبش إذا قعدوا يفكرون
المهم بقي الحين كاسين أصغر من كاسي شكلي بشربهم أخوي الصغير شرب واحد وشكلي بشربه الثاني الله يعينه على الكحة <<<< حرااااااااام عليك يا النذلة

المهم بعد هذي التجربة الفاشلة من جيع النواحي طلعت بعدة قرارات وإكتشافات وهي :

1)ما أشتغل قدام شغالتنا عشان ما تحقد علي.
2) إذا أشتهيت موكا فرابتشينوا أصبر لين أشتريه ولا أحاول أصلحة.
3) وأكتشفت ان الثلج ما يندق بالنجر.
4) وأكتشفت أن الوصفة ألي على علبة الدريم ويب غلط .
5) أني ما أشغل الخلاط لين أصك غطاه.
6) لازم أذوق الشي قبل ما أقدمه .
7) أكتشفت أن الثلج الكبار ما يقدر يطلع مع المزاز .
8) وأكتشفت أني دبشه تربيع.

على فكرة كنت ناوية اسوية لروح طفلة كانت بتجيني اليوم بس ما صارلها من الطيب نصيب

وسلامتكم

وانا امتشفت انتس يبغالتس جلد الين تقولين لا اله الاالله

يالدلخة كم مرة قايليلك لا لا لا تطبخين الا انا معك بس كش عليتس الموهيم تراني بتشرره شرهه وش كبرها ابغى موكا فاهمهشوفي حقتا اللي سويناه في بيتنا ليلة العيد حلو و حقتس موب حلو احط لس حق ليلة العيد هاه



الخميس الجاي في استراحة اخوالي تجيبي الاغراض واتسوينه

لي باك افصفص موضوعتس لاني فيني النوم

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هاي


عهود الله يحوس عدوك الخمس حوسات

هذا كله عشان تسوي موكا

<<<من زينك عمرك ماجربتي تسوين شي زين

بس أحمدي ربك شغالتكم تديكي مجال تدخلي المطبخ أنا بس أدخل أشرب ولأخذ من الثلاجه شي

مره برمضان قلت بسويلهم كيكه <<يقولون أسهل طبخه

طلعتني من المطبخ الله يرجها تقول :أنا في سوي مال إنت

يعني السبب الرئيس في فشلي في الطبخ أنه مأحد مديني وجه

خخخخخخخخخخخخخخخخخاي



عهود المره الجايه إنتبهي على روحك من الخلاط لا يخلط يدك

ههههههههههههاي

الله يحيكم في موضوعي ..

روحي --> طبطب نشوف الخميس الجاي كاسين علي وكاسين عليك اوكككي..
مصرقعة --> هع على كيفها ماتعطين فرصة جايبنها بفلوس << من جيبك ريال؟؟
اما خلاطنا توفى اليوم العصر والسبب انا واختي بنصلح حلى وحطينا جبن كيري ونستله ومدري ايش ونسينا الملعقة في الخلاط و فجاءة انكسر .و امي مسوية اضراب مهيب شارية خلااط الا كانها بتحطه في غرفتها لاننا انا واختي من لم سناعه

يو يو يو كل هذا صااار حرااام عليكـ يالدبشة لهالدرجة ما تعرفين تسوين موكا انا اقولك حبيبتي بنزلتس موضوع عن الموكا ما ينفع رد ..

روح فجرتي المواجع ذكرتيني بالموكا ليلة العيد لعد تسوونه الا اذا جيت

يو يو يو كل هذا صااار حرااام عليكـ يالدبشة لهالدرجة ما تعرفين تسوين موكا انا اقولك حبيبتي بنزلتس موضوع عن الموكا ما ينفع رد ..
روح فجرتي المواجع ذكرتيني بالموكا ليلة العيد لعد تسوونه الا اذا جيت

مشكورة شيف عهود ............
اثبتى انك طباخة مية مية ...
بس اللة يعين العريس

>> جااي هناا يتذوق الموكاا هع

من دلاختكـ عهود ككككككككككككك

في احد ماايعرف اسويهاا واناا مغمض >> احلف

ههههههههههههههههههههههههههههههههههههههههههههههه
ايوا ثااني مره لالاتتهورين ونتبهي على حالكـ يالمصرقعه

يالله اذا سويتو ارسلووولي خلوني اجربه من ذوووووقكمـ بجرب حلو ولا نص نص هع

الـف مـلـيـون شـكـر خـيـتـو عـهـود عـلـى الـمـوكـاا

نـنـتـظـر جـديـدكـ

شـــــــااو

TiGeR

هههههههههههههههههههههههه

مشكووورة خيتوووو ع الطله الجميلة

يعطيك الف عافية

يا اوعع وحدة ليش ما عزمتيني

يالله انا نازلة اسوي موكا شهوتيني

مشكوره عهوده

تشكرات خيتي عهود

ولا تحرمينا من إبداعك

ولكي ألف تحيه

تحياتي

عهود تشكر لكم مروركم

و هي عندها اختبارات ولا كان تدخل بس حتى انا وانا بنت عمتها لي ما شفتها عقب العيد

دعواتكم لها بالتوفيق والنجاح

يا حوووبي لكم يا اسحن ناس في كلبو العالم

قرقوعة
عابر
تايقر
الاميرة البيضاء
ترى بكف
قنتل
صرقعة
روح طفلة

مشكووووووووووووووووررررررررررييييييييييييييييييييي ن على المرور والتعليق

يا حوووبي لكم والله اني مدري شو اعتذر وش اقووول بس وش اسوي من زمااان عن النت هالجامعه خذت كلبو ام وقتي << اخس


يالله مشكورين نورتوا صفحتي