(( .. يـتـمـيـة مـثـل ذااااك الـعـشـب ..))

TiGeR · 07-23-2006, 03:06 AM

& يتيمة مثل ذاك العشب &

يتيمة مثل ذاك العشب في طرف الرصيف الميت المهجور ..
قوي ٍ ، ثابت ٍ ، مجنون ..
يضم الريح بكفوفه ويرويها بظما مشـتاق ..
تهاب الريح من ظله ، وتتمايل لاغصانة رياح الكون ..
ونـتوافق انا وياه وأحيان الخلاف كبير ..
وأحيانا ً كثير كثير تتخالف مبادينا ..
وأكيد اكثر من اللازم أنا وياه بعيد بعيد ..
بشرق الارض نتلاقى وغرب الأرض نـتـوادع ..

غريبه منهو المقصود ! صحيح العشب في طرف الرصيف الميت المهجور ؟؟!

* * * * * * * * * * * *
بلم العشب كان اللقا لأثنين ..
من الفرحه تبسم غصنة المحزون وأزهر في خريفه ورود ..
بلم العشب كان الفراق إثنين ..
في لحظة تزلزل الاحساس بموت الشاعر المشتاق ..
وطاحت زهرة العشاق في موسم ربيع ٍ ما نتهت دنياه ..
عصف هالشارع ومات ..
وذابت كل خطوات الطفوله ، والكبر ، والبين ..
وذاك البيت اللي موطنة جوفي تهدم فوق اصحابة ..
سؤال : منهم اصحابة ؟؟
أكيد ادري يجوز أدري ..
ولكن الحقيقه اكبر سواء أدري أو إني حتى ما أدري ..

* * * * * * * * * * * *

ثلاثة ٍ عاشوا ..
وثلاثة ٍ تحت الحطام الباقي من البيت وأثار الغبار ..
بين الجثث أقلام ، و أوراق ، وذكريات ٍ قديمة ..
" برواز ٍ مكسر على حدودة قلوب كثار .. صحيح إن مات هالبرواز ولكن ظلت الصورة "
"وركن ٍ مايعيش يموت على نبض الهوى الفتان .. على حدودة مواعيد الخيال تنام "
"وشمعه انطفت لحظة الا من وقف التيار .. والا من هبت النسمة رقابه هالشعاع وبات "

غريبة منهو المقصود ! صحيح العشب في طرف الرصيف الميت المهجور ؟؟!

* * * * * * * * * * *
يمر الديم فوق الشارع المهجور ..
يداعب بيتي المهدوم .. ذكرى تداعب من يمين .. ذكرى تداعب من يسار ..
ولكنة نسى يناظر ..
وناظر ما قوى يناظر صرخ في لحظة ٍ وإنهار ..
غضب يجوز إنه غضب وأكثر ..
شجن يجوز إنه شجن وأكثر ..
خطوط ٍ تحتها نقطة يجوز أكثر من إستفهام ..
ولكنه كما العاده مر والنهاية مــوت ..

وحتى الشمس الا من زخرفت بألوانها لون السما والغيم الباقي المذهول ..
الا منها قربت يداعب خيطها بيتي وذرات الغبار بأمل وطموح ..
تموت وتندفن قبل الثمان تكون ..

غريبة منهو المقصود ! صحيح العشب في طرف الرصيف الميت المهجور ؟؟!

* * * * * * * * * * *

يحتاج موضوعي للنظر ..
ولكني ماشوف إلا سواد ، وظلمة ٍ ..
ويمكن لون أحمر داكن ٍ ماتميزة العيون ..
وأطياف ٍ لاقرب شخص في ذا الكون ..
ماهو عما ولكن الحقيقه أبعد من إنها للحقيقه تكون ..
غريبة ولكن الغريب اللي أنا اشوفة غريب ٍ حيل ..
يقولون المستحيل يكون ..
وأنا أحلف نعم أحلف صحيح المستحيل يكون ..
مثل ماتنبت الزهرة بصحرا مابها من ماي ..
مثل مايزهر العشب في طرف الطريق بين الصخر وغصنة يحطم التيار ..
مثل قلبي اليتيم ..
مثل حب العمر ..
مثل فرقا وليف الروح ..

غريبة منهو المقصود الا من هبة رياحي تهز القلب وحطامة ! صحيح العشب في طرف الرصيف الميت المهجور ؟؟!

* * * * * * * * * * *

تــربــتــو تــربــتــو

TiGeR

**ســــيــاف** · 07-23-2006, 08:40 AM

روووووووووووووووووووووووووووووعه
رووووووووووووووووووووووووووووووووعه
روووووووووووووووووووووووووووووووووووووعه

تسلم على هالكلمات ,,

ســــيأف

TiGeR · 07-24-2006, 05:31 AM

يـسـلـمـكـ ربـي والأروع انـت وردكـ اروع واروع يـااغـاالـي

الـف شـكـر خـيـو عـلـى مـروركـ وردكـ

TiGeR

بسمه · 09-10-2006, 03:04 PM

رحله ممتعه قضيتها بين ربوع حرفك الخلاب
تحياتي
بسمه
دمت بود