قصة حب ..<<من سلسلة تأليفي..

بسم اللـــــــــــــــــــــــــــه الرحمن الرحيـــــــــــــــــــــــم

هذي قصه من تأليفي اتمنى تعجبكم


...............................................

][`~*¤!||!¤*~`][قصة حب][`~*¤!||!¤*~`][





كان يا مكان في قريب الزمان

كان هناك رجال اسمه عبدالله سعوووودي

كان بالصف الثاني ثانوي
ونجح

وحب يغير جو

سافر الى مصر على النقل البري

لاهل امه

وتعرف على شخص مصري

وهو بالباص

المصري ذا كثير هرج وعبدالله زهق منه ومن هرجه

انما هو الوحيد اللي يونسه بالطريق

والطريق طوووووويل مسافه يومين تقريبا

عبدالله يبي ينام والمصري جالس يهرج

انما وصلوو الى مصر بعد البهدله فالطريق من مشقة التنقل من الباص الى العباره الى باص ثاني

افترقووا

وعبدالله راح لاهله فمصر

وبعد مرووور ايام زهق عبدالله من الجلسه

وطلع يتمشى

وعلى رجعته

الا على باب العماره بنت <<<

اول ماشافها ضاعت علووووومه وجلس يبحلق

كأنه ماشاف خير

لانه في مجتعنا ما فيه اختلاط ومش متعودين نشووف الجنس الناعم

انما

عبدالله ضاعت علووومه

والبنت تكلم عمها اللي جالس عند مدخل العماره

عمها واللي جالسين معه سألوووه وش فيك

عبدالله صرفها قال هذي اذكرها يوم انها صغيره

ماشاء الله كبرت

قالوا اي وصارت عروووسه

طلعت البنت لشقتهم

واخونا عبدالله ضاعت علومه اول مره يشوف جمال مثل كذا

وراح شقته وهو يفكر مانام الا باالعزر

نسى البنت

ومع مروور الايام

راح عبدالله يزور خاله

الا وشاف البنت تدخل وتطلع وتحووووس داخل شقة خال عبدالله

تبي تلفت نظر عبدالله

واخونا مسوي ثقيل مايطالع ابد

انما

جلس عبدالله مع خاله وعيال خاله

والمعروف عن عبدالله ان دمه خفيف

اللي يجلس معه شي ضروووري تدمع عيونه

جلس وشوي دخلو حريم وجلسوا

عاد عبدالله مش متعود

سأل خاله من ذووول ومن البنت اللي حبها

قال ذووول يقربون لك منهم نسايبي ومنهم جيران

وطلعت البنت تقرب لخال عبدالله بنت اخو زوجته

انما
جلسووا

وعبدالله خجلااااااااااان البنت تناظره من تحت لتحت وهو
مايناظر خجلااااااااااان

اللبنت جلست تسووووووولف وعبدالله فعالم ثاني

صاير هادي لانه مش متعود عليهم

فجأه وجهت له البنت الكلام
وسألته وين تدرس

ومن هالاسئله التقليديه

شووي وعبدالله قام عنهم ورااااااح

اووووووووووول مرررررره تكلمه بنت ومايدري

من الفرحه وش يسوي

راح وجلس عالسرير يفكر فيها
الى ان طلع الفجر

ونااااااام

انتهى الجزء الاول

انتظرووا الجزء الثاني

الله الله عليكم يا اعضاء..

ما شاء الله اشووف المتابعين واحد بس..

والله لا اكمل القصه بس لعيون العربجيه..

ونرجع لقصتنا

......

انتهينا من الجزء الاول بنوم عبدالله بعد جهد وعناء التفكير في حبيبته

قام عبدالله من النوم بعد مضي ثلاث ساعات من نومه

يعني تقريبا مانام

واول ماقام خذ ترويشه عالسريع وضبط نفسه وماتعطر لان عنده حساسيه بخشمه

وزاد اهتمامه بنفسه

جلس ينتظر الفطور

طبعا هو عايش في غرفه منفصله عن شقة خاله
وخاله ذا اسمه محمد

هذا محمد كان مسوي الرجه في شبابه

كان رجال بتاع بنات على قولة اخواننا المصريين

وسبحان الله الله يمهل ولا يهمل

في احدى مغامراته مع احد البنات حملة منه

وغصب عن اللي جابه بيتزوجها
تزوجها وجابت منه ولد سماه خالد وعلى وصول عبداله عندهم جابت ولد ثاني اسمه محمود

