كل واحد/ة ي/ت قولنا وش برنامجه/ا ايام العيد

**قرقعة فناجيل** · 10-19-2006, 03:18 AM

الموضوع باين من عنوانه ..

انا ببدا ** طبعا قبل العيد بثلاث ايام نروح لبيت جدتي من امي انحن يالبنات بس انا وبنات خالاتي وبنات اخوالي يعني تقريبا 10 بنات وكل وحدة تجيب معها قطة 500 ريال واخوالي ما يقصرون بالكوفي شوب والاسواق والمطاعم بعدين ليلة العيد عالساعة 8 الليل نروح المشغل نستشور شعورنا واللي تحط حركااااااااااااات الموهيم نرجع البيت الساعة 2 تامرنا الجد الغالية نسوي القهوة ونوام الشوكلاتات المهم نضبط كل شئ بعدين نجلس نتقهوى بعد صلاة الفجر يجون خالاتي فقط اللي هم امهاتنا بعدين يروحون مع جدتي يصلون العيد واحنا وقت الصلاة نتلبس ونتمكيج ونكشخ والصباح ما نلبس اللبس الرسمي يعني يكون تيور فخم وبس اما اللبس فيكون الليل نجلس نعيد مع اخوالي و زوجات اخوالي يروحون على صلاة الظهر بعد الظهر ننام الين الساعة 5 او 6 نقوم وكالعادة (نشرب قهوة) بعد صلاة المغرب نلبس اللبس الرمس ونتزين بعد صلاة العشاء تنطلق الحافلات الى بيت عم امي نسهر هناك بعدين كل وحدة ترجع مع اهلها ثاني يوم اروح لعماني .. ثالث يوم خالاتي وجدتي نسافر الدمام ثلاث ايام .. وهذا عيدنا وطبعا اول اسبوع بالدراسة نجتمع في استراحة او منتزه ع حسب الاجواء ..

يالله عطونا همتكم كل وحدة تقولنا وش تسوي في العيد ..

**قرقعة فناجيل** · 10-19-2006, 08:01 PM

ليش .. ليش .. ليش كذا مافيه تفاعل لهالدرجة مو عاجبكم الموضوع ؟؟

كليوباتراKSA · 10-19-2006, 09:14 PM

وش دعوه
أنا الله يسلمك ليلة العيد أكون في البيت لاني أحب ليلة العيد في البيت واذا كان أبوي موجود ومو مسافر كعادته نطلع شوي
وأول يوم عند خوالي بس مو من الصباح لا من الليل بس الجو مع خالاتي شي ثاني في العيد بس مو أحلى من ثاني يوم اللي أتحمس له
وهو أني أطلع مع عماتي للمزرعه ونقعد فيها فله ووناسه ونسوي حفلات تنكريه أنا وبنات عماتي وسهر على أفلام رعب ونطبقها ونلاحق الدجاج والله من الخباله
لحد مايقولون بكره دراسه هنا تبدا الضيقه والنكد بس

**قرقعة فناجيل** · 10-19-2006, 11:22 PM

كيف يشبلك بيتكم ليلة العيد احنا اذا ما اجتمعنا عند جدتي ونمنا لازم نكون مجتمعين عند وحدة من خالاتي..

بالعكس انا احس بونااااااااااااااااسة غير طبيعية عند اخوالي يمكن لان ماعندي اخوات وخالاتي عشت معهم حوالي 4 سنوات وهما في سني واكبر ( جامعة ، ثانوي )
عماني يجتمعون ثاني يوم وناااسة صح بس بعدين ثالث يوم يسافرون برى المملكة ولا اشوفهم الا بعد الدراسة باسبوعين ثلاثة ..
تسلمين حبيبتي على المرور

**ســــيــاف** · 10-20-2006, 07:59 PM

عن نفسي

اول يوم من بعد الصلاه اجتماع عائلي ...

بعدها غداء واجتماع عائلي ........... بس طرف ثاني غير الاول

وبعدها خلاص انتهى دور العائله هههههههههههه

واليوم الثاني بعد فيه شي مع العائله

وبعدها مساااااااااااافر ان شاء الله

يسلمو خيتو

بوشهيد · 10-21-2006, 03:29 AM

انا في البلد واعايد على الاهل والربع والاجازه عندي ثلاثة ايام بس خخخخخخخ

ويمكن ادق سلف وافر على البحر كلها 140 كيلوو هاااع

ونقضي فيه نهار كامل ونرجع

بس هذا الي عندي الحيه هع هع

مشكوووووورة واسف على التأخير

**قرقعة فناجيل** · 10-21-2006, 05:53 PM

مشكور يا سياف وبو شهيد على مروركم اللي عطر الصفحة

ஐطيــ الروح ـــفஐ · 10-21-2006, 07:21 PM

بوووشهيد البحر اللي تتكلم عنه ناقصه ياء ونون وبعدين لايكثر ترى مارضى

وانا عن نفسي اصبح الصبح يوم العيد اعيد على الماما وابوي طبعا اول ناس
وبعدين افطر معاهم وارووح الصالوون طبعا مع صديقاتي وبعد مانرجع بيكون صار العصرمن الزحمه اجهز نفسي تماام وبعد ما اخلص ارووح بيت جدتي ام ابوي اكيد هناك الاهل متجمعين
ونجلس كلنا في بيت جدتي ومن يصير المغرب ما احد يشوف ملامح وجهي ارووح انا وصديقاتي وبنات عمي المجمع نشووف السينما ونتعشى يعني نطلع طلعه حلوة مع بعض
اما ثاني ايام العيد وثالث كله بالسعوديه لاهل امي
وووووبس هذا الاختصار

**قرقعة فناجيل** · 10-22-2006, 03:49 PM

طيف اجل انتي بنت عمتنا امك سعودية .. تشرفت حبيبتي بمرورك