بسم الله
تحية عبقة وعودة بعد غياب بقصيدة أتمنى تنال رضاكم.
يا زين الطله اللي زينت بالحسـن هالشبـاك
ذُهلت من الجمال اللي يقولـو عنـه ربانـي
جمالك عمر فوق العمر ولا بنلام إذا بهـواك
جمالك طاغـيٍ مـره تعـدى عـزم قيفانـي
دخيل عيونك الحلوه و أنفك و الكرز بشفـاك
دخيل المكحله و الروج تلامس شفّة الجانـي
دخيل الصوت رفيق الموت يعذبني جميل حكاك
وتعجبني خصل هالميش اذا مالت على امتاني
أنشهد مالكِ في البيض شبيهٍ لا هنـا وهنـاك
وحيدة جيلكِ بالحسن وانشهـد جيلـكِ فانـي
تقلدتي نياشين الكمال اللي تواضع يومه جاك
وانا اللي قد بلاه الله بحبك يـوه وش جانـي
أنا بعينك أشوف السعد توهج يومنـي بلقـاك
ورسمتِ ضحكةٍ حلوه على شفاهك على شاني
توليتي خفوق الشاعر اللي ذاب لجل رضـاك
أبدد همي بشعري عسـى الاحـزان تنسانـي
عشقت ولاني الاول ولكـن راضـي ببلـواك
تمكن حبكِ منـي وصرتـي كامـل أشجانـي
تولع خاطري الطيب و أصبح في الهوى ملفاك
دخيلك لا تخلينـي أعيـش العمـر وحدانـي
(( تحياتي لكم جميعاا واتمنى الكلام المنثور بينكم حاز على اعجابكم ))
اخوكم >>> TiGeR