عاد زوجة خال عبدالله الله لا يوريكم شينه بمعنى الكلمه

لا تحمل اي شي من صفات الانوثه

هذي انشبت لعبدالله فحلقه

ليش

لان عبدالله على طول يكفخ ولد خاله خالد

وزجة خاله اللي اسمها هيبه>>>لي معنى براسي باسمها

تحد محمد خال عبدالله عليه

هذا شرح لعائلة خال عبدالله محمد

وصلنا عبدالله ينتظر الفطور

خاله محمد ما جلس من النوم

وعبدالله زهق ونزل يشتري له فطوور


ونزل وجلس عالقهوه يشرب شاي ويفطر

هو للان مادخن

جا واحد يساله عن مكان وطبعا عبدالله رخمه مايعرف يهرج مصري

قاله ياخوي والله مدري

اللي ساله استغرب زقال في نفسه ذا من وين ووش قصته

قاله عبدالله اجلس اشرب الشاي

وخوينا ماصدق

رز نفسه على طول

وجلس يفتح مواضيع مع عبدالله

سأل عبدالله وقاله من وين انت

رد عبدالله انا سعودي خالي فلان وفلان

قال تشرفنا يباشا

رد عبدالله لي الشرف

والمعروف عن خوال عبدالله انهم ماشاء الله راعيين فزعه<<<<مثلي

يعني فالهواش مايمزحون

كل الحاره تخاف منهم

طبعا خوال عبدالله كبار اعمارهم تتراوح بين الثلاثين والاربعين

خلص فطوره عبدالله واستأذن من الرجال وطلع من القهوه

وراح على طول لبيت خاله احمد

خاله احمد هذا يقرب لحبيبة عبدالله زوج عمتها

وساكن معهم في نفس العماره

وعنده اعيال صغار

ومطوع هو وزوجته متننقبه

راح عبدالله من الصبح اول مره يسويها

وجلس خاله وقعد معه
يسولفون


خاله حبوب ودمه خفيف وعبدالله يعتبره اخوه الكبير وصديقه قبل انه يكون خاله

عبدالله ما يعرف اللف والدوران


يعني كذا ولا كذا عيونه تفضحه

شافه خاله على طول مجلس فالبيت ولا يتعدى ولا اول مايمره

الا مره فاليوم

احمد خال عبدالله

سأل عبدالله وش فيك تحب

وخوينا ماصدق بط ((طلع)) كل اللي بقلبه

وقال لخاله البنت دخلت براسي

وهي بصراحه تشجعني على حبها بنظراتها اللي تذوب الطفل في محله

رد خاله وقال ياعبجالله لا تلعب ببنات الناس

تبيها نخطبها لك

واللف والدوران مانبيه

عبدالله سكت وبلم

وغير الموضوع

يوم جا العصر

طلع عبدالله من الحاره

والحاره هذي ياجماعة الخير

حاره بسيطه مافيها ذاك التخلع

اغلبية البنات متحجبات

طلع عبدالله وراح يتمشى بلحاله

وجا براسه انه يدخن كذا

ركبت براسه الا يدخن

قال بس زجاره ووببطل

شاف واحد من الشارع وطلبه

وعطاه الزجار

كيلوبترا

اول ماشربها خوينا التف راسه

وهو يتمشى ويناظر ذالبنات

طبعا هو زي ماقلت بحاره بسيطه

مافيها أي منظر جمالي سوى
التعاون المتبادل بينهم

والسهر الى الفجر شي عادي

تمشى خوينا ورجع عالمغرب من طلعته العصر

وراح غرفته وبدل وتكشخ
وهو نازل

شاف جارتهم بالعماره
الولد للمره الثانيه ضاعت علومه

هي طالعه وهو نازل

هو تجرئ شوي ويناظر وهي منزله عيونها

وهو سوى وقف على جنب وخلاها تمر

ذي البنت اسمها رانيه

من صديقته صديقة اللي يحبها خوينا
>>>بعدينا بتعرفون ليش تكلمت عن هالنقطه

نزل وراح لبيت خاله الا وحبيبة القلب موجوده

عاد عبدالله يقوول فقلبه يمشققني

<<<ههههههه

وجلس مع خاله

وعبدالله بخفة دمه وبحياء بنفس الوقت

قال نبي شاي

البنت قالت حاضر

نسيت اقولكم اسمها اسمها اميره

وبنص السوالف مع خاله

قال خالي نبي نطلع طلعه وتعزم نسايبك

ضحك خاله وقرص عبدالله وقاله فهمتك يانصاب

ههههههه

في هاللحظه وهم يضحكون جات اميره وبيدها صينيه الشاي

وقالت وهي تناظر عبدالله ان شاء الله يعجبك

خوينا بخفة دم قال عسى حطيتي غيه سكر

قالت اه

قاال وهو يهز راسه ليه

انتي كفايه بصبعك تقلبينه

ويصير زي العسل

وابتسمت هي

وعبدالله اضحكت له الدنيا
وخاله ومرة خاله دورههم

يغازل عينك عين
ههههههههههههههههههههه

والبنت مطيحه فبيت عمتها اللي هي زوجه خاله

ووتصيد الفرص عشان تكلم عبدالله

ووعبداله احيانا يفهي وهو عالكمبيوتر

واحيانا يسوي نفسه مش حولهم >>>يعني ثقيل
وهو قاط اذنه عندهم

جا ابو اميره وسلم على عبالله
وعبدالله من غير تفاهم

قال لابو اميره

والله زهقت من الجلسه>>>>والله الولد ذا نصاب

وابي اطلع وخالي مايطلعني >>>زين خاله فاهم حركاته ولا كان هو في خبر كان

قال ابو اميره خلاص بكره نروح الحديقه ونمتمشى





رجعنا لعبدالله

خوينا ماصدق قال خلاص بكره الطلعه

واتفقوا

وطلع عبدالله مع ربعه توه متعرف عليهم

يتمشوون

اهم يحسبونه يدخن

وهو ماقالهم انه مايدخن

وكل شوي مادينه بزجاره

وخوينا داايخ شارب مو أي دخان كيلوا بترا

وبين ماهم يتمشون فالحاره

زهق عبدالله ورجع شقته ونام عشان الموعد بكره وسلامتكم

فانتظار الجزء الثالث

واااااااااااااااااااااو مرة حلوة ماشالله

أخس يا الرومنسي ............اثرك منت هين يا الضب


يله وربي تحمست مع قصتك......

أقول وش قصت هبه........<ياشين اللقافه

مشكوووور يا المبدع .......أجل هو زيك فزعه.........مدح نفسه ......هع هع هع

مساء الخير والا صباح الخير والله ماعد أميز لاليلي ليل ولا نهاري نهار
الظروف صعييييييييييييييييييبة الله يكافينا شرها بس قلت لازم أمر على
أبو فزعه أشتقت لسواليييييييفه وأوسع صدري مع قصصه بس ماعندي وقت
تسلم على القصة الحللللللللوه إلى يمكن ما ألقى وقت لمتابعة أحداثها
علشان كذا أنا بقصها وبقطعهاوأبخربها عليك ماحدقالك تنافس ألف ليله وليله في
طول قصصها
عاد هو لما استيقظ من نومه باكرا على بالها معلمة عربي ونسى يتروش هههههههههههه
راح لم الحديقة إلى هي حديقة الحيوانات مع خواله وحبيبته شاف وحدة حللللللللللوة
لونها برونزي و يطير عقله معها ويصير مثل المهبول المهم
هذيك المهبوله أقصد المسكينه مصدقتن حالها تحسبنه ميت فيها مادرت إنه ميت فى
وحدة ثانيه المهم ,,,,,,, يرن التلفون إلى وهي إخته إلحق بنت عمك نوره طاحت مع
الدرج وإنكسرت رجلها ماصدق خبر رفع شليلة ودور أول رحلة مالقى ركب حمار وركض
فيه لم الرياض وبدل مايتطمن هو على نوره >>>نوره إلى جت تطمن عليه في غرفة الإنعاش <<<
وكذا عرفنا الحب الحقيقي إلى بين نوره وعبود هههههههههههههههههههه خربت عليك القصه
هههههههههههههههههههههههه
هههههههههههههههههههههههههه
لاتزعل فزووووعه
بن تضار الحلقه 150 بعد الألف تسلم على القصص الرااااااااااائعه والإبداع المتألق

قصة رائعة..
ولكن انا بانتظار الجزء الثالث..

كمل القصه
ننتظر

ياريت تكمل بسرعه نستنى الاحداث

يااااي تهببببببببببببببببببل تكفى لا تطول علينا ..
روعة وأروع من الرائعة .. اثر فيه شباب رومنسيين ..
أجدعوا علينا واحد ..
يسلموووووووووووو وبسرعة الجزء الثالث..